ପଟିଆଲା ୯/୨- ପଟିଆଲାରେ ଧରାପଡ଼ିଥିବା ଜଣେ ଦୁର୍ଦ୍ଦାନ୍ତ ଗ୍ୟାଙ୍ଗଷ୍ଟାରର ବୟାନ । ମୁଁ ଆଇନ ଓ ଅପରାଧକୁ ମିଶାଇବାହୁ ଚାହେଁ ନାହିଁ । ଏହାପରେ ଶେଷ ଟାର୍ଗେଟ ମୋ ଗାର୍ଲଫ୍ରେଣ୍ଡ । କଣଥିଲା ଏ ପ୍ରେମକାହାଣୀର ଟ୍ରେଲର ଆସନ୍ତୁ ଜାଣିବା ।
ପଂଜାବ ପୋଲିସ ଗିରଫ କରିଥିବା କୁଖ୍ୟାତ ଅପରାଧି ନବ ଲାହୋରିଆ ଦେଇଛି ଏପରି ବୟାନ । ପୋଲିସ ଗିରଫ କଲାପରେ ତା ବୟାନରେ ଦେଇଛି ଏପରି ବିସ୍ଫୋରକ ମନ୍ତବ୍ୟ । ସେ ଯାହାଙ୍କୁ ଟାର୍ଗେଟ ନେଇଛି, ତାକୁ ରାସ୍ତାରୁ ହଟାଇଛି । ଜୀବନରେ ଯାହାକୁ ଯାହାକୁ ଟାର୍ଗେଟ ନେବାର ଥିଲା ନେଇସାରିଛି, ଖାଲି ଅଛି ଶେଷ ଟାର୍ଗେଟ... ଗାର୍ଲଫ୍ରେଣ୍ଡ ।
ନବ ଲାହୋରିଆ ପଂଜାବ ପୋଲିସ ଆଖିରେ ଧୂଳିଦେଇ କରିଛି ଅନେକ ଅପରାଧ । ହତ୍ୟା, ଲୁଣ୍ଠନ, ରାହାଜାନୀ , ଡ଼କାୟତି ଠାରୁ ଆରମ୍ଭ କରି ତା ନାଁରେ ଲମ୍ବା ଅପରାଧ ତାଲିକା । କିନ୍ତୁ ପୋଲିସ ଏହି ଗ୍ୟାଙ୍ଗଷ୍ଟାରକୁ ଧରିବାକୁ କରିଛି ଅନେକଥର ଏନକାଉଁଟର । କିନ୍ତୁ ଖସି ପଳେଇଯାଇଥିବା ନବ ଶେଷରେ ଧରାପଡ଼ିଛି ପୋଲିସ ହାତରେ ।
ପୋଲିସକୁ ସବୁ ଅପରାଧିକ ଘଟଣା କହିସାରିବାପରେ ଯାହା କହିଥିଲା ଉଡ଼ିଯାଇଥିଲା ହୋସ ।
ସେ କହିଥିଲା ଜୀବନରେ ଯାହାକୁ ପାଇବାକୁ ମୁଁ ଏତେ ଅପରାଧିକ କାମରେ ସଂପୃକ୍ତ, ସେ ଯଦି ମୋ ହାତ ଛାଡ଼ିଦିଏ..ତାକୁ ବି ଦେଇପାରିବିନି କ୍ଷମା ।
ନବ ଗାର୍ଲଫ୍ରେଣ୍ଡ କୋର୍ଟରେ ଓକିଲାତି କରୁଥିଲା କିନ୍ତୁ ନବ ସହିତ ଅନେକ ବର୍ଷର ପ୍ରେମସଂପର୍କ ଥିଲେ ବି ଶେଷରେ ବିବାହ ହେବାକୁ ମନା କରିଥିଲା । ଏହି କାରଣରୁ ନବ ଉତକ୍ଷିପ୍ତ ହୋଇପଡ଼ିଥିଲା ।
ପୋଲିସ ନବକୁ ଧରିବାପରେ ତାର ଶେଷ ଟାର୍ଗେଟ ଗାର୍ଲଫ୍ରେଣ୍ଡ ଥିବା କଥା କହିଛି । ମୁଁ ଆଇନ ଓ ଅପରାଧକୁ ମିଶାଇବାକୁ ଚାହୁଁ ନଥିଲି ବୋଲି ଏତେ ଦିନ ଯାଏଁ ଅପେକ୍ଷା କରିଛି । ଯଦି ସେ ମୋ ଜୀବନରୁ ଦୂରେଇ ଯାଏଁ, ତାହେଲେ ମୁଁ ମଧ୍ୟ ଜୀବନରୁ ଦୂରେଇଦେବି ।
ଏଭଳି ଚାଂଚଲ୍ୟକର ବୟାନ ଶୁଣି ପୋଲିସ ହୋଇଯାଇଥିଲା ତାଜୁବ । ନବର ଅନ୍ୟାନ ଅପରାଧିକ ଘଟଣାର ଅଧିକ ଖୋଳତାଡ଼୍ ପାଇଁ ପୋଲିସ ରିମାଣ୍ଡରରେ ଆଣି କରୁଛି ପଚରାଉଚରା ।
