କୋଣାର୍କ, ୦୬।୧୨: ବାତ୍ୟା ଜୱାଦ ପ୍ରଭାବରେ ଏବେ କାକଟପୁର ଓ ଗୋପ ବ୍ଲକ ଅଞ୍ଚଳରେ ହଜାର ହଜାର ଏକର ଚାଷ ଜମି ଏବେ ବର୍ଷା ଜଳରେ ବୁଡିରହିଛି l କାକଟପୁର ବ୍ଲକରେ ସର୍ବାଧିକ ୧୧୭ ମିଲିମିଟର ବର୍ଷା ହୋଇଥିଲା ବେଳେ ଏବେ ଅନେକ ଚାଷ ଜମି ଉଜୁଡିଯିବା ଅବସ୍ଥାରେ ରହିଛି l କାକଟପୁରର ନାସିକେଶ୍ୱର, ବାଙ୍ଗୁରିଗାଁ, ଅବଦାନ ଏବଂ କୋଣାର୍କ NAC ଅଞ୍ଚଳର ଧାନ ଚାଷ ଜମି ସମ୍ପୂର୍ଣ୍ଣ ବର୍ଷା ପାଣିରେ ବୁଡି ରହିଥିବା ବେଳେ ଗୋପ ବ୍ଲକର ବେଦପୁର, ଅଚୁତପୁର, ବନାଖଣ୍ଡି, ମହାଲପଡା ପଞ୍ଚାୟତରେ ବର୍ଷା ପାଣି ନିଷ୍କାସନ ହୋଇ ପାରୁ ନାହିଁ l
କାକଟପୁର ଏବଂ ଗୋପ ବ୍ଲକର ଅନେକ ପଞ୍ଚାୟତର ବନ୍ୟା ଓ ବର୍ଷା ଜଳ ସଫେଇ ନାଳ ମାଧ୍ୟମରେ କାଦୁଆ ନଦୀକୁ ଯାଇଥାଏ l କିନ୍ତୁ ସଫେଇ ନାଳରେ ପାଣି ନଯାଉଥିବାରୁ ଅନେକ ପଞ୍ଚାୟତର ଚାଷୀ ମାନେ ନିଜେ ନାଳ ସଫା କୁରୁଛନ୍ତି l କାରଣ, ଜଦି ନାଳ ସଫା ହୋଇଯାଏ ତେବେ ପାଣି ଶୀଘ୍ର ଧାନ ବିଲରୁ ଛାଡ଼ିଯିବ କିଛିଟା ଧାନ ପାଇଯିବୁ ବୋଲି ଚାଷୀ କୁହନ୍ତି l