Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ଗତ ଦୁଇ ବର୍ଷରେ ମାପ ଓ ଓଜନ ନିୟମ ଉଲଂଘନକାରୀଙ୍କଠୁ ଆଦାୟ ହୋଇଛି ୨ କୋଟି ୮୩ ଲକ୍ଷ ଟଙ୍କା : ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ
  • ||
  • ଭୁବନେଶ୍ବର : ଡିସେମ୍ବର ୯ରେ ବିଧାନସଭା ଘେରାଉ କରିବ ବିଜେପି ଯୁବମୋର୍ଚ୍ଚା : ଇରାଶିଷ୍ ଆଚାର୍ଯ୍ୟ
  • ||
  • ଭୁବନେଶ୍ବର : ଡ୍ରଗ୍ସ ମାଫିଆ ଶେଖ୍ ଆଜବାହାର ବାଲେଶ୍ଵର କୋର୍ଟରେ ହାଜର, ରାଜ୍ୟ ବାହାରେ ସମ୍ପତ୍ତି ଥିବା ନେଇ ମିଳିଛି ପ୍ରମାଣ
  • ||
  • ଅନୁଗୋଳ : ଆଖୁ ଖାଇବାକୁ ଆସି କୂଅରେ ଖସିପଡିଲା ଭାଲୁ, ବନ ବିଭାଗ କଲା ଉଦ୍ଧାର
  • ||
  • ଭୁବନେଶ୍ବର : କ୍ରାଇମବ୍ରାଞ୍ଚ ଏସଟିଏଫ୍‌ ଟାର୍ଗେଟ୍‌ରେ ବନ୍ୟପ୍ରାଣୀ ମାଫିଆ, ପ୍ରସ୍ତୁତ ହେଲା ମୋଷ୍ଟ ୱାଣ୍ଟେଡ ତାଲିକା
  • ||
  • ଚେନ୍ନାଇ : ତାମିଲନାଡୁ କୁନ୍ନୁରରେ ସିଡିଏସ୍ ବିପିନ ରାଓ୍ବତଙ୍କ ହେଲିକପ୍ଟର କ୍ରାସ୍
  • ||
  • ଭୁବନେଶ୍ବର : କୃଷି ଋଣ ଛାଡ ସହ ଫସଲ କ୍ଷୟକ୍ଷତି ଲାଗି ସ୍ବତନ୍ତ୍ର ପ୍ୟାକେଜ ଦାବି କଲା କଂଗ୍ରେସ
  • ||
  • ଭାରତୀୟ ବାୟୁସେନାର ବଢିବ ଶକ୍ତି, ଚାନ୍ଦୀପୁର ଘାଟିରୁ ‘ବ୍ରହ୍ମୋସ’ର ସଫଳ ପରୀକ୍ଷଣ
  • ||
  • କଟକ : ଟ୍ରେନିଂ ପାଇଁ ଦିଲ୍ଲୀରୁ ଆସି କଟକ ଷ୍ଟେସନରେ ଯବାନ ନିଖୋଜ, ସ୍ବିଚ୍ ଅଫ୍ ଆସୁଛି ମୋବାଇଲ୍
  • ||
  • ଝାରସୁଗୁଡା : ଝାରସୁଗୁଡା କୋଲାବିରା ଅଞ୍ଚଳରେ ହାତୀ ଉପଦ୍ରବ, ଭାଙ୍ଗିଲେ ଘର ପାଚେରୀ
  • ||

ସଂକଟରେ ଫ୍ଲାଏଆସ୍ ଇଟା ଶିଳ୍ପ: ଜୀବନ ଜୀବିକାକୁ ନେଇ ଚିନ୍ତାରେ ଶ୍ରମିକ ଏବଂ ମାଲିକ

3/01/2020 at 6:24 PM

ଯାଜପୁର୩/୧: ସଂକଟରେ ଯାଜପୁର ଜିଲ୍ଲାର ଫ୍ଲାଏଆସ୍ ଇଟା ଶିଳ୍ପ। ପାଉଁଶ ଅଭାବରୁ ବନ୍ଦ ହେବାକୁ ବସିଲାଣି ସମସ୍ତ ଫ୍ଲାଏଆସ୍ କାରଖାନା । ଫଳରେ ଜୀବିକା ହରାଇବା ଚିନ୍ତାରେ ଶ୍ରମିକ ଓ କାରଖାନା ମାଲିକ।କଳିଙ୍ଗନଗର ସ୍ଥିତ ଜିନ୍ଦଲ୍ କାରଖାନା ପାଉଁସ ଯୋଗାଣ ବନ୍ଦ କରିଦେବାକୁ ଏଭଳି ସମସ୍ୟା ଦେଖାଦେଇଛି। ଏହାକୁ ନେଇ ଆନ୍ଦୋଳନକୁ ଓହ୍ଳାଇବାକୁ ପ୍ରସ୍ତୁତ ହେଉଛି ଯାଜପୁର ଫ୍ଲାଏଆସ୍ ବ୍ରିକସ୍ ମାଲିକ ସଂଘ ।

ସଂକଟରେ ଫ୍ଲାଏଆସ୍ ଇଟା ଶିଳ୍ପ । ପାଉଁଶ ଅଭାବରୁ ବନ୍ଦ ହେବାକୁ ବସିଲାଣି ଯାଜପୁର ଜିଲ୍ଳାର ୭୨ ଫ୍ଲାଏଆସ୍ କାରଖାନା । ଜୀବନ ଜୀବିକାକୁ ନେଇ ଚିନ୍ତାରେ ଶ୍ରମିକ ଏବଂ ମାଲିକ । ବେକାରୀ ଦୂରିକରଣ ପାଇଁ ରାଜ୍ୟ ସରକାର ଜିଲ୍ଲା ଶିଳ୍ପ କେନ୍ଦ୍ର ଜରିଆରେ ଯୁବ ଉଦ୍ୟୋଗିଙ୍କୁ ଏହି ସଂସ୍ଥା ସ୍ଥାପନ କରିବାକୁ ପ୍ରୋତ୍ସାହିତ କରିଥିଲେ । ବ୍ୟାଙ୍କ ମାଧ୍ୟମରେ ଋଣ ଯୋଗାଇ ଦେଇଥିଲେ ।

କଂଚାମାଲ୍ ଯୋଗାଇ ଦେବାକୁ ନିର୍ଦେଶନାମା ଜାରି କରିଥିଲେ । ଜିନ୍ଦଲ କାରଖାନା ବର୍ଜ୍ୟବସ୍ତୁ ଭାବେ ବାହାରୁଥିବା ପାଉଁଶକୁ ଜିଲ୍ଲାର ସମସ୍ତ ଫ୍ଲାଏଆସ୍ ଇଟା କାରଖାନାକୁ ଯୋଗାଇ ଆସୁଥିଲା । ହେଲେ ଜିନ୍ଦଲ କାରଖାନା ଏବେ ପାଉଁଶ ଦେବା ବନ୍ଦ କରିଦେଇଛି । ଫ୍ଲାଏଆସ୍ ଇଟା କାରଖାନାକୁ ପାଉଁଶ ଦେବା ପରିବର୍ତେ ଅଧିକ ମୁନାଫା ପାଇଁ ବିଭିନ୍ନ ସିମେଂଟ କାରଖାନା ଓ ଅନ୍ୟାନ୍ୟ ସଂସ୍ଥା ମାନଙ୍କୁ ଚାଲାଣ କରୁଛି ଜିନ୍ଦଲ । ଫଳରେ ପାଉଁଶ ଅଭାବରୁ ଫ୍ଲାଏଆସ୍ ଇଟା କାରଖାନା ଗୁଡିକ ଏବେ ବନ୍ଦ ହେବା ସ୍ଥିତିରେ ।

ଜିନ୍ଦଲ କାରଖାନାର ମୁନାଫାଖୋର ମନୋଭାବକୁ ବିରୋଧ କରି ଆନ୍ଦୋଳନକୁ ଓହ୍ଲାଇବାକୁ ସଜାବାଜ ଚଳାଇଛି ଯାଜପୁର ଫ୍ଲାଏଆସ୍ ବ୍ରିକସ୍ ମାଲିକ ସଂଘ । ଜିନ୍ଦଲ କାରଖାନା ସମ୍ମୁଖରେ ଧାରଣା ଦିଆଯିବ ବୋଲି ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି । ସମସ୍ୟା ସଂପର୍କରେ ସଂଘ ପକ୍ଷରୁ ରାଜ୍ୟ ଶିଳ୍ପ ମନ୍ତ୍ରୀ, ମୁଖ୍ୟ ଶାସନ ସଚିବ, ଶିଳ୍ପ ନିର୍ଦ୍ଦେଶକ, ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡକୁ ଏବଂ ଜିଲ୍ଲାପାଳଙ୍କୁ ଅବଗତ କରାଯାଇଛି । ଜିନ୍ଦଲକୁ ଏନେଇ ରିପୋର୍ଟ ତଲବ କରାଯାଇଥିବା ଜିଲ୍ଳାପାଳ କହିଛନ୍ତି ।

ଯାଜପୁର ଜିଲ୍ଲାରେ ଥିବା ୭୨ ଟି ଫ୍ଲାଏଆସ୍ ଟଇା କାରଖାନା ବନ୍ଦ ହୋଇଗଲେ ସେଥିରେ କାର୍ଯ୍ୟ କରୁଥିବା ୨୨ ଶହରୁ ଅଧିକ ଶ୍ରମିକ ଜୀବିକା ହରାଇବେ । ତେଣୁ ସରକାର ଯଥାଶିଘ୍ର ଏଥିପ୍ରତି ଦୃଷ୍ଟି ଦେବା ଜରୁରୀ ହୋଇପଡିଛି ।

   Related Posts