Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

କୁଖ୍ୟାତ ଅପରାଧୀ ବିକାଶ ଦୁବେର ଗୋଟିଏ ଆବାସ ଧ୍ୱସ୍ତ, ଲକ୍ଷ୍ନୌ ସ୍ଥିତ ୨ଟି ଆବାସ ଉପରେ ବୁଲଡୋଜର୍ ଚଳାଇବାକୁ ପ୍ରସ୍ତୁତି

5/07/2020 at 12:35 PM

କାନପୁର ୦୫/୦୭ : ଗ୍ୟାଙ୍ଗଷ୍ଟର ବିକାଶ ଦୁବେକୁ ଗିରଫ କରିବାକୁ ଉତ୍ତର ପ୍ରଦେଶ ପୋଲିସ ବିଭିନ୍ନ ଜାଗାରେ ଚଢ଼ାଉ ଜାରି ରଖିଛି | ଅପରପକ୍ଷରେ ଲଖନଉ ବିକାଶ ପ୍ରାଧିକରଣ (LDA) ଵିକରୁ ମାମଲା ପାରେ ବିକାଶ ଦୁବେର ଲଖନଉ ସ୍ଥିତ ଘରକୁ ଧ୍ୱସ୍ତ କରିବାକୁ ବିଚାର କରୁଛି | କୃଷ୍ଣନଗର ସ୍ଥିତ ବିକାଶ ଦୁବେର ଦୁଇଟି ଘରକୁ ଧ୍ୱସ୍ତ କରିବାକୁ LDA ବିଚାର କରୁଛି | LDA ଟିମ ସମସ୍ତ ଘରର ଆବଣ୍ଟନ, କ୍ରୟ ଓ ମାନଚିତ୍ର ସହିତ ଜଡିତ ସମସ୍ତ ଦସ୍ତାବେଜ ତଲାଶ କରୁଛି |

ବିକାଶ ଦୁବେ ନିଜ ପତ୍ନୀ ସମେତ ଅନେକ ସମ୍ପର୍କୀୟଙ୍କ ନାଁରେ ଜମି କିଣି ଘର କରିଥିବା ଅଧିକାରୀ ଦାବି କରିଛନ୍ତି | ମାମଲାର ଯାଞ୍ଚ ପାଇଁ  LDA ସଚିବ ମଙ୍ଗଳା ପ୍ରସାଦଙ୍କ ସହ ଚିଫ ଟାଉନ ପ୍ଳାନର ମିତ୍ତଲ ଓ ପ୍ରବର୍ତ୍ତନ ଏବଂ ମାନଚିତ୍ର ବିଭାଗର ଅନେକ ଅଧିକାରୀ ଓ କର୍ମଚାରୀ ବିଳମ୍ବିତ ରାତି ପର୍ଯ୍ୟନ୍ତ ତଦନ୍ତ ଜାରି ରଖିଥିଲେ | LDA ଅଧିକାରୀଙ୍କ କହିବାନୁଯାୟୀ, କୃଷ୍ଣନଗର ସ୍ଥିତ ଦୁଇଟି ଘର ମଧ୍ୟରୁ ଗୋଟିଏର ନକ୍ସା ମିଳିନାହିଁ ଏବଂ ଅନ୍ୟଟିର ନିର୍ମାଣ ନକ୍ସାର ଓଲଟା ଥିବା ଜଣାପଡିଛି | 

ଲଖନଉରେ ବିକାଶ ଦୁବେର ଘର ଭାଙ୍ଗିବା ପାଇଁ LDA ର ପ୍ରବର୍ତ୍ତନ ବିଭାଗର ଇଞ୍ଜିନିୟରିଂ ଟିମ ଘରର ନିରୀକ୍ଷଣ କରିଛନ୍ତି | ବିକାଶ ଦୁବେର ଇନ୍ଦ୍ରଲୋକ କଲୋନୀରେ J-424 ନମ୍ବର ଘର ରହିଛି ଏବଂ K-528 ନମ୍ବର ଘର ବିକାଶର ଭାଇ ଦୀପ ପ୍ରକାଶ ଦୁବେର ରହିଛି | ଶନିବାର ଦିନ କାନପୁର ପ୍ରଶାସନ ବିକାଶ ଦୁବେର ବିଠୁର ସ୍ଥିତ ଆବାସକୁ ଜେସିବି ମେସିନ ଲଗାଇ ଧ୍ୱସ୍ତ କରିଦେଇଛି |

ବର୍ତ୍ତମାନ ବିକାଶ ଦୁବେର ସମସ୍ତ ସମ୍ପତ୍ତି ଆଟାଚ କରିବାକୁ ଯୋଜନା କରୁଛି | ବିକାଶ ଦୁବେର ସମସ୍ତ ବ୍ୟାଙ୍କ ଆକାଉଣ୍ଟ ସିଜ କରାଯାଉଛି | ପ୍ରଶାସନ ବିକାଶ ଦୁବେର ସମ୍ପତ୍ତି ଯାଞ୍ଚ କରୁଛି | ଵିକରୁରେ ୮ ପୋଲିସକର୍ମୀଙ୍କୁ ଗୁଳି କରି ହତ୍ୟା କରିବାର ୩୬ ଘଣ୍ଟା ପାରେ ମଧ୍ୟ କୁଖ୍ୟାତ ଅପରାଧୀ ବିକାଶ ଦୁବେ ପୋଲିସ ପହଞ୍ଚ ବାହାରେ ରହିଛି | ପୋଲିସ ବିକାଶ ଦୁବେ ଉପରେ ୫୦ ହଜାର ଟଙ୍କା ପୁରସ୍କାର ରାଶି ମଧ୍ୟ ଘୋଷଣା କରିଥିଲା ଯାହାକୁ ବଢ଼ାଇ ଏବେ ୧ ଲକ୍ଷ ଟଙ୍କା କରିଛି | ଏହାସହ ବିକାଶ ଦୁବେର ୧୮ ସହଯୋଗୀଙ୍କ ଉପରେ ୨୫ ହଜାର ଲେଖାଏଁ ପୁରସ୍କାର ଘୋଷଣା କରିଛି |

   Related Posts