Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||
  • ବ୍ରହ୍ମପୁର ; ବ୍ରହ୍ମପୁର ବଡବଜାର ଥାନା ଅନ୍ତର୍ଗତ ଗଣେଶ ନଗରରେ ପୁଲିସ୍ ର ଚଢାଉ
  • ||
  • ନକଲି ଟମାଟ, ଚିଲି, ସୋୟା ସୋସ୍ ୟୁନିଟ୍ ଉପରେ ଚଢାଉ
  • ||
  • କେତେ ପରିମାଣର ନକଲି ସାମଗ୍ରୀ ଜବତ, ତାହା ତଦନ୍ତ ପରେ ଜଣାପଡିବ ବୋଲି ପୁଲିସର ସୂଚନା
  • ||
  • ବରଗଡ଼ରେ ବିରାଟ ଚାଷୀ ସମାବେଶ, ଯୋଗଦେଲେ ୧୦ ଜିଲ୍ଲାର ୫ ହଜାର କୃଷକ
  • ||
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||

ମନମାରି ବସିଛି ଗୋରୀ, ନା’ ଠିକ୍‌ରେ ଖିଆପିଆ କରୁଛି ନା’ ଡାକିଲେ ଶୁଣୁଛି : ତେବେ କାହିଁକି ଋଷିଛି ଗୋରୀ ଚାଲନ୍ତୁ ଜାଣିବା

5/06/2019 at 4:01 PM

ପଟ୍ଟାମୁଣ୍ଡାଇ ୫|୬: ମନମାରି ବସିଛି ଗୋରୀ । ନା’ ଠିକ୍‌ରେ ଖିଆପିଆ କରୁଛି ନା’ ଡାକିଲେ ଶୁଣୁଛି । ୧୫ଦିନ ହେଲାଣି ଗୋରୀର ଆଚରଣ ପୂରାପୂରି ବଦଳିଯାଇଛି । ଆମେ କହୁଛୁ ଭିତରକନିକାରେ ଥିବା ଭାରତର ପ୍ରଥମ ଧଳା ବଉଳା କୁମ୍ଭୀର ଗୋରୀର କଥା । ତେବେ କାହିଁକି ଋଷିଛି ଗୋରୀ, ଚାଲନ୍ତୁ ଦେଖିବା ଏଇ ରିପୋର୍ଟରେ ।

୧୯୭୫ ମସିହା । ଏପ୍ରିଲ୍‌ ୨୨ ତାରିଖ । ଡାଙ୍ଗମାଳଠାରେ ପ୍ରତିଷ୍ଠା କରାଯାଇଥିବା ଦେଶର ପ୍ରଥମ ବଉଳା କୁମ୍ଭୀର ସଂରକ୍ଷଣ କେନ୍ଦ୍ରରେ ପ୍ରଥମ ଥର ପାଇଁ ୨୫ଟି ଅଣ୍ଡା ସଂଗ୍ରହ କରାଯାଇ କୃତ୍ରିମ ଉପାୟରେ ଛୁଆ ଫୁଟାଯାଇଥିଲା । ତାପମାତ୍ରା କମ୍‌ ହୋଇଯିବାରୁ ଅଧିକାଂଶ ଅଣ୍ଡିରା ଶାବକ ଜନ୍ମ ହୋଇଥିବା ବେଳେ ମାତ୍ର ୨ଟି ମାଈ ଶାବକ ଜନ୍ମ ହୋଇଥିଲେ । ସେଥିମଧ୍ୟରୁ ଗୋଟିଏ ଛୁଆ ଧଳା ରଙ୍ଗର ହୋଇଥିବାରୁ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା । ଶଙ୍ଖ ମଲ ମଲ ପରି ଧଳା କୁମ୍ଭୀର ଶାବକଟିକୁ ଦେଖି ପ୍ରାଣୀ ବିଜ୍ଞାନୀମାନେ ଶ୍ରଦ୍ଧାରେ ତା’ର ନାଁ ଦେଇଥିଲେ ‘ଗୋରୀ’ ।

ଏହି ବିରଳ ପ୍ରଜାତିର ଶଙ୍ଖୁଆ କୁମ୍ଭୀରର ଲାଳନପାଳନ ଅତି ଯତ୍ନ ସହ କରାଯାଇଥିଲା । ଧୀରେ ଧୀରେ ବଡ଼ ହୋଇଥିଲା ଗୋରୀ । ଭାରତର ପ୍ରଥମ ଧଳା କୁମ୍ଭୀର ଗୋରୀକୁ ଦେଖିବାକୁ ୧୫ବର୍ଷ ଯାଏଁ ଦେଶ ବିଦେଶର ପର୍ଯ୍ୟଟକଙ୍କ ଭିଡ଼ ଲାଗିଥିଲା । ଏମିତିକି ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧି ମଧ୍ୟ ସେତେବେଳେ ଗୋରୀକୁ ଦେଖିବାକୁ ମନ ବଳାଇବାରୁ ତାକୁ ସ୍ବତନ୍ତ୍ର ବ୍ୟବସ୍ଥା କରାଯାଇ ଭୁବନେଶ୍ବର ଅଣାଯାଇଥିଲା । ସେତେବେଳେ ରାଜ୍ୟଗୋଷ୍ଠୀ କ୍ରୀଡ଼ାରେ ମଧ୍ୟ ଗୋରୀକୁ ମାସ୍କଟ୍‌ କରାଯାଇଥିଲା ।

ଏବେ ଗୋରୀକୁ ୪୪ ପୁରି ୪୫ ଚାଲିଲାଣି । ହେଲେ କିଛି ଦିନ ହେଲାଣି ଗୋରୀ ଆଚରରେ ଅସ୍ବାଭିକ ପରିବର୍ତ୍ତନ ଦେଖିବାକୁ ମିଳୁଛି । ମନମାରି ବସିଛି ଗୋରୀ । ନା’ ଠିକ୍‌ରେ ଖିଆପିଆ କରୁଛି ନା’ ଡାକିଲେ ଶୁଣୁଛି । ପ୍ରତିଦିନ ପାଞ୍ଚ ଛଅ କିଲୋ କଙ୍କଡ଼ା ଓ ମାଛ ଖାଉଥିବା  ଗୋରୀ ଏବେ ଦୁଇ-ତିନି ଦିନରେ ଅତି କଷ୍ଟରେ ଦେଢ଼ରୁ ଦୁଇ କିଲୋ ଖାଦ୍ୟ ଖାଉଛି । ଖାଇବାକୁ ଡାକିଲେ ଦୌଡ଼ି ଆସୁଥିବା ଗୋରୀ ଏବେ କାହାରି ଡାକ ଶୁଣୁନି । କୁହାଯାଉଛି ମାଆ ନହେବା ଦୁଃଖରେ ମନମାରି ବସିଛି ଗୋରୀ । ଗୋରୀର ଏଭଳି ଅସ୍ବାଭାବିକ ଆଚରଣ ବନ୍ୟଯନ୍ତୁପ୍ରେମୀ ଏବଂ ପରିବେଶବିତ୍‌ଙ୍କୁ ବ୍ୟଥିତ କରିଛି ।

୧୯୮୭ ମସିହାରେ ହାଇଦ୍ରାବାଦରୁ ଗୋରୀ ପାଇଁ ଏକ ଅଣ୍ଡିରା କୁମ୍ଭୀର ଅଣାଯାଇଥିଲା । ଲଗାତର ୩ବର୍ଷ ଯାଏଁ ସେମାନଙ୍କ ମିଳନ ପାଇଁ ଉଦ୍ୟମ କରାଯାଇଥିଲା । ମାତ୍ର ତାହା ସମ୍ଭବ ହୋଇପାରିଲା ନାହିଁ । ଶେଷରେ ଗୋରୀର ଆକ୍ରମଣରେ ଅଣ୍ଡିରା କୁମ୍ଭୀରଟିର ମୃତ୍ୟୁ ହୋଇଥିଲା । ହେଲେ ଏବେ ଗୋରୀର ଏଭଳି ଅବସ୍ଥାକୁ ନେଇ କେତେ ତତ୍ପର ବନ ବିଭାଗ ତାକୁ ନେଇ ଉଠିଛି ପ୍ରଶ୍ନ ।

   Related Posts