ଭଣ୍ଡାରିପୋଖରୀ, ୦୧|୦୭: ଭଦ୍ରକ ଜିଲ୍ଲା ଭଣ୍ଡାରିପୋଖରୀ ପୋଲିସ ବୁଧବାର ରାତିରେ କୋଲକାତା ଚାଲାଣ ହେଉଥିବା ବେଳେ ଦୁଇଟି ଗୋରୁ ବୋଝେଇ ଗାଡି ଜବତ କରିଛି । ଏହି ଗାଡିରୁ ୯୦ଟି ଗୋରୁ ଉଦ୍ଧାର ହୋଇଛନ୍ତି ।
ବୁଧବାର ଭଣ୍ଡାରିପୋଖରୀ ଦେଇ ଯାଇଥିବା ୧୬ ନମ୍ବର ଜାତୀୟ ରାଜପଥରେ ପେଟ୍ରୋଲିଂ କରିବା ବେଳେ ଏହି ଗୋରୁ ବୋଝେଇ ଗାଡିକୁ ଜବତ କରାଯାଇଛି । ଏହି ଗୋରୁ ସବୁ କୋଲକାତା ଚାଲାଣ ହେଉଥିଲା । ଗାଡିରୁ ୯୦ଟି ଗୋରୁ ଉଦ୍ଧାର ହୋଇଥିବାବେଳେ ସେମାନଙ୍କୁ ମାଇତପୁର ଗୋଶାଳା ପଠା ଯାଇଛି । ପୋଲିସ ଦୁଇ ଗାଡି ଜବତ କରିବା ସହ ଦୁଇ ଚାଳକଙ୍କୁ ଗିରଫ କରିଛି ।