ଗଞ୍ଜାମ ୩୦|୧୦: ଗଞ୍ଜାମ ପୋଲିସର ଆଉ ଏକ ଏନକାଉଣ୍ଟର । ପୋଲିସ ଗୁଳିରେ ଦୁର୍ଦ୍ଦାନ୍ତ ଅପରାଧୀ ଜିତେନ୍ଦ୍ର ସ୍ବାଇଁ  ଓରଫ ବାଦଲ ଆହତ ହୋଇଛି । ହିଞ୍ଜିଳିକାଟୁ ଶେରଗଡ ରାସ୍ତାର ଡେଙ୍ଗାପଦର ନିକଟରେ ପୋଲିସ ଏନକାଉଣ୍ଟର କରିଛି । ଜିତେନ୍ଦ୍ରର ଡାହାଣ ଗୋଡରେ ଗୁଳି ବାଜିଛି । ଗୁରୁତର ଅବସ୍ଥାରେ ବ୍ରହ୍ମପୁର ଏମକେସିଜିକୁ ସ୍ଥାନାନ୍ତର କରାଯାଇଛି । ତେବେ ଜିତେନ୍ଦ୍ରର ସହଯୋଗୀ ପୋଲିସକୁ ଚକମା ଦେଖାଇ ଘଟଣାସ୍ଥଳରୁ ଫେରାର ହୋଇଯାଇଛି । ଜିତେନ୍ଦ୍ର ନାଁରେ ବ୍ରହ୍ମପୁର, ଖୋର୍ଦ୍ଧା ଓ ଭୁବନେଶ୍ବରରରେ ୧୧ରୁ ଅଧିକ ମାମଲା ରହିଛି । ତାଠାରୁ ଗୋଟିଏ ପିସ୍ତଲ, ଗୋଟିଏ ଗୁଳି ଓ ଏକ ନମ୍ବରବିହୀନ ମୋଟର ସାଇକେଲ ଜବତ କରିଛି ପୋଲିସ ।