Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

କର ବା ମର ମ୍ୟାଚରେ ୭ ଓ୍ୱିକେଟରେ ଜିତିଲା ରାଜସ୍ଥାନ, ପ୍ଲେ ଅଫରୁ ବାଦ୍ ପଡିପାରେ ଚେନ୍ନାଇ ସୁପର କିଙ୍ଗସ୍ !

19/10/2020 at 11:00 PM

ଦୁବାଇ, ୧୯|୧୦   ଆଇପିଏଲରେ ଆଜି ଚେନ୍ନାଇ ସୁପର କିଙ୍ଗସ୍ ଓ ରାଜସ୍ଥାନ ରୟାଲ୍ସ ମଧ୍ୟରେ ଖେଳାଯାଇଥିବା କର ବା ମର ମୁକାବିଲାରେ ରାଜସ୍ଥାନ ବିଜୟଲାଭ କରିଛି । ଚେନ୍ନାଇ  ୧୨୬ ରନର ବିଜୟ ଲକ୍ଷ୍ୟକୁ ପିଛା କରୁଥିବା ରାଜସ୍ଥାନ ୧୭.୩  ଓଭରରେ ଟାର୍ଗେଟ ହାସଲ କରିନେଇଥିଲା ।  ଏହାସହ ରାଜସ୍ଥାନ ପ୍ଲେ ଅପର ଆଶା ଉଜ୍ଜୀବିତ ରଖିଛି । ତେବେ ଚେନ୍ନାଇର ପ୍ଲେ ଅଫ୍ ଆଶା ପ୍ରାୟତଃ ମଉଳି ଯାଇଛି ।କିନ୍ତୁ ପଏଣ୍ଟ ଟେବୁଲର ନେଟ୍ ରନ୍ ରେଟ୍ ଉପରେ ନିର୍ଭର କରେ ।

ଟସ୍ ଜିତି ପ୍ରଥମେ ବ୍ୟାଟିଂ କରିଥିବା ଚେନ୍ନାଇର ବ୍ୟାଟସମ୍ୟାନ ଆଜିର ମ୍ୟାଚ୍‌ରେ ରାଜସ୍ଥାନ ବୋଲିଂ ସାମ୍ନାରେ ହାତଖୋଲା ସଟ୍‌ ଖେଳିବାରେ ବିଫଳ ହୋଇଛନ୍ତି। ପ୍ରଥମରୁ ଦଳ ନିୟମିତ ବ୍ୟବଧାନରେ ଓ୍ଵିକେଟ୍ ହରାଇବାରୁ ଦଳର ରନହାର ଧିମେଇ ଯାଇଥିଲା। ଦଳ ପକ୍ଷରୁ ଓପନର ସାମ କରନ ୨୨ ରନ କରିଥିଲେ। ୫୬ ରନରେ ୪ ଓ୍ଵିକେଟ୍ ହରାଇବା ପରେଳ ଧୋନୀ ଓ ରବିନ୍ଦ୍ର ଜାଡେଜା ପଞ୍ଚମ ଓ୍ଵିକେଟ୍‌ରେ ୫୧ ରନ ଯୋଡିଥିଲେ। ଧୋନୀ ୨୮ ରନ କରି ଆଉଟ୍ ହୋଇଥିଲେ। ଜାଡେଜା ୩୦ ବଲରୁ ୪ ଚୌକା ସହ ୩୫ ରନ କରିଥିଲେ। ଶେଷରେ ଦଳ ନିର୍ଦ୍ଧାରିତ ଓଭରରେ ୫ ଓ୍ଵିକେଟ୍ ହରାଇ ୧୨୫ ରନ କରି ପାରିଥିଲା।

୧୨୬ ରନର ବିଜୟ ଲକ୍ଷ୍ୟକୁ ପିଛା କରୁଥିବା ରାଜସ୍ଥାନ ଧିମା ଖେଳିଥିଲା ଶୀଘ୍ର ଓ୍ୱିକେଟ୍ ହରାଇଥିଲେ ମଧ୍ୟ ଷ୍ଟିଭ୍ ସ୍ମିଥ ଓ ଜୋସ ବଟଲରଙ୍କ ଲଢୁଆ ଇନିଂସ ବଳରେ ଦଳ ବିଜୟ ଲାଭ କରିଥିଲା । ସ୍ମିଥ୍ ୨୬ ରନ୍ କରିଥିବା ବେଳେ ବଟଲର୍ ୭୦ ରନ୍ କରିଥିଲେ । ଅନ୍ୟମାନଙ୍କ ମଧ୍ୟରେ ରବୀନ ଉଥାପା ୪, ବେନ ଷ୍ଟୋକ ୧୯ ରନ୍ କରିଥିଲେ ।

ଚେନ୍ନାଇ ପକ୍ଷରୁ ଦୀପକ ଚହର ସର୍ବାଧିକ ୨ଟି ଓ୍ୱିକେଟ୍ ନେଇଥିବା ବେଳେ ଜୋସ୍ ହାଜେଲଉଡ୍ ଗୋଟିଏ ଓ୍ୱିକେଟ୍ ନେଇଥିଲେ ।

   Related Posts