Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ଛିଡିଲାନି ଭାଗବଣ୍ଟା, ଦୁଇ ପିସ୍ ମାଂସ ପାଇଁ ଆତ୍ମହତ୍ୟା କଲେ ଭଉଣୀ
  • ||
  • କଟକ : ରେଭେନ୍ସା ବିଶ୍ବବିଦ୍ୟାଳୟର ନୂତନ କୁଳପତି ହେଲେ ପ୍ରଫେସର ସଞ୍ଜୟ ନାୟକ
  • ||
  • ଭୁବନେଶ୍ବର : ନାବାଳିକା ଗଣଦୁଷ୍କର୍ମ ମାମଲା, ଅପ୍ରେଲ ୫ରେ ଚୂଡାନ୍ତ ଶୁଣାଣି
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||

ବିଶିଷ୍ଟ ସ୍ବାଧୀନତା ସଂଗ୍ରାମୀ ବାଘା ଜତୀନଙ୍କ ସହଯୋଗୀ ରହିଥିବା ବାଲେଶ୍ବର ଜେଲ୍‌ର ସେଲ୍‌ରେ ଏବେ ରଖାଯାଉଛି ସୁଶୀଲ ଧଳସାମନ୍ତ ଭଳି ଦୁର୍ଦ୍ଦାନ୍ତ ଅପରାଧୀଙ୍କୁ, ଭୁଲିଗଲେ ସ୍ମାରକୀ କଥା

30/10/2019 at 5:18 PM

ବାଲେଶ୍ବର ( ସର୍ବେଶ୍ବର ନାଥ ) ୩୦|୧୦: ବାଲେଶ୍ବର ଜେଲ୍‌ର ଯେଉଁ ସେଲରେ ଦିନେ ସହିଦ ବାଘା ଯତୀନଙ୍କ ଭଳି ଦେଶପ୍ରେମୀଙ୍କ ସହଯୋଗୀ ରହିଥିଲେ, ସେଇ ସେଲ୍‌ରେ ଏବେ ଦୁର୍ଦ୍ଦାନ୍ତ ଅପରାଧୀଙ୍କୁ ରଖାଯାଉଥିବାରୁ ଏନେଇ ଆପତ୍ତି ଉଠାଇଛନ୍ତି ସହରର କିଛି ବୁଦ୍ଧିଜୀବୀ । ଏହା ସ୍ବାଧୀନତା ସଂଗ୍ରାମୀଙ୍କ ପ୍ରତି ଅପମାନ ବୋଲି ସେମାନେ ଅନୁଭବ କରୁଛନ୍ତି । ଏଥି ସହ ସହିଦ ବାଘା ଯତୀନଙ୍କ ସ୍ମାରକୀ ଭାବେ ଏହି ସେଲ୍‌କୁ ବ୍ୟବହାର କରିବାକୁ ସେମାନେ ଜେଲ୍‌ ପ୍ରଶାସନକୁ ପରାମର୍ଶ ଦେଇଛନ୍ତି ।

ବାଲେଶ୍ବର ଜେଲ୍‌ରେ ଥିବା ଏହି ୩ନମ୍ବର ସେଲ୍‌ ଉପରେ ଟିକେ ନଜର ପକାନ୍ତୁ । ୧୮୪୭ ମସିହାରେ ପ୍ରତିଷ୍ଠା ହୋଇଥିବା ଏହି କାରାଗାରରେ ଦିନେ ବନ୍ଦୀ ଜୀବନ କଟାଇଥିଲେ ସ୍ବାଧୀନତା ସଂଗ୍ରାମୀ ବାଘା ଯତୀନ୍‌ଙ୍କ ସହଯୋଗୀ ନୀରେନ୍‌ ଦାସଗୁପ୍ତା, ମନୋରଞ୍ଜନ ସେନ୍‌ଗୁପ୍ତାଙ୍କ ଭଳି ଦେଶପ୍ରେମୀ । ଦେଶ ମାତୃକା ପାଇଁ ଯେଉଁମାନଙ୍କ ସଂଗ୍ରାମ ସେତେବେଳେ ବ୍ରିଟିସ୍‌ ସରକାର ଆଖିରୁ ନିଦ ହଜାଇଦେଇଥିଲା ।

ବାଲେଶ୍ବର ଜେଲ୍‌ର ଏହି ୩ନମ୍ବର ସେଲ୍‌ରେ ସେମାନଙ୍କୁ ବନ୍ଦୀ କରି ରଖିବା ସହ ଜେଲ୍‌ ପରିସରରେ ହିଁ ଏହି ମହାନ୍‌ ଦେଶଭକ୍ତମାନଙ୍କୁ ଫାଶୀ ଖୁଣ୍ଟରେ ଝୁଲାଇଦେଇଥିଲା ବ୍ରିଟିସ୍‌ ସରକାର । ସ୍ବାଧୀନତା ସଂଗ୍ରାମୀ ଜ୍ୟୋତିଷ ପାଲ ମଧ୍ୟ ଏହି ଜେଲ୍‌ରେ କିଛି ଦିନ ରହିବା ପରେ ତାଙ୍କୁ ଆଣ୍ଡାମାନ୍‌ ନିକୋବର ବା ସେତେବେଳର କଳାପାଣିକୁ ପଠାଇଦିଆଯାଇଥିଲା । ବାଲେଶ୍ବର ଜେଲ୍‌ ସହ ଜଡ଼ିତ ଏସବୁ ଇତିହାସକୁ ଏବେ ଯେମିତି ଭୁଲି ଯାଇଛନ୍ତି ଜେଲ୍‌ କର୍ତ୍ତୃପକ୍ଷ ।

ଦିନେ ସ୍ବାଧୀନତା  ସଂଗ୍ରାମୀ ରହୁଥିବା ବାଲେଶ୍ବର ଜେଲର ଏହି ୩ ନମ୍ବର ସେଲ୍‌ରେ ସୁଶୀଲ ଧଳ ସାମନ୍ତ ଭଳି ଦୁର୍ଦ୍ଦାନ୍ତ ଅପରାଧୀଙ୍କୁ ରଖାଯିବାକୁ ନେଇ ଉଠିଛି ବିବାଦ । ଏହି ସେଲ୍‌କୁ ବାଘା ଯତୀନଙ୍କ ସ୍ମାରକୀ ଭାବେ ବ୍ୟବହାର କରିବା ବଦଳରେ ଦୁର୍ଦ୍ଦାନ୍ତ ଅପରାଧୀଙ୍କୁ ଏଠାରେ ରଖାଯାଉଥିବାରୁ ଏହା ସ୍ବାଧୀନତା ସଂଗ୍ରାମୀଙ୍କ ପ୍ରତି ଅପମାନ ବୋଲି ଅନେକ ବିବେଚନା କରିଛନ୍ତି ।

   Related Posts