Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍ ଅଧିବେଶନ: ଜାନୁଆରୀ ୩୧ରେ ରାଷ୍ଟ୍ରପତିଙ୍କ ଅଭିଭାଷଣ, ଫେବୃଆରୀ ୧ରେ ଉପସ୍ଥାପନ ହେବ ବଜେଟ୍
  • ||
  • IPL 2022: ନିଜ ଟିମ୍‌ର ନାମ ଘୋଷଣା କଲା ଲକ୍ଷ୍ନୌ ଫ୍ରାଞ୍ଚାଇଜି, ରଖିଲା ଲକ୍ଷ୍ନୌ ସୁପର ଜିଆଣ୍ଟ୍ସ
  • ||
  • ରାଜ୍ୟରେ ସୁସ୍ଥହେଲେ ଆଉ ୧୦,୩୦୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୧୧୫ଜଣ ଡିସଚାର୍ଜ
  • ||
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

ବାଲିପାଟଣାରେ ବନମାଳୀପୁରରେ ବାଣ ବିସ୍ଫୋରଣରେ ଦମ୍ପତିଙ୍କ ମୃତ୍ୟୁ ଘଟଣା ; ଆଜି ଘଟଣାସ୍ଥଳକୁ ଯିବ ଓଡ୍ରାଫର ୧୫ଜଣିଆ ଟିମ୍

2/11/2018 at 8:53 AM

ବାଲିପାଟଣା ୨|୧୧:  ବାଲିପାଟଣାରେ ବାଣ ବିସ୍ଫୋରଣରେ ଦମ୍ପତିଙ୍କ ମୃତ୍ୟୁ ହୋଇଥିଲା । ମୃତଦେହ ଉଦ୍ଧାର ପାଇଁ ଆଜି ଭୁବନେଶ୍ବରରୁ ଯିବ ଓଡ୍ରାଫର ୧୫ ଜଣିଆ ଟିମ୍ । ଗତକାଲି ସ୍ତ୍ରୀ ଝୁନୁ ମିଶ୍ରଙ୍କ ମୃତଦେହ ଉଦ୍ଧାର କରାଯାଇଥିଲା । ତେବେ ରାତି ହୋଇଯିବାରୁ ଉଦ୍ଧାର କାର୍ଯ୍ୟ ଅଧାରେ ରହିଥିଲା । ସ୍ବାମୀ ଜ୍ଞାନ ରଞ୍ଜନ ମିଶ୍ରଙ୍କ ମୃତଦେହ ଏପର୍ଯ୍ୟନ୍ତ ଉଦ୍ଧାର କରାଯାଇପାରିନାହିଁ । ଆଜି ତାଙ୍କ ମୃତଦେହ ଉଦ୍ଧାର କରିବା ସହ ବାରୁଦ ନମୁନା ସଂଗ୍ରହ କରିବ ଟିମ୍ । ଗତ ୬୦ ବର୍ଷ ହେଲା ସେମାନେ ବାଣ ବ୍ୟବସାୟ କରୁଥିଲେ । ୨୦ ବର୍ଷ ତଳେ ବିସ୍ଫୋରଣରେ ତାଙ୍କର ଜଣେ ଭାଇଙ୍କର ମୃତ୍ୟୁ ହୋଇଥିଲା । ଏହି ଘଟଣାକୁ ମିଶି ୩ ଥର ଏଠାରେ ବିସ୍ଫୋରଣ ହୋଇଛି ।

ଗତକାଲି ବାଲିପାଟଣା ବନମାଳୀପୁର ନୂଆସାହିରେ ଘରେ ବାଣ ଭିଡୁଥିବାବେଳେ ବିସ୍ଫୋରଣ  ହୋଇଥିଲା । ବିସ୍ଫୋରଣରେ ବାଣ ଭିଡୁଥିବା ଜ୍ଞାନରଞ୍ଜନ ମିଶ୍ରଙ୍କ ଛାତ ଘରର କାନ୍ଥ ଭୁଶୁଡିପଡିଛି । ଏଥିସହ ଜ୍ଞାନରଞ୍ଜନ ମିଶ୍ର ଓ ତାଙ୍କ ପତ୍ନୀ ଝୁନୁ ମିଶ୍ରଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା । ବିସ୍ଫୋରଣ ଏତେ ତୀବ୍ର ଥିଲା ଯେ, ଜ୍ଞାନରଞ୍ଜନ ମିଶ୍ର ଓ ତାଙ୍କ ପତ୍ନୀଙ୍କ ଅଙ୍ଗ ପ୍ରତ୍ୟଙ୍ଗ ଖିନଭିନ ହୋଇ ଚାରି ଆଡକୁ ଛିଟିକି ପଡିଥିଲା । ଆଗକୁ ଦୀପାବଳୀ ଥିବାରୁ ମୃତ ଜ୍ଞାନରଞ୍ଜନ ଘରେ ବ୍ୟାପକ ପରିମାଣର ବାରୁଦ ରଖିଥିଲେ ଏବଂ ନିଜେ ବାଣ ଭିଡୁଥିଲେ । କେଉଁ କାରଣ ଯୋଗୁଁ ବିସ୍ଫୋରଣ ହେଲା ତାହା ଜଣାପଡିନାହିଁ । ସମଗ୍ର ରାଜ୍ୟର ବିଭିନ୍ନ ସ୍ଥାନରେ ଏବେ ବାଣ ବିସ୍ଫୋରଣ ଜନିତ ଦୁର୍ଘଟଣା ଖବର ପହଞ୍ଚୁଛି । ଘରେ ବାଣ ତିଆରି କରିବା ନେଇ ସରକାରଙ୍କ କଟକଣା ରହିଥିଲେ ମଧ୍ୟ ତାକୁ କଡାକଡି ଭାବେ ନିୟନ୍ତ୍ରଣ ଓ ଯାଞ୍ଚ କରାଯାଉନଥିବାରୁ ଏଭଳି ଘଟଣା ବାରମ୍ବାର ଘଟୁଛି । ନିକଟରେ ରାଉରକେଲାଠାରେ ମଧ୍ୟ ସମାନ ଦୁର୍ଘଟଣା ଘଟି ଗୋଟିଏ ପରିବାରର ୩ଜଣଙ୍କର ଜୀବନ ଯାଇଥିଲା । ବାଣ ତିଆରି, ବିକ୍ରି ଓ ଫୁଟାଇବା ଉପରେ ଚଳିତ ବର୍ଷ ସୁପ୍ରିମକୋର୍ଟ କଟକଣା ଲଗାଇଛନ୍ତି । ତଥାପି ତାର କୌଣସି ପ୍ରଭାବ ଦେଖିବାକୁ ମିଳୁନାହିଁ ।

   Related Posts