ଗରମ ଦିନରେ ଶରୀରକୁ ଥଣ୍ଡା ରଖିବା ପାଇଁ ଆମେ ବିବିନ୍ନ ପ୍ରକାର ଖାଦ୍ୟ ଖାଇଥାଉ । ବିଶେଷକରି ଗରମ ଦିନରେ ଦହିକୁ ଖାଇବାକୁ ପ୍ରାୟ ସମସ୍ତେ ପସନ୍ଦ କରିଥାନ୍ତି । ଏଥିରେ ଥିବା ବ୍ୟାକ୍ଟେରିଆ ଖାଦ୍ୟ ହଜମ ପାଇଁ ସାହାର୍ଯ୍ୟ କରିଥାଏ । ଦହି ଖାଇବା ଦ୍ଵାରା ଦାନ୍ତ ଓ ହାଡ଼କୁ ମଧ୍ୟ ଉପକାର ମିଳିଥାଏ । କିନ୍ତୁ ବହୁତ ଖାଦ୍ୟ ଅଛି ଯାହା ଖାଇବା ପାଇଁ କେତେକ ନିୟମ ମାନିବାକୁ ପଡ଼େ । ଯେମିତିକି କେତେବେଳେ ଖାଇବ , କେମିତି ଖାଇବ , କାହା ସହିତ ଖାଇବ ….ଏମିତି ଅନେକ । ଦହି ବାବଦରେ ମଧ୍ୟ ଏମିତି କିଛି ଶୁଣା କଥାର ନିୟମ ଅଛି , ସେଥିରୁ ଗୋଟିଏ ହେଉଛି ରାତିରେ ଦହି ଖାଇବା ମନା ।
କିନ୍ତୁ ଦହିକୁ ରାତିରେ ଖାଇପାରିବେ , ତେବେ କେମିତି ଆସନ୍ତୁ ଜାଣିବା –
ରାତିରେ ଦହି ଖାଇଲେ ଥଣ୍ଡା , କଫ, କାଶ ଆଦି ରୋଗ ଦେଖାଯାଇଥାଏ । ବିଶେଷକରି ଅଧିକ ସର୍ଦ୍ଦି ହୋଇ ନାକରୁ ପାଣି ମଧ୍ୟ ବାହାରିଥାଏ । ଏସବୁ କ୍ଷେତ୍ରରେ ଡ଼ାକ୍ତର ଦହି ଖାଇବାକୁ ବାରଣ କରିଥାନ୍ତି । ଆପଣ ଯଦି ରାତିରେ ଦହି ଖାଇବାକୁ ଚାହାଁନ୍ତି , ତାହେଲେ ମହି(ଲହୁଣି ବାହାରିସାରିବା ପରେ ) ଖାଆନ୍ତୁ କିଛି ଅସୁବିଧା ହେବନାହିଁ ।
ଯଦି ଦିନରେ ଦହି ଖାଉଛନ୍ତି ତାହେଲେ ଚିନି ନ ମିଶାଇଲେ ମଧ୍ୟ କିଛି ଅସୁବିଧା ନାହଁ । ହେଲେ ରାତିରେ ଖାଇଲାବେଳେ ଚିନି କିମ୍ବା ଗୋଲମରିଚ ମିଶାଇ ଖାଆନ୍ତୁ , ଆପଣଙ୍କ କୌଣସି ଅସୁବିଧା ହେବନାହିଁ । ଏହାସହିତ ମଧ୍ୟ ଆପଣଙ୍କର ହଜମ ଭଲ ହେବ ଓ ଶରୀର ଥଣ୍ଡା ରହିବ ।
ଏହା ବ୍ୟତୀତ ଆପଣ ଯଦି ଦହି ଖାଇବାକୁ ପସନ୍ଦ କରୁଛନ୍ତି , ତାହେଲେ ଏପରି ଭାବରେ ଖାଇପାରିବେ-
ଦହି ଭାତ –ଏହା ଖରାଦିନେ ଦେହ ପାଇଁ ଭଲ । ଏହା ପାକସ୍ଥଳିକୁ ଖାଦ୍ୟ ହଜମ ପ୍ରକିୟାରେ ସାହାର୍ଯ୍ୟ କରିଥାଏ ।
ଚିନି ସହିତ ଦହି –ଦହି ସହିତ ଏକ ଚାମଚ ଚିନି ପକାଇ ଖାଇଲେ ଯେତେ ଚାଲିଲେ ମଧ୍ୟ ଥକ୍କା ଅନୁଭବ କରିବେ ନାହିଁ ।
ମହି/ଲସି – ଏହାକୁ ବିନା ଆଲକହଲରେ ତିଆରି ଡ଼୍ରିଙ୍କସ ରୂପେ କେବଳ ଖରାଦିନ କାହିଁକି ଅନ୍ୟଦିନ ମାନଙ୍କରେ ମଧ୍ୟ ପାନୀୟ ପାଇଁ ବ୍ୟବହାର କରିପାରିବେ ।
ରାଇତା –ଦହିକୁ କାକୁଡ଼ି,ଟମାଟୋ,ପିଆଜ ସହିତ ମିଶାଇ ରାଇତା ପ୍ରସ୍ତୁତ କରି ଖାଇପାରିବେ ।
କଡ଼ି- ଦହି ସହ ବେସନ ମିଶାଇ କଡ଼ି ପ୍ରସ୍ତୁତ କରିହେବ ଯାହା ଭାତ ସହ ମଧ୍ୟ ଖାଇପାରିବେ ।