Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୩ କୋଭିଡ୍ ପଜିଟିଭ୍
  • ||
  • ବୋହୂକୁ ପଥରରେ ଛେଚି ଦେଲା ଶାଶୂ, ପାରିବାରିକ କଳହରୁ ଜଘନ୍ୟ ହତ୍ୟାକାଣ୍ଡ…
  • ||
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||
  • ଆଫଗାନିସ୍ତାନ ପ୍ରସଙ୍ଗରେ ନଭେମ୍ୱରରେ ବସିବ ବୈଠକ : ପାକିସ୍ତାନକୁ ନିମନ୍ତ୍ରଣ କଲା ଭାରତ
  • ||
  • ପଞ୍ଚାୟତ ନିର୍ବାଚନ ପାଇଁ ୩ ଦଳ ପ୍ରସ୍ତୁତ, ସଂରକ୍ଷଣ ତାଲିକା ପ୍ରକାଶ ପରେ ଗଦାଗଦା ଅଭିଯୋଗ
  • ||
  • ମନୀଷ ଅନୁରାଗ ମୃତ୍ୟୁ ମାମଲା : ରବିବାର ୩ ଅଭିଯୁକ୍ତଙ୍କ ରିମାଣ୍ଡ ଆବେଦନର ଶୁଣାଣି
  • ||

ଅଶୋଧିତ ତୈଳ ବଜାର ନରମ, ଚାହିଦା ହ୍ରାସ ଯୋଗୁ ଦ୍ୱିତୀୟ ଦିନ ବଢ଼ିପାରିଲାନି ଦର, ଜାଣନ୍ତୁ କମିଲା କେତେ?

29/09/2021 at 4:33 PM

ନୂଆଦିଲ୍ଲୀ ୨୯।୯: ବଢ଼ିବଢ଼ି ଚାଲିଥିବା ଅଶୋଧିତ ତୈଳ ମୂଲ୍ୟରେ ଅଚାନକ ବ୍ରେକ୍‌  ଲାଗିଛି। ବୁଧବାର ଲଗାତାର ଦ୍ୱିତୀୟ ଦିନ ମୂଲ୍ୟ ହ୍ରାସ ହୋଇଛି। ଚୀନ୍‌ର ଚାହିଦା ହ୍ରାସ ଓ ଆମେରିକା କ୍ରୁଡ ଇନଭେଣ୍ଟ୍ରିରେ ଦ୍ରୁତ ଅଭିବୃଦ୍ଧିରୁ ଆଗକୁ ଆଉ ମୂଲ୍ୟ ବୃଦ୍ଧି ହୋଇନପାରେ ବୋଲି ଆକଳନ କରାଯାଉଛି। ଏଣୁ ଗତ ଦୁଇ ଦିନରେ ବ୍ରେଣ୍ଟ କ୍ରୁଡ ପ୍ରତି ବାରଲ ମୂଲ୍ୟରେ ୩ ଡଲାର ହ୍ରାସ ହେଲାଣି। ବୁଧବାର ପ୍ରାରମ୍ଭିକ କିଣାବିକାରେ ବ୍ରେଣ୍ଟ କ୍ରୁଡ ପ୍ରତି ବାରଲ ୭୮ ଡଲାର ତଳେ କାରବାର କରିଛି। ଯାହା ପୂର୍ବ କାରବାର ତୁଳନାରେ ୧.୭ ପ୍ରତିଶତ ହ୍ରାସ ବୋଲି ଏବେ ବୁଝା ଯାଉଛି।

ଗତ ସୋମବାର ବ୍ରେଣ୍ଟ କ୍ରୁଡ ବାରଲପିଛା ଦର ୮୦.୭୫ ଡଲାରରେ କିଣାବିକା ହୋଇଥିଲା। ଯାହା ଗତ ୩ ବର୍ଷରେ ସର୍ବୋଚ୍ଚସ୍ତରରେ ପହଞ୍ଚିଥିଲା। ତେବେ ମଙ୍ଗଳବାର ବଜାରରେ ବ୍ରେଣ୍ଟକ୍ରୁଡର ଏହି ଟାଣ ନଥିଲା। ମଙ୍ଗଳବାର ଓ ବୁଧବାର ଲଗାତାର ମୂଲ୍ୟ ହ୍ରାସର ସମ୍ମୁଖୀନ ହୋଇଛି। ମଙ୍ଗଳବାର ବାରଲ ପିଛା ୨ ଡଲାର ଶସ୍ତା ହୋଇଥିବା ବେଳେ ବୁଧବାର ପୁଣି ୧ ଡଲାର ହ୍ରାସ ହୋଇଛି। ସେପଟେ ଡବ୍ଲୁଟିଆଇ କ୍ରୁଡ ବାରଲପିଛା ମୂଲ୍ୟ ବୁଧବାର ୨ ପ୍ରତିଶତ ହ୍ରାସ ସହ ୭୪ ଡଲାରକୁ ଚାଲିଆସିଛି।

ଚୀନ ଆଉସିଂ ସେକ୍ଟରରେ ଦେଖା ଦେଇଥିବା ସ୍ଥାଣୁତା ଓ ବିଦ୍ୟୁଟ କଟକଣା ଯୋଗୁ ଔଦ୍ୟୋଗିକ ଗତିବିଧି ହ୍ରାସ ଦେଶର ତୈଳ ଚାହିଦାକୁ ମଧ୍ୟ ହ୍ରାସ କରିଛି। ସେପଟେ ଆମେରିକା ଇଭେଣ୍ଟ୍ରିରେ ଅଚାନକ ବୃଦ୍ଧି ବଜାରରେ ଚାହିଦାକୁ ଅସ୍ଥିର କରିଛି। ଏଣୁ ଚାହିଦା ହ୍ରାସ ମୂଲ୍ୟ ହ୍ରାସର କାରଣ ହୋଇଥିବାରୁ ଅଶୋଧିତ ତୈଳ ମୂଲ୍ୟ ଆହୁରି ହ୍ରାସ ହେବ ବୋଲି ଅନୁମାନ କରାଯାଉଛି।  

   Related Posts