Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୨୫ କୋଭିଡ୍ ପଜିଟିଭ୍
  • ||
  • ପଡୋଶୀ ଘରୁ ମିଳିଲା ଯୁବକଙ୍କ ଝୁଲନ୍ତା ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ୨ ପରିବାର ମଧ୍ୟରେ ରକ୍ତାକ୍ତ ସଙ୍ଘର୍ଷ : ୮ ଗୁରୁତର, ବୁଲିଲା ଟାଙ୍ଗିଆ ଓ କଟୁରୀ
  • ||
  • କାର୍ତ୍ତିକ ମାସର ପ୍ରଥମ ସୋମବାର : ଧବଳେଶ୍ୱର ପୀଠରେ ୧୪୪ ଧାରା, ମନ୍ଦିର ଖାଁ ଖାଁ
  • ||
  • ୫ ଦିନ ଯାଏଁ ଖସିବନି ପାରଦ, ୨୮ରୁ କାଁ ଭାଁ ବର୍ଷା
  • ||

ବିବାହରେ କରୋନା ବିସ୍ଫୋରଣ : ଉତ୍ସବରେ ସାମିଲ ହେଲା ଯୁବକ, ଫଟୋ ଉଠାଇ ବର ସମେତ ୩୦ଜଣଙ୍କୁ କଲା ସଂକ୍ରମିତ

7/05/2021 at 9:57 AM

ମଧ୍ୟପ୍ରଦେଶ ୭/୫ : କରୋନା ଦ୍ୱିତୀୟ ଲହର ଦେଶରେ ଭୟଙ୍କର ପରିସ୍ଥିତି ସୃଷ୍ଟି କରିଛି । ଏହା ସତ୍ତ୍ୱେ କିଛି ଅମାନିଆଙ୍କୁ ଯେତେ ଚେତାଇଲେ ସୁଦ୍ଧା ମାନନଥିବା ଦେଖିବାକୁ ମିଳିଛି । ମଧ୍ୟପ୍ରଦେଶରେ ନିୱାଡିରୁ ଏଭଳି ଏକ ମାମଲା ସାମ୍ନାକୁ ଆସିଛି ଯେଉଁଠାରେ ଜଣେ ବ୍ୟକ୍ତିଙ୍କ ଭୁଲ ଯୋଗୁଁ ସମଗ୍ର ଗାଁ କ୍ଷତିଗ୍ରସ୍ତ ହୋଇଛି । ଲୁହାରଗୁଭା ଗାଁର ଜଣେ ବ୍ୟକ୍ତି କରୋନା ପଜିଟିଭ୍ ହେବା ପରେ ନିଜକୁ ଆଠ ଦିନ ପର୍ଯ୍ୟନ୍ତ ଲୁଚାଇ ରଖିଥିଲେ ।

କେବଳ ସେତିକି ନୁହେଁ, ଗାଁରେ ଆୟୋଜିତ ଏକ ବିବାହ ଉତ୍ସବରେ ଯୋଗଦେଇଥିଲେ । ଯାହାକି ଗାଁ ଲୋକଙ୍କ ଚିନ୍ତାକୁ ଦ୍ୱିଗୁଣିତ କରିଛି । ଜିଲ୍ଲା ପ୍ରଶାସନ ତରଫରୁ ସୂଚନା ପାଇବା ମାତ୍ରେ ସମଗ୍ର ଗାଁକୁ ରେଡ୍ ଜୋନ୍ ଘୋଷିତ କରି ସିଲ୍ କରିଦିଆଯାଇଛି । ଏମିତିକି ବର୍ତ୍ତମାନ ଗାଁକୁ ଆସିବା ଏବଂ ବାହାରକୁ ସମ୍ପୂର୍ଣ୍ଣ ରୂପେ ବନ୍ଦ କରାଯାଇଛି । ଡାକ୍ତରଙ୍କ ଦଳ ଆସି ଘର ଘରକୁ ବୁଲି ଲୋକଙ୍କ ସ୍ୱାସ୍ଥ୍ୟ ଯାଞ୍ଚ କରୁଛନ୍ତି । ଏହି ମାମଲା ପ୍ରୀତିପୁର ପୋଲିସ ଷ୍ଟେସନ ଅଞ୍ଚଳର ଲୁହାରଗୁୱା ଗାଁର ଅଟେ ।

ଯେଉଁଠାରେ ଗାଁର ୨୪ ବର୍ଷ ବୟସ୍କ ଯୁବକ ୨୭ ଏପ୍ରିଲ କରୋନାରେ ସଂକ୍ରମିତ ହୋଇଥିଲେ । ଏହା ପରେ ନିଜକୁ କ୍ୱାରେଣ୍ଟାଇନ ନରଖି କୌଣସି ପ୍ରକାରର ସୂଚନା ମଧ୍ୟ ଦେଇନଥିଲା । ଯେଉଁ କାରଣରୁ କରୋନା ସଂକ୍ରମିତ ଯୁବକ କେବଳ ଗାଁରେ ନୁହେଁ, ବାହାରେ ବି ବୁଲିବା ଜାରି ରଖିଥିଲେ । ଏହାସହ ୨୯ ଏପ୍ରିଲରେ ବିବାହ ସମାରୋହରେ ପାଙ୍ଗାଟରେ ଖାଦ୍ୟ ପରିବେଷଣ କରିଥିଲେ । ପରଦିନ ଏପ୍ରିଲ ୩୦ରେ ମଧ୍ୟ ଏକ ଶୋଭାଯାତ୍ରାରେ ଯୋଗ ଦେଇଥିଲି । ଯେଉଁଠାରେ ନାଚିବା ସହିତ ଭୋଜି କାର୍ଯ୍ୟକ୍ରମରେ ଯୋଗଦେଇ ମଞ୍ଚରେ ବୁଲି ଫଟୋ ମଧ୍ୟ ଉଠାଇଥିଲେ । ଫଳରେ ବର ସହ ୩୦ ଲୋକେ ସଂକ୍ରମିତ ହୋଇଛନ୍ତି୍ ।

   Related Posts