ନୂଆଦିଲ୍ଲୀ ୨୨/୫ : ଭାରତୀୟ ୱିକେଟ୍ କିପର ତଥା ବ୍ୟାଟ୍ସମ୍ୟାନ୍ ରିଦ୍ଧିମାନ ଶାହା କରୋନା ବିପକ୍ଷରେ ଯୁଦ୍ଧରେ ବିଜୟୀ ହୋଇଛନ୍ତି । କିନ୍ତୁ ତାଙ୍କ କ୍ୱାରେଣ୍ଟାଇନ ସମୟ ସରିବାକୁ ଆହୁରି ସମୟ ଲାଗିବ । ଶାହା ଦୀର୍ଘ ଦିନ ଧରି ସଂଗରୋଧରେ ରହିଆସୁଛନ୍ତି । ଦୀର୍ଘଦିନ ଧରି ଭାରତୀୟ କ୍ରିକେଟ ଟିମରେ ସକ୍ରିୟ ଥିବା ସତ୍ତ୍ୱେ ୩୬ ବର୍ଷୀୟ ସାହା ଭାରତୀୟ ଦଳ ଏବଂ ଆଇପିଏଲରେ ନିୟମିତ ନ ଥିବାରୁ ନିଜର ମନକଥା ଖୋଲି କହିଛନ୍ତି ।
ଗଣମାଧ୍ୟମ ସହ ଇଣ୍ଟଭିୟୁରେ ଶାହା କହିଛନ୍ତି ଯେ ଯେତେବେଳେ ଏମ୍ଏସ୍ ଧୋନି ଦଳରେ ଥିଲେ, ସେ ନିୟମିତ ମ୍ୟାଚ୍ ଖେଳିବାର ସୁଯୋଗ ପାଇନଥିଲେ । ସେ ୨୦୧୪ ରୁ ୨୦୧୮ ମଧ୍ୟରେ ଖେଳିଥିଲେ । ଏହା ପରେ ସେ ଆହତଜନିତ ସମସ୍ୟାରୁ ବାଦ ପଡିଥିଲେ । ଏହିପରି ଭାବରେ ଦୀନେଶ କାର୍ତ୍ତିକ, ପାର୍ଥିବ ପଟେଲ ଏବଂ ଋଷଭ ପନ୍ତ ଭାରତ ପାଇଁ ଖେଳିଥିଲେ । ପନ୍ତ ତାଙ୍କ ଦକ୍ଷତାର ଶକ୍ତି ଉପରେ ତାଙ୍କ ସ୍ଥାନ କବଜା କରିବାରେ ସଫଳ ହୋଇଥିଲେ । ହେଲେ ସେ ଫଛରେ ରହିଯାଇଥିଲେ । ଏବେ ଏହି ସୁଯୋଗକୁ ସେ ଅପେକ୍ଷା କରିଛନ୍ତି ।
ଶାହା ୨୦୧୦ ଫେବୃଆରୀ ୬ରେ ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟରେ ଡେବ୍ୟୁ କରିଥିଲେ । ଏହା ପରେ ସେ ଜାନୁଆରୀ ୨୦୧୨ରେ ତାଙ୍କର ଦ୍ୱିତୀୟ ମ୍ୟାଚ୍ ଖେଳିଥିଲେ । ପରେ ୯ ଡିସେମ୍ବର ୨୦୧୪ ରେ ଅଷ୍ଟ୍ରେଲିଆ ବିପକ୍ଷରେ ସେ ଟେଷ୍ଟ କ୍ୟାରିୟରର ତୃତୀୟ ମ୍ୟାଚ୍ ଖେଳିଥିଲେ । ସେବେଠାରୁ ସାହାଙ୍କୁ ଟେଷ୍ଟ କ୍ରିକେଟରେ ଖେଳିବାର ସୁଯୋଗ ମିଳିଥିଲା । ଯେତେବେଳେ ତାଙ୍କୁ ପଚରାଯାଇଥିଲା ଯେ, ଦକ୍ଷତା ଖେଳାଳିଙ୍କ ପାଇଁ ନିରାଶାଜନକ ନୁହେଁ, ସେତେବେଳେ ସେ ଏହି ପ୍ରଶ୍ନର ଉତ୍ତରରେ କହିଛନ୍ତି ଯେ ପ୍ରତ୍ୟେକ ଖେଳାଳି ଉଥାନ ପତ୍ତନ ଦେଇ ଗତି କରିଥାଏ ।
