Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲିଫ୍ଟ ମାଗି ଯାଉଥିଲେ ଘରକୁ, ଦୁର୍ଘଟଣାରେ ମା’ପୁଅ ସମେତ ୪ ଜଣଙ୍କ ମୃତ୍ୟୁ
  • ||
  • ଦେଶରେ ତଳମୁହାଁ କରୋନା ଗ୍ରାଫ୍: ଓଡ଼ିଶାରେ ମଧ୍ୟ ହ୍ରାସ ପାଇଛି ସଂକ୍ରମଣ
  • ||
  • ସ୍କୁଲ ଫି’ ଛାଡ଼ ମାମଲା: ସପ୍ତାହେ ଭିତରେ ରିପୋର୍ଟ ଦେବାକୁ ହାଇକୋର୍ଟଙ୍କ ନିର୍ଦ୍ଦେଶ
  • ||
  • ଦୁର୍ବଳ ହେଉଛି ଭାରତୀୟ ଆଖି
  • ||
  • ପୁରୀ : ସ୍ବର୍ଗଦ୍ବାରରୁ ହଟିଲା କଟକଣା, ଏଣିକି ଅନ୍ୟ ଜିଲ୍ଲାର ଶବ ହେବ ସତ୍କାର
  • ||
  • ଲଦାଖ: ଡେମଚୋକ୍‌ରେ ଭାରତୀୟ ସେନା ହାତରେ ଧରାପଡିଲେ ଚୀନ ସୈନିକ, ମିଳିଛି ଗୁରୁତ୍ଵପୂର୍ଣ୍ଣ ଦସ୍ତାବିଜ
  • ||
  • ଘରୋଇ କର୍ମଚାରୀଙ୍କ ପାଇଁ ବଡ ଖବର : ଦୀପାବଳି ପୂର୍ବରୁ ନୂଆ ପ୍ୟାକେଜ୍ ଘୋଷଣା କରିପାରନ୍ତି ସରକାର
  • ||
  • ଲୋକ ଭବନ ସମ୍ମୁଖରେ ଦୁଇ ଶିଶୁ ସହ ପତି-ପତ୍ନୀଙ୍କ ଆତ୍ମଦାହ ଉଦ୍ୟମ, ଉଦ୍ଧାର କଲା ପୋଲିସ
  • ||
  • ପୁଅ ଆସି ପଡୋଶୀଙ୍କୁ କହିଲା-ବାପା ଉଠୁନାହାନ୍ତି, ଦେଖିଲା ବେଳକୁ ଘରେ ପଡିଥିଲା ଦୁଇଟି ମୃତଦେହ
  • ||
  • ଗେହଲଟ୍ ସରକାରଙ୍କ ନିଷ୍ପତ୍ତି: ୧୩ ଅନ୍ତରାଷ୍ଟ୍ରୀୟ ଖେଳାଳିଙ୍କୁ ୨୫-୨୫ ଏକର ଜମି ଆବଣ୍ଟନ କରିବାକୁ ଘୋଷଣା
  • ||

ପରୀକ୍ଷାର୍ଥୀଙ୍କ ଉତ୍ପାତ ପରେ ଓଡ଼ିଶାରେ ସେନା ପରୀକ୍ଷାକୁ ପୋଲିସର ନା’, ହେଲେ ଆର୍ମି କମାଣ୍ଡାଣ୍ଟ କହିଲେ ପରୀକ୍ଷା ହେବ

16/10/2019 at 8:59 PM

ଭୁବନେଶ୍ୱର୧୬।୧୦ – ଓଡ଼ିଶାରେ ସେନା ପରୀକ୍ଷାକୁ ପୋଲିସର ନା’ । ଗତକାଲି ଭୁବନେଶ୍ବର ରେଲଓ୍ବେ ଷ୍ଟେସନରେ ହଜାର ହଜାର ପରୀକ୍ଷାର୍ଥୀଙ୍କ ଉତ୍ପାତ ପରେ ପ୍ରତିକ୍ରିୟା ରଖିଛନ୍ତି ପୋଲିସ କମିଶନର । ଆଗକୁ ଏଭଳି ପରୀକ୍ଷା ଓଡ଼ିଶାରେ ନ କରିବାକୁ ୧୨୦ ବାଟାଲିୟନ କର୍ତ୍ତୃପକ୍ଷଙ୍କ ସହ ଆଲୋଚନା କରିବା ସହ ଆର୍ମି ହେଡ୍‌କ୍ବାର୍ଟରକୁ ଚିଠି ଲେଖିଛନ୍ତି ।  ହେଲେ ଆର୍ମି କମାଣ୍ଡାଣ୍ଟ ଏହି ପରୀକ୍ଷା ହେବ ବୋଲି କହିଛନ୍ତି । ପୁଲିସ କମିଶନରଙ୍କ ଏପରି କିଛି ଚିଠି ମିଳିନାହିଁ ବୋଲ ସେ କହିଛନ୍ତି । ଏଥର ପରୀକ୍ଷାର୍ଥୀ ଦୁଇ ଗୁଣ ବଢିଛନ୍ତି ।ଏବେ ୟୁପି ଓ ବିହାର ପରୀକ୍ଷାର୍ଥୀଙ୍କର ପରୀକ୍ଷା ଚାଲିଛି ବୋଲି ସେ କହିଛନ୍ତି । ଓଡ଼ିଶାରୁ ୧୧ହଜାର ପରୀକ୍ଷାର୍ଥୀ ପରୀକ୍ଷା ଦେଇଥିବା ସେ କହିଛନ୍ତି ।

ପରୀକ୍ଷା ଦେବାକୁ ଆସି ଭୁବନେଶ୍ବର ଷ୍ଟେସନରେ ତୁମୁଳକାଣ୍ଡ କଲେ । ଏମିତି ଉତ୍ପାତ ହେଲେ, ଯେ ପୋଲିସ ଆଖିରୁ ନିଦ ହଜାଇଦେଲେ । ଏକ୍ସପ୍ରେସ ଟ୍ରେନ୍‌ରେ ଜୋର ଜବରଦସ୍ତ ଚଢ଼ିଲେ । ବାରମ୍ବାର ଚେନ୍‌ ଟାଣି ଟ୍ରେନ୍‌ ଅଟକାଇଲେ । ରେଳ ଧାରଣା ଉପରେ ବସିଲେ । ଲଗେଜ୍‌ ଭ୍ୟାନ୍‌ର ତାଲା ଭାଙ୍ଗିଲେ । ପୋଲିସ ଆଉ ଆରପିଏଫ୍‌ଙ୍କୁ ପୂରା ନାକେଦମ୍‌ କରିଦେଲେ । ଏମାନଙ୍କ ପାଇଁ ଯାତ୍ରୀଙ୍କୁ ଘଣ୍ଟା ଘଣ୍ଟା ଧରି ଅକଥନୀୟ ନିର୍ଯ୍ୟାତନା ସହିବାକୁ ପଡ଼ିଲା । ବିହାର ଓ ଉତ୍ତର ପ୍ରଦେଶ ପରୀକ୍ଷାର୍ଥୀଙ୍କ ଉତ୍ପାତକୁ ଦେଖି ଆଉ ଭୁବନେଶ୍ବରରେ ଆର୍ମି ପରୀକ୍ଷା ନକରାଇବାକୁ ଆର୍ମି ହେଡକ୍ବାର୍ଟରକୁ ଚିଠି ଲେଖିଛନ୍ତି ପୋଲିସ କମିଶନର ସୁଧାଂଶୁ ଷଡଙ୍ଗୀ ।

ସେନାରେ ସାମିଲ ହେବା ଲାଗି ବାହାରିଥିବା ୮୪ ପଦବୀ ପାଇଁ ପରୀକ୍ଷା ଦେବାକୁ ରାଜ୍ୟ ତଥା ରାଜ୍ୟ ବାହାରୁ ୪୦ହଜାର ପରୀକ୍ଷାର୍ଥୀ ଭୁବନେଶ୍ବର ଆସିଛନ୍ତି । ଫୁଟପାଥରେ ଶୋଉଥିବା ଦେଖି ପରୀକ୍ଷାର୍ଥୀଙ୍କ ପାଇଁ ପୋଲିସ ଟେଣ୍ଟ ବ୍ୟବସ୍ଥା ମଧ୍ୟ କରିଥିଲା । ବିଭିନ୍ନ ସ୍ବେଚ୍ଛାସେବୀ ଅନୁଷ୍ଠାନ ଖାଇବା ପିଇବା ବ୍ୟବସ୍ଥା କରିଥିଲେ । ତା’ପରେ ମଧ୍ୟ କିଛି ପରୀକ୍ଷାର୍ଥୀଙ୍କ ଏଭଳି ତୁମୁଳ କାଣ୍ଡକୁ ନେଇ ଉଠିଛି ପ୍ରଶ୍ନ ।

ତେବେ ଆଗକୁ ଆହୁରି କିଛି ବାହାର ରାଜ୍ୟର ପରୀକ୍ଷାର୍ଥୀଙ୍କ ପରୀକ୍ଷା ଥିବାରୁ ରାଜଧାନୀର ବିଭିନ୍ନ ସ୍ଥାନରେ ସୁରକ୍ଷା ବ୍ୟବସ୍ଥାକୁ କଡ଼ା କଡ଼ି କରାଯାଇଛି । ସେପଟେ ପୁରୀ ସମୁଦ୍ରରେ ଗାଧୋଇବାକୁ ଯାଇଥିବା ବେଳେ  ୟୁପିର ଦୁଇ ପରୀକ୍ଷାର୍ଥୀ  ନିଖୋଜ ହୋଇଯାଇଥିଲେ । ଆଜି ଲାଇଫଗାର୍ଡ଼ ଏବଂ ଫାୟାର ବ୍ରିଗେଡ୍‌ ଟିମ୍‌ ସମୁଦ୍ରରୁ ସେମାନଙ୍କ ମୃତଦେହ ଉଦ୍ଧାର କରିଛନ୍ତି ।

ମାତ୍ର ୮୪ ପଦବୀ ପାଇଁ ହଜାର ହଜାର ପିଲା ପରୀକ୍ଷା ଦେବାକୁ ଗୋଟିଏ ଯାଗାରେ ଏକାଠି ହେବା ପରେ ଏଭଳି ବିଶୃଙ୍ଖଳା ସାମ୍ନାକୁ ଆସିଛି । ମାତ୍ର ୮୪ପଦବୀ ପାଇଁ ୪୦ହଜାରରୁ ଅଧିକ ପରୀକ୍ଷାର୍ଥୀଙ୍କ ଆବେଦନକୁ ଦେଖିଲେ ଦେଶରେ ବେକାରୀ ସମସ୍ୟା କେତେ ଉତ୍କଟ ଅବସ୍ଥା ଧାରଣ କରିଛି ତାହା ସହଜରେ ଅନୁମାନ କରିହେଉଛି ।

   Related Posts