Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

କିଛି ସମୟ ପରେ ଦିଲ୍ଲୀ-ଚେନ୍ନାଇ ଲଢେଇ, ଫାଇନାଲକୁ ପ୍ରବେଶ ପାଇଁ ପଡିଆକୁ ଓଲ୍ଲାଇବେ ଦୁଇ ଟିମ୍‌ : ଏମିତି ହୋଇପା​‌ରେ CSKର ପ୍ଲେଇଙ୍ଗ୍ ଇଲେଭେନ୍‌

10/10/2021 at 4:56 PM

ଦୁବାଇ ୧୦/୧୦ : ଆଇପିଏଲର ଆଜି କ୍ବାଲିଫାୟର ମ୍ୟାଚରେ ମୁହାଁମୁହିଁ ହେବେ ଚେନ୍ନାଇ ସୁପର କିଙ୍ଗସ୍‌ ଏବଂ ଦିଲ୍ଲୀ କ୍ୟାପିଟାଲ୍ସ । ଅଭିଜ୍ଞ ଧୋନୀଙ୍କୁ ଟକ୍କର ଦେବେ ଶିଷ୍ୟ ଋଷଭ ପନ୍ତ । ସନ୍ଧ୍ୟା ୭ ଟା ୩୦ରୁ ଆରମ୍ଭ ହୋଇଯିବ ମହାମୁକାବିଲା । ଯେଉଁ ଟିମ ବିଜୟୀ ହେବ, ସିଧାସଳଖ ଆଇପିଏଲ ୨୦୨୧ ଫାଇନାଲରେ ପ୍ରବେଶ କରିବ । ପରାଜିତ ହେବାକୁ ଥିବା ଟିମ ଏଲିମିନେଟର୍‌ ବିଜେତା ଟିମ ସହିତ ଦ୍ବିତୀୟ କ୍ବାଲିଫାୟର ମ୍ୟାଚ ଖେଳିବ । ତେବେ ଆଜି ହେବାକୁ ଥିବା ମ୍ୟାଚରେ ସିଏସ୍‌କେ ଟିମ ଏବଂ ଡିସିର ପ୍ଲେଇଙ୍ଗ୍‌ ଇଲେଭେନ୍ କିଭଳି ରହିବ ତାହା ଉପରେ ସମସ୍ତଙ୍କ ନଜର ରହିଛି ।

ଚେନ୍ନାଇ ସୁପର କିଙ୍ଗସ୍‌ ଅବଶ୍ୟ ୨୦୨୧ ଆଇପିଏଲ ପ୍ଲେ ଅଫ୍‌ରେ ପ୍ରବେଶ କରିବାର ପ୍ରଥମ ଟିମ ଥିଲା କିନ୍ତୁ ଲିଗ୍‌ ପର୍ଯ୍ୟାୟର ଶେଷ ୩ ମ୍ୟାଚରେ ପରାଜିତ ହୋଇଥିଲା ଦଳ । ତେଣୁ ଆଜି ହେବାକୁ ଥିବା ପ୍ଲେ ଅଫ୍‌ ମ୍ୟାଚରେ ଦଳରେ କିଛିଟା ପରିବର୍ତ୍ତନ କରିପାରନ୍ତି ଅଧିନାୟକ ଏମ୍‌ଏସ୍‌ ଧୋନୀ । ଲିଗ୍ ମ୍ୟାଚର ଶେଷ ପର୍ଯ୍ୟାୟରେ ସୁରେଶ ରାଇନାଙ୍କ ସ୍ଥାନରେ ରବିନ୍ ଉଥାପାଙ୍କୁ ଦଳରେ ସାମିଲ କରିଥିଲା ସିଏସ୍‌କେ । କିନ୍ତୁ ସୁଯୋଗ ପାଇଥିବା ଉଥାପା କମାଲ କରିପାରିନଥିଲେ । ତେଣୁ ଆଜିର ଗୁରୁତ୍ବପୂର୍ଣ୍ଣ ମୁକାବିଲାରେ ତାଙ୍କୁ ଦଳରୁ ବାଦ୍‌ ଦିଆଯିବା ଆପାତତ୍‌ ସ୍ପଷ୍ଟ ଜଣାପଡୁଛି ।

ମିଷ୍ଟର ଆଇପିଏଲ ନାଁରେ ପରିଚିତ ସୁରେଶ ରାଇନା ଚଳିତ ସିଜିନ୍‌ରେ ଫର୍ମରେ ନାହାନ୍ତି । କିନ୍ତୁ ଅଭିଜ୍ଞ ଖେଳାଳି ଭାବେ ଆଜି ତାଙ୍କୁ ଦଳରେ ନେଇପାରେନ୍ତି । କାରଣ ଧୋନୀଙ୍କ ପରେ ରାଇନା ହିଁ ଅନୁଭବୀ ଖେଳାଳି ଏବଂ ଆଇପିଏଲ​‌ରେ ପୂର୍ବରୁ ନିଜର ପାରଦର୍ଶୀତା ମଧ୍ୟ ଦେଖାଇସାରିଛନ୍ତି । ଏହା ସହିତ ବଡ ମ୍ୟାଚ ଖେଳିବାର ଅଭିଜ୍ଞତା ମଧ୍ୟ ରହିଛି ।

ସିଏସ୍‌କେର ସମ୍ଭାବ୍ୟ ଟିମ୍‌ : ଫାଫ୍ ଡୁ ପ୍ଲେସିସ୍, ଋତୁରାଜ ଗାୟକୱାଡ୍, ସୁରେଶ ରାଇନା, ମୋଇନ୍ ଅଲୀ, ଅମ୍ବାତି ରାୟୁଡୁ, ଏମ୍.ଏସ୍ ଧୋନୀ (ଅଧିନାୟକ ତଥା ୱିକେଟ୍ କିପର), ରବୀନ୍ଦ୍ର ଜାଡେଜା, ଡ୍ବେନ୍‌ ବ୍ରାଭୋ, ଶାର୍ଦ୍ଦୁଲ ଠାକୁର, ଦୀପକ ଚହର ଏବଂ ଜୋସ୍‌ ହେଜେଲଉଡ୍

   Related Posts