Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟର ୧୬ଟି ଜିଲ୍ଲାରେ ହେବ ଆରଟି ପିସିଆର ଲ୍ୟାବ୍, ୨୦ କୋଟି ଟଙ୍କା ମଞ୍ଜୁର କଲେ ମୁଖ୍ୟମନ୍ତ୍ରୀ
  • ||
  • ପାଟଣା : ବଳଦ ନେଇ ଘରକୁ ଫେରୁଥିଲେ, ବଜ୍ରାଘାତରେ ଚାଲିଗଲା ରାଇଦାସଙ୍କ ଜୀବନ
  • ||
  • ମହିଳା ସାମ୍ବାଦିକ ସବନମ୍‌ ଶିରିନ୍‌ଙ୍କ ଦେହାନ୍ତ , କୋଭିଡ୍‌ରେ ଆକ୍ରାନ୍ତ ହୋଇ ଏମସ୍‌ରେ ହେଉଥିଲେ ଚିକିତ୍ସିତ
  • ||
  • ଭଦ୍ରକ : ବାପଘର ଲୋକ ଆଣିଲେ ବଧୂ ହତ୍ୟା ଅଭିଯୋଗ, ଶ୍ବଶୁରଘର କହୁଛନ୍ତି ପଡିଗଲେ ବାଥରୁମ୍‌ରେ
  • ||
  • ୧୦ ହଜାର ତଳକୁ ଖସିଲା କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୯୭୯୩ ପଜିଟିଭ୍
  • ||
  • ୧୦ ବର୍ଷର ଶିଶୁର ଜୀବନ ନେଲା କରୋନା…
  • ||
  • ଟ୍ରକ୍‌କୁ ଧକ୍କା ଦେଲା ବରଯାତ୍ରୀ ଗାଡି : ୫ ମୃତ, ୩ ଗୁରୁତର
  • ||
  • ଭୁବନେଶ୍ବର : ରାଜ୍ୟରେ କରୋନା ନେଲା ଆଉ ୧୮ଜଣଙ୍କ ଜୀବନ, ୨୨୧୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

ନିଖୋଜ ଥିବା ସିଆରପିଏଫ ଯବାନ ଉଦ୍ଧାର

21/08/2018 at 11:29 PM

କଟକ ୨୧/୮:ଓଡିଶା ପୋଲିସ ଓ ଟାଙ୍ଗୀ ଥାନା ଅଧିକାରୀଙ୍କ ଯୋଗୁଁ ୮ ବର୍ଷ ହେଲା ନିଖୋଜ ଥିବା ଜଣେ ସିଆରପିଏଫ୍ ଯବାନ ତାଙ୍କ ପରିବାର ଲୋକଙ୍କୁ ମିଳିପାରିଛନ୍ତି। ଉତ୍ତରପ୍ରଦେଶ ହାଦ୍ରସ୍ ଜିଲ୍ଲା ସହଦବାଦ୍ ଥାନା କୋଷଣ୍ଡା ଗ୍ରାମର ବିମଲ୍ କାନ୍ତ ନିର୍ମୋହି ବାଣପୁର ଥାନା ଅଧୀନରେ ଥିବା ବାର୍ବରା ଜଙ୍ଗଲରେ ଥିବା ସିଆରପିଏଫ୍ କ୍ୟାଂପରେ କାର୍ଯ୍ୟରତ ଥିଲେ। ଗତ ତା ୫.୫.୨୦୧୦ରେ ଭୁବନେଶ୍ୱରରେ ସ୍ଥିତ ସିଆରପିଏଫ୍ ହସ୍ପିଟାଲକୁ ଚିକିତ୍ସିତ ହେବାକୁ ଯାଇଥିଲେ। ସେବେଠାରୁ ସେ ନିଖୋଜ ଥିଲେ। ସିଆରପିଏଫ୍ ତରଫରୁ ୧୮.୫.୧୦ରେ ବାଣପୁର ଥାନାରେ ଏତଲା ଦେଇ ଚୁପ୍ ରହି ଯାଇଥିଲେ। ବୀମଲଙ୍କ ବାପା ସୁନ୍ଦର ସିଂହ ପୁଅକୁ ଖୋଜିବା ପାଇଁ ଅନେକ ଉଦ୍ୟମ କରିଥିଲେ। ବାରମ୍ବାର ସିଆରପିଏଫ୍ ଓ ଗୃହ ବିଭାଗକୁ ଦୈାଡ଼ି ଦୈାଡ଼ି ନିରାଶ ହୋଇ ପୁଅକୁ ପାଇବା ଆଶା ଛାଡ଼ି ଦେଇଥିଲେ। ଗତ ୧୯ ତାରିଖରେ ନିଖୋଜ ବୀମଲ୍ କଟକ ଜିଲ୍ଲା ଟାଙ୍ଗୀ ଥାନା ଅଧୀନରେ ଥିବା ମାଙ୍ଗୁଲି ଫାଣ୍ଡିରେ ପହଞ୍ଚି ଏଣୁତେଣୁ ଗପିଥିଲେ। ଖବର ପାଇ ଟାଙ୍ଗୀ ଥାନା ଅଧିକାରୀ ବିମଳ କୁମାର ବାରିକ୍ ତାଙ୍କୁ ଥାନାକୁ ନେଇ ପେଟପୂରା ଖାଇବାକୁ ଦେଇ ବିଶ୍ରାମ କରାଇଥିଲେ। ପରେ ଯୁବକ ଜଣକ ନିଜ ନାମ କହିବା ସହ ଠିକଣା କହିଥିଲା। ଉତ୍ତରପ୍ରଦେଶ ପୋଲିସ ସହ ଯୋଗାଯୋଗ କରି ଟାଙ୍ଗୀ ଥାନା ଅଧିକାରୀ ଯବାନଙ୍କ ଘରକୁ ଖବର ଦେଇଥିଲେ। ଖବର ପାଇ ବିମଲଙ୍କ ବାପା ଓ ସାନ ଭାଇ ଶିବକାନ୍ତ ଟାଙ୍ଗୀ ଥାନାରେ ପହଞ୍ଚି ବୀମଲଙ୍କୁ ଦେଖି ବିଶ୍ୱାସ କରିପାରିନଥିଲା। ପୁଅକୁ ପାଇବା ଆଶା ଛାଡ଼ି ଦେଇଥିବା ସୁନ୍ଦର ସିଂହ ଏଥିପାଇଁ ଟାଙ୍ଗୀ ଥାନା ଅଧିକାରୀ ବିମଳ କୁମାର ବାରିକଙ୍କୁ ଭଗବାନ୍ ବୋଲି କହିଛନ୍ତି। ଆଇଆଇସି ସିଆରପିଏଫର ଭୁବନେଶ୍ଵରସ୍ଥିତ ଅଫିସକୁ ଜଣାଇ ଦେଇଛନ୍ତି।

   Related Posts