Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜଗତସିଂହପୁରରେ ଲଗାଣ ବର୍ଷା, ଧାନ ଫସଲ କ୍ଷତିଗ୍ରସ୍ତ
  • ||

ଭାରତୀୟ ସେନାରେ COVID-19, କର୍ଣ୍ଣେଲ ପଦବୀର ଡାକ୍ତରଙ୍କ ନମୁନା ରିପୋର୍ଟ ପଜେଟିଭ

29/03/2020 at 8:42 PM

କୋଲକାତା ୨୯।୩: କରୋନା ସଂକ୍ରମଣ ଭାରତୀୟ ସେନାକୁ ବି ବ୍ୟାପିଯାଇଛି। ସେନା ସୂତ୍ରରୁ ମିଳିଥିବା ଏକ ସୂଚନାରୁ କୋଲକାତା ଆର୍ମି କମାଣ୍ଡ ହସ୍ପିଟାଲରେ କାର୍ଯ୍ୟରତ ଜନୈକ କର୍ଣ୍ଣେଲ ପଦବୀର ଡାକ୍ତର ଭୂତାଣୁ ସଂକ୍ରମିତ ହୋଇଥିବା ଜଣାପଡିଛି। ତାଙ୍କ କରୋନା ଟେଷ୍ଟ ରିପୋର୍ଟ ପଜେଟିଭ ମିଳିବା ପରେ ତାଙ୍କୁ ଆଇସୋଲେସନରେ ରଖା ଯାଇଥିବା ବେଳେ ତାଙ୍କ ଅନ୍ୟ ସହକର୍ମୀଙ୍କ ଲାଗି ମଧ୍ୟ ଏବେ ସାବଧାନତା ଅବଲମ୍ବନ କରାଯାଉଥିବା ସୂଚନା ଦିଆଯାଇଛି।

ଏହା ପୂର୍ବରୁ ବିଏସଏଫର ଜନୈକ ଅଧିକାରୀ କରୋନା ସଂକ୍ରମିତ ହୋଇଥିବା ପୁଷ୍ଟି ହୋଇଥିଲା। ସମ୍ପୃକ୍ତ ଅଧିକାରୀ ଜଣକ ଗ୍ୱାଲିୟରର ଟକନପୁର ଅଞ୍ଚଳରେ ଥିବା ବିଏସଏଫ ପ୍ରଶିକ୍ଷଣ କେନ୍ଦ୍ରରେ ଅବସ୍ଥାପିତ ଥିଲେ। ତାଙ୍କ ପରିବାରର କେହି ସଦସ୍ୟ ନିକଟରେ ବ୍ରିଟେନରୁ ଫେରିଥିଲେ। ଏଣୁ ତାଙ୍କ ଠାରୁ ଅଧିକାରୀ ସଂକ୍ରମିତ ହୋଇଥାଇପାରନ୍ତି ବୋଲି ଆଶଙ୍କା କରାଯାଉଛି।

ସମ୍ପୃକ୍ତ ଅଧିକାରୀଙ୍କୁ ଏବେ ସ୍ଥାନୀୟ ହସ୍ପିଟାଲରେ ଆଇସୋଲେସନ କରାଯାଇଥିବା ବେଳେ ତାଙ୍କ ସହ ସମ୍ପର୍କରେ ଆସିଥିବା ଅଧିକାରୀ ଓ କର୍ମଚାରୀଙ୍କୁ ପୃଥକ କରାଯାଇଛି। ସେହିପରି ସିଆଇଏସଏଫର ଜନୈକ ହେଡ୍ କନଷ୍ଟେବଲ ମଧ୍ୟ କରୋନା ପଜେଟିଭ ଥିବା ଜଣାପଡିଛି। ସେମୁମ୍ବାଇ ଅନ୍ତର୍ଜାତୀୟ ବିମାନ ବନ୍ଦରରେ ମୁତୟନ ଥିଲେ। ତାଙ୍କୁ ଏକ ସ୍ଥାନୀୟ ହସ୍ପିଟାଲର ଆଇସୋଲେସନରେ ରଖାଯାଇଛି।

   Related Posts