ବ୍ରହ୍ମପୁର ୨୭।୦୪: ଗଞ୍ଜାମ ଜିଲ୍ଲାରେ କ୍ରସରରେ ବିସ୍ଫୋରଣ । କୁକୁଡାଖଣ୍ଡି ନିକଟରେ ଥିବା AB କ୍ରସରରେ ବିସ୍ଫୋରଣ ଘଟଣାରେ ମୃତ୍ୟୁ ସଂଖ୍ୟା ୪ କୁ ବୃଦ୍ଧି ପାଇଛି । ଏହି ଘଟଣାରେ ପୁଲିସ୍ ଦୁଇ ଜଣଙ୍କୁ ଗିରଫ କରିଥିବା ବେଳେ ସଂପୃକ୍ତ କ୍ରସର ମାଲିକଙ୍କୁ ଗିରଫ କରିପାରି ନାହିଁ। ସେପଟେ ଅନ୍ୟ ଜଣେ ଗୁରୁତର ଜୀବନ ସହ ସଂଗ୍ରାମ କରୁଛନ୍ତି ।
କୁକୁଡାଖଣ୍ଡି - ନାଇଡୁପଲ୍ଲୀ ନିକଟରେ ଥିବା କ୍ରସରରେ ଗତ ୧୯ ତାରିଖରେ ବିସ୍ଫୋରଣ ଘଟିଥିଲା । ବିସ୍ଫୋରକ ଗଚ୍ଛିତ ଥିବା ବେଳେ ଘଟିଥିଲା ବିସ୍ଫୋରଣ । ଏହି ଘଟଣାରେ ମୃତ୍ୟୁ ସଂଖ୍ୟା ୪ କୁ ବୃଦ୍ଧି ପାଇଛି । ପୁଲିସ୍ ଘଟଣାର ତଦନ୍ତ କରି ଦୁଇ ଜଣଙ୍କୁ ଗିରଫ କରିଛି । ହେଲେ ସଂପୃକ୍ତ କ୍ରସର ମାଲିକଙ୍କୁ ଏ ପର୍ଯ୍ୟନ୍ତ ପୁଲିସ୍ ଗିରଫ କରିପାରି ନାହିଁ । ମାଲିକଙ୍କୁ ଗିରଫ କରିବା ସହ ମୃତକଙ୍କ ପରିବାରବର୍ଗଙ୍କୁ ସହାୟତା ଯୋଗାଇବାକୁ ସ୍ଥାନୀୟ ସରପଞ୍ଚ ପୁଲିସ୍ ଓ ଜିଲ୍ଲା ପ୍ରଶାସନରକୁ ନିବେଦନ କରିଛନ୍ତି । ବିସ୍ଫୋରକ ସାମଗ୍ରୀ ଯୋଗାଣକାରୀଙ୍କୁ ମଧ୍ୟ ଗିରଫ କରିବାକୁ ଆଇନଜୀବୀ ଦାବି କରିଛନ୍ତି । କେଉଁଠାରୁ କେମିତି ବିସ୍ଫୋରଣ ଯୋଗାଣ ହେଉଥିଲା ଏହି ଘଟଣାର ତଦନ୍ତ କରି ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିବେଦନ କରିଛନ୍ତି । ଅନ୍ୟ ଜଣେ ଏବେ ଜୀବନ ସହ ସଂଗ୍ରାମ କରୁଛନ୍ତି।
ଘଟଣାସ୍ଥଳରେ ପୁଲିସ୍ ଓ ପ୍ରଶାସନ ପହଞ୍ଚି ଘଟଣାର ତଦନ୍ତ କରିଛନ୍ତି । ଏହି ଘଟଣାରେ ପୁଲିସ୍ ଏ ପର୍ଯ୍ୟନ୍ତ ଦୁଇଜଣ ଙ୍କୁ ଗିରଫ କରିଛି । ସଂପୃକ୍ତ କ୍ରସର୍ ମାଲିକ ଏବଂ ବିସ୍ଫୋରକ ଯୋଗାଣକାରୀଙ୍କୁ ତୁରନ୍ତ ଗିରଫ କରାଯିବ ବୋଲି ବ୍ରହ୍ମପୁର ଏସ୍ ପି ପିନାକ ମିଶ୍ର କହିଛନ୍ତି ।