ଗଞ୍ଜାମ ୨୬|୧୧: ଚିନ୍ତାରେ ଗଂଜାମର ଚାଷୀ । ତିତଲି ଯୋଗୁଁ ଯାହା କ୍ଷୟକ୍ଷତି ହୋଇଥିଲା । ଏବେ ଚକଡା ପୋକ ଚାଷୀଙ୍କ ମୁଣ୍ଡବ୍ୟଥାର କାରଣ ପାଲଟିଛି । ଫସଲ ନଷ୍ଟ ହୋଇଥିବାରୁ ଚାଷୀ ଏବେ ଚିନ୍ତାରେ । ଏପରି ସ୍ଥିତିରେ ଧାନ ସଂଗ୍ରହ ଟାର୍ଗେଟ୍ କିପରି ପୂରଣ ହେବ ସେ ନେଇ ପ୍ରସ୍ତୁତି ଚଲାଇଛି ଯୋଗାଣ ବିଭାଗ।
ତିତଲି ଯାହା ଦାଉ ସାଧିଲା । ଯାହା ଫସଲ ବଞ୍ଚିଥଲା ତାକୁ ନେଇ ବେଶ୍ ଆଶାବାଦୀ ଥିଲା ଚାଷୀ । ହେଲେ ସେତକ ବି ଗଲା ଚକଡ଼ା ପୋକ ଯୋଗୁଁ । ଧାନ ଅମଳ ସମୟରେ ମୁଣ୍ଡରେ ହାତ ଦେଇ ବସିଛି ଗଂଜାମ ଜିଲ୍ଲାର ଚାଷୀ । ଧାନ ବଦଳରେ କ୍ଷେତରେ ଏବେ ଅଗାଡ଼ି ଭର୍ତ୍ତି । କେମିତି ଯୋଗାଡ଼ ହେବ ବର୍ଷ ଯାକର ଖାଦ୍ୟ । କେମିତି ଚଳିବେ ଚାଷୀ ପରିବାର ? ଋଣ ଆଣିଥିବା ଚାଷୀ କରିବ କଣ ? ତେଣୁ ସହାୟତା ପାଇଁ ସରକାରଙ୍କୁ ନିବେଦନ କରିଛନ୍ତି ଚାଷୀ
ସେପଟେ ଚଳିତ ବର୍ଷ ୨୨ ଲକ୍ଷ କ୍ବିଣ୍ଟାଲ୍ ଧାନ ସଂଗ୍ରହ କରାଯିବା ନେଇ ଲକ୍ଷ୍ୟ ରଖାଯାଇଛି । ୩୯୧ ପାକ୍ସ ଜରିଆରେ ଧାନ ସଂଗ୍ରହ କରାଯିବ । ତେବେ କେତେ ମିଲର୍ ଙ୍କୁ ଧାନ ସଂଗ୍ରହ ପାଇଁ ମଞ୍ଜୁରୀ ଦିଆଯିବ ସେ ନେଇ କୌଣସି ସଠିକ୍ ରିପୋର୍ଟ ପ୍ରସ୍ତୁତ କରାଯାଇନାହିଁ । ତେଣେ ବିଭାଗୀୟ ମନ୍ତ୍ରୀ କିନ୍ତୁ ଟାର୍ଗେଟ୍ ପୂରଣ ହେବ ବୋଲି ଜୋର ଦେଇ କହିଛନ୍ତି। ଚାଷୀ, ଭାଗଚାଷୀ ସମସ୍ତଙ୍କ ଠାରୁ ଧାନ ସଂଗ୍ରହ କରାଯିବ। ୨୪ ଘଣ୍ଟା ମଧ୍ୟରେ ଚାଷୀଙ୍କ ଆକାଉଣ୍ଟ୍ କୁ ପଠାଯିବା ଟଙ୍କା । ଯେତେ ଧାନ ହେଲେ ମଧ୍ୟ ସଂଗ୍ରହ କରାଯିବ। ଧାନର ଅଭାବୀ ବିକ୍ରି ହେବ ନାହିଁ ବୋଲି ବିଭାଗୀୟ ମନ୍ତ୍ରୀ କହିଛନ୍ତି।