Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୧୩୦୩ କରୋନା ଆକ୍ରାନ୍ତ
  • ||
  • ମେ’ ୧୩ରେ ପିପିଲି ଉପନିର୍ବାଚନ
  • ||
  • ଆଜି ରାତି ୮ରେ ପିଏମ୍‌ ମୋଦୀଙ୍କ ଗୁରୁତ୍ବପୂର୍ଣ୍ଣ ବୈଠକ
  • ||
  • ଉଦଳା : ଦିବ୍ୟାଙ୍ଗ ଯୁବତୀଙ୍କୁ ଘରୁ ଉଠାଇ ନେଇ ଦୁଷ୍କର୍ମ ! ଥାନାରେ ମାମଲା, ଅଭିଯୁକ୍ତ ଫେରାର
  • ||
  • ଲମତାପୁଟ : ୩ଦିନ ପରେ ଯୁବକଙ୍କ ମୃତଦେହ ଉଦ୍ଧାର, ପାତାଳୀ ନଦୀକୁ ମାଛ ଧରିବାକୁ ଯାଇ ନିଖୋଜ ଥିଲେ
  • ||
  • ଉଦଳା : ବାଇକ୍‌କୁ ପିଟିଲା ଟ୍ରାକ୍ଟର, ଅଧ୍ୟାପକଙ୍କ ମୃତ୍ୟୁ, ଟ୍ରାକ୍ଟର ନେଇ ଡ୍ରାଇଭର ଫେରାର
  • ||
  • ଭୁବନେଶ୍ବର : ଏସଟିଏଫ ପଞ୍ଝାରେ ବଜ୍ରକାପ୍ତା ଚାଲାଣକାରୀ, ୧୨ କିଲୋ ଓଜନର ଜୀବନ୍ତ ବଜ୍ରକାପ୍ତା ସହ ବ୍ୟବସାୟୀ ଗିରଫ
  • ||
  • ଯାଜପୁର ରୋଡ୍ : ରେଳ ଧାରଣାରୁ କିନ୍ନରଙ୍କ ମୃତଦେହ ଉଦ୍ଧାର, ଯୁବକଙ୍କ ସହ ଥିଲା ପ୍ରେମ ସମ୍ପର୍କ
  • ||
  • ବ୍ରହ୍ମପୁର : ଭାରସାମ୍ୟ ହରାଇ ଓଲଟିଲା ‘ଶିବଶମ୍ଭୁ’, ୧୦ ଯାତ୍ରୀ ଆହତ
  • ||
  • ନବରଙ୍ଗପୁର : ନାଇଟ୍ କର୍ଫ୍ୟୁ ବେଳେ ବୁଲାଇଲେ କଳାକନା, ରୂପା ଗହଣା ଲୁଟ୍, ସୁନା ଅଳଙ୍କାର ଚୋରି ବେଳେ ବାଜିଲା ସାଇରନ୍
  • ||

ନକ୍ସଲଙ୍କ ସହ ଲଢ଼ିବେ ମହିଳା କୋବ୍ରା ଟିମ୍‌, ଚୟନ ହେଲେ ୬ଟି ବାଟାଲିୟନ୍‌ରୁ ୩୪ ଜଣ ମହିଳା କମାଣ୍ଡୋ

6/02/2021 at 10:06 PM

ନୂଆଦିଲ୍ଲୀ, ୦୬/୦୨: କେନ୍ଦ୍ରିୟ ରିଜର୍ଭ ପୋଲିସ୍‌ ବଳ ବା ସିଆର୍‌ପିଏଫ୍‌ ମହିଳାଙ୍କୁ ସଶକ୍ତ ଏବଂ ଦେଶରେ ଉଦାହରଣ ସୃଷ୍ଟି ପାଇଁ ଏକ ବଡ଼ ପଦକ୍ଷେପ ନେଇଛନ୍ତି । ନକ୍ସଲଙ୍କ ସହ ଲଢ଼ିବା ପାଇଁ ମହିଳା କୋବ୍ରା ଟିମ୍‌ ସିଆରପିଫ୍‌ ତରଫରୁ ପ୍ରସ୍ତୁତ କରାଯାଉଥିବା ସୂଚନା ମିଳିଛି । ଏଥିପାଇଁ ପ୍ରଥମ ବ୍ଯାଚ୍‌ରେ ମହିଳା ଅଫିସର୍‌ଙ୍କୁ ତାଲିମ୍‌ ଦିଆଯିବା ନେଇ ଚୟନ ପ୍ରକ୍ରିୟା ଶେଷ ହୋଇଥିବା ଜଣାପଡ଼ିଛି ।

ସିଆର୍‌ପିଏଫ୍‌ ଦେଶରେ ଥିବା ୬ଟି ବାଟାଲିୟନ୍‌ରୁ ୩୪ ଜଣ ମହିଳା କମାଣ୍ଡୋ ପ୍ରଥମେ ତାଲିମ୍‌ ଦେବା ପାଇଁ ଚୟନ କରିଛି । କମାଣ୍ଡୋ ବାଟାଲିୟନ ଫର୍‌ରିଜୋଲ୍ୟୁଟ୍ ଆକ୍ସନ୍ ବା ପ୍ରତିଷ୍ଠିତ କୋବ୍ରା ୟୁନିଟ୍‌ରେ ସେମାନଙ୍କୁ ସାମିଲ୍‌ କରାଯିବା ପୂର୍ବରୁ ୩ ମାସର ତାଲିମ୍‌ ଦିଆଯିବ । ଏନେଇ ସିଆରପିଏଫ୍‌ର ଜଣେ ଅଧିକାରୀ କହିଛନ୍ତି ଯେ, ଏହି ପ୍ରଶିକ୍ଷଣ ସମୟରେ ସେମାନଙ୍କୁ ଆଧୁନିକ ଅସ୍ତ୍ରଶସ୍ତ୍ର ଚଳାଇବାର କୌଶଳ ଶିକ୍ଷା ଦିଆଯିବ । ଏହାଛଡ଼ା ସେମାନଙ୍କୁ ଶାରିରୀକ କ୍ଷମତା ବୃଦ୍ଧି କରିବା ସହିତ ଯୋଜନା, ଫିଲ୍ଡିଂ କ୍ରାଫ୍ଟ ଏବଂ ବିସ୍ପୋରକଗୁଡ଼ିକର ବ୍ୟବହାର କରିବା ନେଇ ଶିକ୍ଷା ଦିଆଯିବ ।

ଜଙ୍ଗଲରେ ରହୁଥିବା ନକ୍ସଲମାନଙ୍କ ସହିତ ସାମ୍ନାସାମ୍ନି ଟକ୍କର ନେବାବେଳେ ଏବଂ ସେମାନଙ୍କୁ ଘେରି ରହିବା ପରେ ନିଜକୁ ରକ୍ଷା କରିବା ପାଇଁ ଆବଶ୍ୟକ କୌଶଳ ମଧ୍ୟ ଶିଖାଯିବ । ପ୍ରଶିକ୍ଷଣକୁ ସଫଳତାର ସହ ସମାପ୍ତ କରିବା ପରେ ଏହି ମହିଳା କମାଣ୍ଡୋ ପୁରୁଷ କମାଣ୍ଡୋଙ୍କ ସହ ନକ୍ସଲ ପ୍ରଭାବିତ ଅଞ୍ଚଳରେ ନିୟୋଜିତ ହେବେ ବୋଲି ଜଣେ ଅଧିକାରୀ କହିଛନ୍ତି ।

ସୂଚନା ଥାଉକି, ଗୃହ ମନ୍ତ୍ରଣାଳୟ ନକ୍ସଲମାନଙ୍କ ସହିତ ଲଢ଼ିବା ଉଦ୍ଦେଶ୍ୟରେ ଗରିଲା ଜଙ୍ଗଲରେ ଯୁଦ୍ଧ କରିବା ଭଳି କାର୍ଯ୍ୟ କରିବା ପାଇଁ କୋବ୍ରାର ୧୦ଟି ବାଟାଲିୟନ ଗଠନକୁ ଅନୁମୋଦନ କରିଥିଲେ । ୨୦୦୮-୦୯ ରେ ଦୁଇଟି କୋବ୍ରା ବାଟାଲିୟନ ଗଠନ କରାଯାଇଥିଲା । ୨୦୦୯-୧୦ ମସିହାରେ ବାଟାଲିୟନର ସଂଖ୍ୟା ଚାରିକୁ ବୃଦ୍ଧି କରାଯାଇଥିଲା । ଏହାପରେ ୨୦୧୦-୧୧ରେ ଆଉ ଚାରିଟି ବାଟାଲିୟନ୍‌ ଗଠନ କରାଯାଇଥିଲା । ତେବେ କର୍ତ୍ତମାନ ପର୍ଯ୍ୟନ୍ତ ସିରପିଫ୍‌ର ୨୪୬ଟି ବାଟାଲିୟନ୍‌ ଥିବା ସୂଚନା ମିଳିଛି ।

   Related Posts