ସାଲେପୁର ୨୧।୯: ମହାନଦୀର ପୁଣି ଦେଖାଗଲା କୁମ୍ଭୀର । କଟକ ଜିଲ୍ଲାର ସାଲେପୁର ବ୍ଲକ୍ ମହାନଦୀର ଗୁଆଳିନାସୀ ବେଲକଣା ମଠ ନିକଟରେ କୁମ୍ଭୀର ଭାସୁଥିବାର ଦେଖିବାକୁ ମିଳିଛି । କୁମ୍ଭୀରକୁ ଦେଖି ସ୍ଥାନୀୟଲୋକ ଆତଙ୍କିତ ହୋଇପଡିଛନ୍ତି। ଏହି ଗୁଆଳିନାସୀଠାରେ ସକାଳରୁ ସନ୍ଧ୍ୟା ପର୍ଯ୍ୟନ୍ତ ଶହଶହ ଲୋକ ନଦୀ ପାଣିର ବ୍ୟବହାର କରିଥାନ୍ତି। କାଲିଠାରୁ କୁମ୍ଭୀରକୁ ଦେଖିବାପରେ ମହାନଦୀକୁ ଯିବାପାଇଁ ଡରୁଛନ୍ତି ସ୍ଥାନୀୟ ଲୋକମାନେ। ପ୍ରଶାସନ ଘଟଣା ପ୍ରତି ଦୃଷ୍ଟି ଦେବାକୁ ସ୍ଥାନୀୟ ଲୋକେ ଦାବି କରିଛନ୍ତି।