ଉମରକୋଟ ୦୩/୧୦: ନିଜ ସର୍ଭିସ ରିଭଲବରରୁ ଗୁଳି ଫୁଟାଇ ସିଆରପିଏଫ ଯବାନଙ୍କ ଆତ୍ମହତ୍ୟା । ଏଭଳି ଏକ ଘଟଣା ଘଟିଛି ନବରଙ୍ଗପୁର ଜିଲ୍ଲା ରାଇଘର ଥାନା ଅନ୍ତର୍ଗତ ଫୁତାନଡା ସ୍ଥିତ ସିଆରପିଏଫ କ୍ୟାମ୍ପ୍ ମଧ୍ୟରେ ।
କ୍ୟାମ୍ପରେ ଜଣେ କାର୍ଯ୍ୟରତ ସିଆରପିଏଫ ଯବାନ ରବିବାର ଅପରାହ୍ନରେ ନିଜ ବନ୍ଧୁକରୁ ଆତ୍ମହତ୍ୟା କରିଥିଲେ । ଏନେଇ ରାଇଘର ଥାନା ଅଧିକାରୀ ଟଙ୍କଗିରି ଭୋଇ ସୂଚନା ଦେଇଛନ୍ତି । ମୃତ ଯବାନ ଜଣକ ଡି.ଗୋବର୍ଦ୍ଧନ ଏବଂ ତାଙ୍କ ଘର ତେଲେଙ୍ଗାନା ବୋଲି ଜଣାପଡିଛି ।
ରାଇଘର ପୋଲିସ ଘଟଣା ବାବଦରେ ଖବର ପାଇ ତଦନ୍ତ ଆରମ୍ଭ କରିଛି । ତେବେ ତାଙ୍କର ଆତ୍ମହତ୍ୟାର କାରଣ ସ୍ପଷ୍ଟ ହୋଇପାରି ନାହିଁ ।
