Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମୁଛି କରୋନା ସଂକ୍ରମଣ, ସୁସ୍ଥ ହୋଇ ଘରକୁ ଫେରିଲେ ଆଉ ୬୬୯ ଆକ୍ରାନ୍ତ
  • ||
  • ସରକାର ଓ କୃଷକଙ୍କ ମଧ୍ୟରେ ପ୍ରଥମ ବୈଠକ ବିଫଳ: ପୁଣି ଡିସେମ୍ବର ୩ରେ ଉଭୟ ପକ୍ଷ ମଧ୍ୟରେ ଆଲୋଚନା, ଜାରି ରହିବ ଆନ୍ଦୋଳନ
  • ||
  • ସୋର : ବାଇକ୍ ଉପରେ ମାଡିଗଲା କାର୍, ୩ ଗୁରୁତର
  • ||
  • କଣ୍ଟାବାଞ୍ଝି : ରାସ୍ତା କଡ ସିମେଣ୍ଟ ଖୁଣ୍ଟରେ ପିଟିହେଲା ବାଇକ୍ଦୁ, ଦୁଇ ମୃତ, ଜଣେ ଗୁରୁତର
  • ||
  • ଭଦ୍ରକ : ଟ୍ରକ୍‌କୁ ୮୭ ହଜାର ଟଙ୍କା ଫାଇନ୍, ପରମିଟ୍ ନଥାଇ ପରିବହନ ହେଉଥିଲା ଅଧିକ ଓଜନର ସାମଗ୍ରୀ
  • ||
  • ଆଠମଲ୍ଲିକ : ବାଇକ୍‌କୁ ଧକ୍କା ଦେଲା ପିକ୍‌ଅପ୍ ଭ୍ୟାନ୍, ଦୁଇ ବାଇକ୍ ଆରୋହୀଙ୍କ ମୃତ୍ୟୁ
  • ||
  • ସୋର : ଟ୍ରକ୍ ଚାପାରେ ମା’ ମୃତ, ବାପା-ପୁଅ ଗୁରୁତର
  • ||
  • ସାନଖେମୁଣ୍ଡି : ଦାଦା ବଟି ମାଗିବା ଅଭିଯୋଗରେ ଯୁବକ ଗିରଫ, ମାଉଜର ଓ ଅଫୁଟା ଗୁଳି ଜବତ
  • ||
  • ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୪୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୩୭୮ କରୋନା ସଂକ୍ରମିତ, ୩୧୯୧୦୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ପରଦା ହଟାଇବ କି କ୍ରାଇମବ୍ରାଞ୍ଚ ? ଜେରା ବେଳେ କାନ୍ଦି ପକାଇଲେ ବିଦ୍ୟାଶ୍ରୀ !

1/08/2020 at 8:27 AM

ଭୁବନେଶ୍ୱର ୦୧।୦୮: ସମାଜସେବୀ ଆଦିତ୍ୟ ଦାଶଙ୍କ ଡେଥ୍‌ ମିଷ୍ଟ୍ରିରେ କ୍ରାଇମ୍‌ବ୍ରାଞ୍ଚ ତଦନ୍ତର ଦ୍ୱିତୀୟ ଦିନ । ଆଦିତ୍ୟଙ୍କ ସ୍ତ୍ରୀ ବିଦ୍ୟାଶ୍ରୀଙ୍କୁ ଗତକାଲି ତଦନ୍ତକାରୀ ଟିମ୍‌ର ମାରାଥନ ଜେରାକୁ ସାମ୍ନା କରିଛନ୍ତି । ଆଦିତ୍ୟଙ୍କ ବାପା ମାଙ୍କୁ ବି ଟିମ୍‌ ପଚରାଉଚରା କରିଛି । ଆଦିତ୍ୟଙ୍କ ପରିବାରର ସଦସ୍ୟମାନଙ୍କୁ ପୃଥକ ଜେରା କରିଛି ଟିମ୍‌ । ମୃତ୍ୟୁର ରହସ୍ୟ ଖୋଜିବାକୁ ଚେଷ୍ଟା କରିଛି ।

ସୁନ୍ଦରପଦା ଏବରଙ୍ଗସ୍ଥିତ ଏକ୍ରାମବିହାର ପ୍ଲଟ୍‌ ୧୭୩/୧୧୬୫ରେ ଥିବା ‘ସୁହାସ ଆର୍ଶୀବାଦ’ ବିଲ୍ଡିଂରେ ଅପରାହ୍ଣ ସାଢ଼େ ୩ଟା ବେଳେ ପହଞ୍ଚିଥିଲା ଟିମ୍‌ । ସିନିୟର ଇନ୍ସପେକ୍ଟର ଦେବୀ ପ୍ରସାଦ ଦାସଙ୍କ ସହ ଇନ୍ସପେକ୍ଟର ମମତା ପଣ୍ଡା ଓ ଅନ୍ୟ ଜଣେ ଅଫିସର ଟିମ୍‌ରେ ଥିଲେ । ପ୍ରାୟ ୫ ଘଣ୍ଟା ଧରି ତନାଘନା କରିବା ପରେ ଟିମ୍‌ ସନ୍ଧ୍ୟା ୮ଟା ପରେ ଉକ୍ତ ବିଲ୍ଡିଂରୁ ଫେରିଛି । ଟିମ୍‌ର ଫୋକସ୍‌ରେ ଥିଲେ ବିଦ୍ୟାଶ୍ରୀ । ଦୀର୍ଘ ୩ ଘଣ୍ଟା ଧରି ସେ କ୍ରାଇମ୍‌ବ୍ରାଞ୍ଚର ପ୍ରଶ୍ନବାଣର ସାମ୍ନା କରିଥିଲେ। ଜେରା ବେଳେ ବିଦ୍ୟାଶ୍ରୀ କାନ୍ଦି ପକାଇଥିବା ଜଣାପଡି଼ଛି । ମୃତ୍ୟୁ ପୂର୍ବରୁ ଆଦିତ୍ୟଙ୍କ ସହ କାହିଁକି ଝଗଡ଼ା ହୋଇଥିଲା? କେଉଁ କାରଣ ଯୋଗୁଁ ଦାମ୍ପତ୍ୟ ଜୀବନରେ ମନୋମାଳିନ୍ୟ ହେଉଥିଲା? ଲକ୍‌ଡାଉନ୍‌ ବେଳେ ତରବରିଆ ଭାବେ କାହିଁକି କେନ୍ଦ୍ରାପଡ଼ାସ୍ଥିତ ମନ୍ଦିରରେ ବିବାହ କରିଥିଲେ? ଏସବୁ ପ୍ରଶ୍ନର ଉତ୍ତର ରଖିଥିଲେ ବିଦ୍ୟାଶ୍ରୀ । ତେବେ ‘ପିପୁଲ ଫର୍‌ ସେବା’ ଫାଉଣ୍ଡେସେନର ଅର୍ଥ କାରବାରକୁ ନେଇ ବିଦ୍ୟାଶ୍ରୀ ଖୁସି ନଥିବା ଜେରା ବେଳେ କହିଥିବା ସୂଚନା ମିଳିଛି ।

ଜେରା ପରେ ଏହି ଦିଗକୁ ଗୁରୁତ୍ୱ ଦେଇଛି ତଦନ୍ତକାରୀ ଟିମ୍‌ । ଆଗକୁ ଫାଉଣ୍ଡେସନ ଅର୍ଥ କାରବାର ସମ୍ପର୍କରେ ହିସାବ କରିବ ଟିମ୍‌ । ଫାଉଣ୍ଡେସନ ନାଁରେ ଥିବା ବ୍ୟାଙ୍କ ଆକାଉଣ୍ଟର ସବିଶେଷ ତଥ୍ୟକୁ ଛାନଭିନ୍‌ କରିବ । ଏହାଛଡ଼ା ଆଦିତ୍ୟଙ୍କ ବାପା ନନ୍ଦକିଶୋର ଦାଶ ଓ ମା ପଦ୍ମାଳୟା ଦାଶଙ୍କଠାରୁ ଟିମ୍‌ ମଧ୍ୟ ଆଦିତ୍ୟଙ୍କ ଡିପ୍ରେସନର କାରଣ ପଚାରି ବୁଝିଛି । କ୍ରାଇମ୍‌ବ୍ରାଞ୍ଚର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ, ସବୁ ଦିଗରୁ ତଦନ୍ତ ଚାଲିଛି । ପରିବାରବର୍ଗଙ୍କୁ ପଚରାଉଚରା କରାଗଲା , ପରେ ବୃଦ୍ଧ ଆଶ୍ରମ ଓ ପିପୁଲ ଫର୍‌ ସେବାରେ ଟିମ୍‌ ତଦନ୍ତ କରିବ । ଏହାଛଡ଼ା ଆଦିତ୍ୟଙ୍କ ଫେସ୍‌ବୁକ୍‌ ପେଜ୍‌ର ଉଦାସଭରା ପୋଷ୍ଟକୁ ନେଇ ଜିଆରପି ଦ୍ୱାରା ଫେସ୍‌ବୁକ୍‌କୁ ମଗାଯାଇଥିବା ତଥ୍ୟକୁ ଅପେକ୍ଷା କରିଛୁ । ତଦନ୍ତ ଚାଲିଥିବାରୁ ଅଧିକ କିଛି କହିହେବନି । ସମୟ ଗଡିବା ସହିତ ଦିନକୁ ଦିନ ଅଧିକ ଜଟିଳ ହୋଇଚାଲିଛି ଆଦିତ୍ୟଙ୍କ ମୃତ୍ୟୁ ଘଟଣା । ଆଗକୁ ଘଟଣାରେ କି ରୂପ ନେବ , ତାହା ଦେଖିବାକୁ ବାକି ରହିଲା ।

   Related Posts