ଭଦ୍ରକ ୨୬।୦୨: ଚାକିରୀରେ ପୁନଃ ନିଯୁକ୍ତି ଦାବି କରି କୋଭିଡ଼ ଯୋଦ୍ଧାଙ୍କ ଅଭିନବ ପ୍ରତିବାଦ। ପ୍ରଥମେ ଦୋକାନ ଦୋକାନ ବୁଲି ଭିକ ମାଗିବା ପରେ ଏବେ ନିଜର ଅଭିଯୋଗ ଜଣାଇବା ପାଇଁ ଆରମ୍ଭ କରିଛନ୍ତି ପଦଯାତ୍ରା । ସରକାରଙ୍କ ଦୃଷ୍ଟି ଆକର୍ଷଣ କରିବା ପାଇଁ ଭଦ୍ରକରୁ ନବୀନ ନିବାସ ପ୍ରାୟ ୧୩୦ କିଲୋମିଟରରୁ ଅଧିକ ରାସ୍ତା ପଦଯାତ୍ରା କରୁଛନ୍ତି କୋଭିଡ଼ ଯୋଦ୍ଧା ଅଶ୍ୱନି ପାଢ଼ୀ । ସକାଳୁ ଚରମ୍ପା ସ୍ଥିତ ହନୁମାନ ମନ୍ଦିରରେ ପୂଜା ପାଠ ସାରି ପିପିଇ କିଟ୍ ପିନ୍ଧିବା ସହ ଡାହାଣୀ ଗଡିଆ ଛକରେ ଥିବା ଗୋପବନ୍ଧୁଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରି ଭଦ୍ରକରୁ ନବୀନ ନିବାସ ପର୍ଯ୍ୟନ୍ତ ପଦଯାତ୍ରା ଆରମ୍ଭ କରିଛନ୍ତି।
{"id":415212,"sizeSlug":"large","linkDestination":"none"}ସୂଚନା ଅନୁଯାୟୀ , ଓଡ଼ିଶାର ୮ ହଜାର କୋଭିଡ ଯୋଦ୍ଧାମାନେ କରୋନା ସମୟରେ ନିଜ ଜୀବନକୁ ବାଜି ଲଗାଇ ପାରାମେଡିକାଲ କର୍ମୀ ଭାବରେ କାର୍ଯ୍ୟ କରୁଥିଲେ । ସରକାରଙ୍କ କାମ ସରିବା ପରେ ସେମାନଙ୍କ କାର୍ଯ୍ୟ ମଧ୍ୟ ସରିଯାଇଥିଲା ତାଙ୍କୁ ଚାକିରୀରୁ ଛଟେଇ କରାଯାଇଥିଲା । ସେମାନଙ୍କର ରୋଜଗାରର ବାଟ ବନ୍ଦ ହୋଇଯିବା ଯୋଗୁଁ ପରିବାର ଚଳାଇବା କଷ୍ଟକର ହୋଇପଡିଛି ।
{"id":415213,"sizeSlug":"large","linkDestination":"none"}ଦୀର୍ଘ ୫୫ ଦିନ ଧରି ଭୁବନେଶ୍ୱରର ଲୋୟର ପିଏମଜିରେ ଧାରଣା ଦେଇଥିବା ବେଳେ, ଏବେ ସରକାରଙ୍କୁ ନିଜର ଗୁହାରୀ ଜଣାଇବା ପାଇଁ ଅଭିନଵ ଢଙ୍ଗରେ ପ୍ରତିବାଦ କରୁଛନ୍ତି । ସରକାର ଯେଉଁ ପର୍ଯ୍ୟନ୍ତ ସେମାନଙ୍କ ଅଭିଯୋଗ ଶୁଣି ନାହାନ୍ତି, ସେ ପର୍ଯ୍ୟନ୍ତ ବିଭିନ୍ନ ପ୍ରକାରର ଅଭିନଵ ପ୍ରତିବାଦ ଜାରି ରହିବ ବୋଲି ପଦ ଯାତ୍ରା ଆରମ୍ଭ କରିଥିବା କୋଭିଡ ଯୋଦ୍ଧା କହିଛନ୍ତି ।