Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୧୫ ହଜାରରୁ ଅଧିକ କରୋନା ପଜିଟିଭ୍, ୫୬୧ ମୃତ
  • ||
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

ଗରିବଙ୍କ ମଧ୍ୟରେ ବଣ୍ଟାଯିବ ଅପରାଧୀଙ୍କ ଟଙ୍କା ଏବଂ ସଂପତ୍ତି, ଶିବରାଜ ସରକାର ଆଣୁଛନ୍ତି ନୂତନ ଆଇନ

10/09/2021 at 11:16 PM

ଭୋପାଳ ୧୦।୦୯: ଅପରାଧୀଙ୍କ ଉପରେ ଲାଗିବ ଲଗାମ। ଏଥିପାଇଁ ଶୀଘ୍ର ଆସିବ ନୂଆ ଆଇନ। ଏହା କହିଛନ୍ତି ମଧ୍ୟ ପ୍ରଦେଶର ଗୃହମନ୍ତ୍ରୀ ନରୋତ୍ତମ ମିଶ୍ର। ସେ ଶୁକ୍ରବାର କହିଛନ୍ତି, ଏହି ଆଇନ ଉତ୍ତର ପ୍ରଦେଶର ଗ୍ୟାଙ୍ଗଷ୍ଟାର ଆକ୍ଟଠୁ ବି ଅଧିକ କଠୋର ରହିବ। ଏହି ଆଇନରେ ଅପରାଧୀଙ୍କ ଟଙ୍କା ଏବଂ ସଂପତ୍ତି ଗରିବଙ୍କ ମଧ୍ୟରେ ବଣ୍ଟାଯିବାର ପ୍ରାବଧାନ ରହିବ।

ଭୋପାଳରେ ସାମ୍ବାଦିକଙ୍କ ସହ ଆଲୋଚନା ବେଳେ ନରୋତ୍ତମ ମିଶ୍ର କହିଛନ୍ତି, ଗୃହ ଓ ଆଇନ ବିଭାଗ ବିଲ୍‌ର ଡ୍ରାଫ୍ଟ ପ୍ରସ୍ତୁତ କରିବା ପାଇଁ ଏକାଠି ମିଶି କାମ କରୁଛନ୍ତି। ଏହି ଆଇନ ଜରିଆରେ ସଂଗଠିତ ଅପରାଧକୁ ଟାର୍ଗେଟ୍ କରାଯିବ। ସେ କହିଛନ୍ତି, ଖଣି ମାଫିଆ, ମଦ ମାଫିଆ, ଜମି ମାଫିଆ ଏବଂ ଅନ୍ୟ ସାମାଜିକ ଗୋଷ୍ଠୀ ଏହି ବିଲ୍‌ ପରେ ରାଜ୍ୟରେ ନିଶେଷ ହୋଇଯିବେ।

ମିଶ୍ର କହିଛନ୍ତି, ଡ୍ରାଫ୍ଟ ବିଲ୍‌ରେ ସରକାର ଅପରାଧୀଙ୍କ ସଂପତ୍ତି ଜବତ କରିବାର ମଧ୍ୟ ପ୍ରାବଧାନ ରହିଛି। ଜବତ ଧନ ଏବଂ ସଂପତ୍ତିକୁ ଗରିବଙ୍କ ମଧ୍ୟରେ ବଣ୍ଟାଯିବାର ପ୍ରାବଧାନ ମଧ୍ୟ କରାଯାଉଛି। ମାମଲାର ଶୀଘ୍ର ଶୁଣାଣି ପାଇଁ ସ୍ଵତନ୍ତ୍ର କୋର୍ଟ ତିଆରି ହେବ ଏବଂ ସାକ୍ଷୀଙ୍କ ସୁରକ୍ଷା ପାଇଁ ସ୍ଵତନ୍ତ୍ର ନିୟମ କରାଯିବ। ଅପରାଧୀମାନଙ୍କୁ ପ୍ରତ୍ୟେକ୍ଷ ଏବଂ ପରୋକ୍ଷରେ ସାହାଯ୍ୟ କରୁଥିବା ଲୋକଙ୍କୁ ମଧ୍ୟ ଦଣ୍ଡିତ କରାଯିବାର ପ୍ରାବଧାନ ଏହି ବିଲ୍‌ରେ କରାଯିବ ବୋଲି ମଧ୍ୟ ପ୍ରଦେଶ ଗୃହ ମନ୍ତ୍ରୀ କହିଛନ୍ତି।

   Related Posts