ପୁରୀ ୨୪।୦୬: ପୁରୀରେ ସରିଛି ରଥଯାତ୍ରା । କୋଭିଡ୍ -୧୯ସଂକ୍ରମଣକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ଆଗୁଆ ସଚେତନତା ପାଇଁ ପଦକ୍ଷେପ ନିଆଯାଉଛି । ପୁରୀରେ ସେବାୟତ ଓ ପୋଲିସଙ୍କର କୋଭିଡ୍ ଟେଷ୍ଟ କରାଯିବ । ବାହୁଡା ପୂର୍ବରୁ ସମସ୍ତଙ୍କର କୋଭିଡ୍ ଟେଷ୍ଟ କରାଯିବ ବୋଲି ଘୋଷଣା କରାଯାଇଛି ।
ପୁରୀରେ ପ୍ରଶାସନ ପକ୍ଷରୁ ପୋଲିସ ଏବଂ ସେବାୟତଙ୍କୁ ମିଶାଇ ମୋଟ ୫ ହଜାରରୁ ଅଧିକ ଲୋକଙ୍କ କୋଭିଡ ଟେଷ୍ଟ କରାଯିବ। ଅଢ଼େଇ ହଜାର ସେବାୟତଙ୍କର ଦୁଇଥର କରୋନା ଟେଷ୍ଟ କରାଯିବ। ଏଥିସହିତ ଶ୍ରୀମନ୍ଦିର, ପୌରପାଳିକା ଓ ପୋଲିସ, ସଫେଇ କର୍ମଚାରୀଙ୍କ ମଧ୍ୟ କରୋନା ଟେଷ୍ଟ କରାଯିବ। ସେହପରି ବରିଷ୍ଠ ଅଧିକାରୀଙ୍କର ମଧ୍ୟ ସାମ୍ପଲ ପରୀକ୍ଷା କରିବାକୁ ସ୍ଥିର ହୋଇଛି । ବାହୁଡ଼ା ପୂର୍ବରୁ ଏମାନଙ୍କର ଟେଷ୍ଟ କରାଯିବାର ଲକ୍ଷ୍ୟ ରଖାଯାଇଛି । ଏଥିସହିତ ରଥଯାତ୍ରା ସହିତ ସଂପୃକ୍ତ ହେଉଥିବା ସେବାୟତ ଏବଂ କର୍ମଚାରୀମାନଙ୍କ ପରିବାରକୁ ମଧ୍ୟ କୋଭିଡ ନେଇ ସଚେତନ କରାଯିବ।
ସେପଟେ ରଥଯାତ୍ରାରେ ନିୟୋଜିତ ୧ ହଜାରରୁ ଅଧିକ ପୋଲିସ କର୍ମଚାରୀ ଓ ଅଧିକାରୀଙ୍କ କୋଭିଡ ଟେଷ୍ଟ ଚାଲିଛି । ଗୋପବନ୍ଧୁ ଆୟୁରର୍ବେଦିକ ହସ୍ପିଟାଲରେ ସେମାନଙ୍କର ନମୁନା ସଂଗ୍ରହ ହୋଇଛି । ଆସନ୍ତାକାଲି ଛତିଶା ନିଯୋଗର ବୈଠକ ବସିବ। ଏଥିରେ ଶ୍ରୀଜୀଉଙ୍କ ନୀତିକାନ୍ତି ସହିତ କୋଭିଡ ନିୟମ ମଧ୍ୟରେ କେମିତି ଏସବୁ ପାଳନ କରାଯିବ ସେନେଇ ଆଲୋଚନା କରାଯିବ।