Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍ ଅଧିବେଶନ: ଜାନୁଆରୀ ୩୧ରେ ରାଷ୍ଟ୍ରପତିଙ୍କ ଅଭିଭାଷଣ, ଫେବୃଆରୀ ୧ରେ ଉପସ୍ଥାପନ ହେବ ବଜେଟ୍
  • ||
  • IPL 2022: ନିଜ ଟିମ୍‌ର ନାମ ଘୋଷଣା କଲା ଲକ୍ଷ୍ନୌ ଫ୍ରାଞ୍ଚାଇଜି, ରଖିଲା ଲକ୍ଷ୍ନୌ ସୁପର ଜିଆଣ୍ଟ୍ସ
  • ||
  • ରାଜ୍ୟରେ ସୁସ୍ଥହେଲେ ଆଉ ୧୦,୩୦୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୧୧୫ଜଣ ଡିସଚାର୍ଜ
  • ||
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

ବାଇକ ସହ ଯୁବକଙ୍କୁ ଜିଅନ୍ତା ଜାଳିଦେଲେ ଦୁର୍ବୁତ୍ତ : ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ

14/06/2020 at 12:10 PM

ଗୁମଲା ୧୪/୦୬ : ଝାରଖଣ୍ଡ ଗୁମଲା ଜିଲ୍ଲାରେ ଏକ ଚାଞ୍ଚଲ୍ୟକର ଘଟଣା ସାମ୍ନାକୁ ଆସିଛି | ଗତ ରାତିରେ କିଛି ଦୁର୍ବୁତ୍ତ  ଜଣେ ବାଇକ ଆରୋହୀଙ୍କୁ ଜିଅନ୍ତା ଜାଳିଦେଲେ | ଘଟଣାସ୍ଥଳରେ ଯୁବକଙ୍କ ମୃତ୍ୟୁ ହୋଇଛି | ଘଟଣାରେ ପୁରା ଅଞ୍ଚଳରେ ହଇଚଇ ସୃଷ୍ଟି ହୋଇଥିଲା | ସକାଳୁ ସୂଚନା ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି | ଏହାସହ ମାମଲାର ଯାଞ୍ଚ ଆରମ୍ଭ କରିଛି |

ସୂଚନା ଅନୁଯାୟୀ, ଘଟଣା ଘାଗରା ବ୍ଲକ ମୁଖ୍ୟାଳୟ ଚାନ୍ଦିନୀ ଚୌକ ଅଞ୍ଚଳର | ଗତ ରାତି ପ୍ରାୟ ୧୨ଟା ସମୟରେ କିଛି ଅଜଣା ଦୁର୍ବୁତ୍ତ ଜଣେ ଯୁବକଙ୍କୁ ପଥରରେ ମାରି ହତ୍ୟା କରିବାକୁ ଉଦ୍ୟମ କରିଥିଲେ | ଯୁବକ ଗମ୍ଭୀର ଆଘାତ ହେବାପରେ ଅପରାଧୀମାନେ ଯୁବକଙ୍କୁ ବାଇକ ସହ ଜିଅନ୍ତା ଜାଳି ଦେଇଥିଲେ | ଘଟଣା ସମ୍ପର୍କରେ ସ୍ଥାନୀୟ ଗ୍ରାମବାସୀ କହିଛନ୍ତି ଯେ ରାତି ପ୍ରାୟ ୧୨ଟା ସମୟରେ ପାଟିତୁଣ୍ଡ ସୁଭିଥିଲା | କିନ୍ତୁ ଗ୍ରାମବାସୀ ବାହାରକୁ ଆସିନଥିଲେ | ଗ୍ରାମବାସୀ କହିଛନ୍ତି ଯେ ଗତ କିଛି ଦିନ ହେଲା ସେହି ଅଞ୍ଚଳରେ କିଛି ଅପରାଧୀ ଅପରାଧ କରୁଛନ୍ତି | ସକାଳୁ ବାହାରକୁ ଆସି ଦେଖିଲେ ଜଣେ ଯୁବକଙ୍କ ମୃତଦେହ ପଡିଛି | ପାଖରେ ଏକ ପୋଡି ଯାଇଥିବା ବାଇକ ମଧ୍ୟ ପଡିଥିଲା | ଲଗାତାର ଏହିଭଳି ଅପରାଧ ଘଟୁଥିବାରୁ  ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି |

ସୂଚନା ଅନୁଯାୟୀ, ବାଇକ ଚାନ୍ଦିନୀ ଚୌକ ସ୍ଥିତ ବିନୟ ସାହୁଙ୍କ ଦୋକାନରୁ ଗତକାଲି ରାତି ୯ଟା ରେ ଚୋରି ହୋଇଥିଲା | ବାଇକଟି ବିନୟ ସାହୁଙ୍କ ର ବୋଲି ଜଣାପଡିଛି | ବାଇକ ଚୋରି ନେଇ ବିନୟ ସାହୁ ରାତିରେ ପୋଲିସ ଥାନାରେ ଅଭିଯୋଗ କରିଥିଲେ | ଏହାପରେ ରାତି ୧୨ଟା ହତ୍ୟାକାଣ୍ଡ ଘଟିଥିଲା | ଏହିଭଳି ଅପରାଧିକ ଘଟଣା ଯୋଗୁଁ ସ୍ଥାନୀୟ ଅଞ୍ଚଳରେ ପୋଲିସ ବ୍ୟବସ୍ଥା ଉପରେ ପ୍ରଶ୍ନ ଛିଡା ହୋଇଛି | ନିଜ ସୁରକ୍ଷା ନେଇ ଜନତା ମଧ୍ୟ ଭୟରେ ଅଛନ୍ତି | ତେବେ ଯାଞ୍ଚ ପରେ ପୁରା ମାମଲା ସ୍ପଷ୍ଟ ହୋଇପାରିବ ବୋଲି ପୋଲିସ କହିଛି |

   Related Posts