Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁରୀ ସ୍ବର୍ଗ ଦ୍ବାରରୁ ହଟିଲା କଟକଣା, ସଂକ୍ରମଣ କମୁଥିବାରୁ ଜିଲ୍ଲା ପ୍ରଶାସନର ନିଷ୍ପତ୍ତି
  • ||
  • ‘କୁଲଦୀପ ଯାଦବଙ୍କ ପାଇଁ ଚ୍ୟାଲେଞ୍ଜିଂ ହେବ ଓ୍ବେଷ୍ଟଇଣ୍ଡିଜ ସିରିଜ୍, ଟିମ୍‌ ଇଣ୍ଡିଆକୁ ଭରସା ରଖିବାକୁ ହେବ’: ହରଭଜନ ସିଂହ
  • ||
  • ବିଧାନସଭା ନିର୍ବାଚନ ଏବଂ ବଜେଟ୍‌ ଅଧିବେଶନ ପୂର୍ବରୁ କଂଗ୍ରେସ ଡାକିଲା ଗୁରୁତ୍ବପୂର୍ଣ୍ଣ ବୈଠକ, ପ୍ରସ୍ତୁତ ହେବ ରଣନୀତି
  • ||
  • ରାଜ୍ୟରେ ସୁସ୍ଥହେଲେ ଆଉ ୧୧,୧୫୭ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୬୫୩ଜଣ ଡିସଚାର୍ଜ
  • ||
  • ବୈଦେଶିକ ବ୍ୟାପାର ମନ୍ତ୍ରୀ ଏସ.ଜୟଶଙ୍କରଙ୍କୁ କରୋନା, ନିଜକୁ କଲେ ଆଇସୋଲେଟ୍
  • ||
  • ମହାକାଶରେ ନିୟନ୍ତ୍ରଣ ହରାଇଛି ସ୍ପେସଏକ୍ସର ଫାଲକନ-୯, ବିପଦରେ ଭାରତର ଚନ୍ଦ୍ରଯାନ
  • ||
  • ବିଜେପିରେ ସାମିଲ ହେଲେ ଉତ୍ତରାଖଣ୍ଡର ପୂର୍ବତନ କଂଗ୍ରେସ ଅଧ୍ୟକ୍ଷ କିଶୋର ଉପାଧ୍ୟାୟ
  • ||
  • ରାଜ୍ୟରେ ଆଉ ୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୫୦କୁ ବୃଦ୍ଧି
  • ||
  • ରାଜ୍ୟରେ କମିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୯୦୧ କୋଭିଡ୍ ପଜିଟିଭ୍, ୧୨୩୧୧୬୯ରେ ପହଞ୍ଚିଲା ସଂଖ୍ୟା
  • ||
  • ଜିଲ୍ଲା ପରିଷଦ ନିର୍ବାଚନ ଲଢୁଛନ୍ତି ଡାକ୍ତରାଣୀ, ଚର୍ଚ୍ଚାରେ ବିଜେପି ପ୍ରାର୍ଥୀ ମୋନାଲିସା
  • ||

ଗବେଷଣାରୁ ହେଲା ଖୁଲାସା : ଚଟାଣରେ ୫ଦିନ ଯାଏଁ ଜୀବିତ ରହିଥାଏ କରୋନା ଭାଇରସ୍

10/06/2020 at 11:02 AM

କରୋନା ଭାଇରସ୍ ଦିନକୁ ଦିନ ବଢ଼ିବାରେ ଲାଗିଛି। ଲଣ୍ଡନ୍ କଲେଜ ୟୁନିଭର୍ସିଟିର ଅଧ୍ୟୟନ ଅନୁସାରେ,ଭାଇରସ୍ ଯେକୌଣସି ଚଟାଣରେ ୫ଦିନ ଯାଏଁ ଜୀବିତ ରହିପାରେ ଏବଂ ୧୦ଘଣ୍ଟା ମଧ୍ୟରେ ବଡ଼ ସ୍ଥାନରେ ନିଜର ବିସ୍ତାର କରିପାରେ ଏହି ଅଧ୍ୟୟନରେ ବ୍ରିଟେନର ଗ୍ରେଟ୍ ଓରମଣ୍ଡ ଷ୍ଟ୍ରିଟ୍ ହସ୍ପିଟାଲର ବେଡର ରେଲିଂରେ ସଂକ୍ରମଣ ଛଡ଼ା ଯାଇଥିଲା ଏବଂ ଯେତେବେଳେ ୧୦ଘଣ୍ଟା ପରେ ହସ୍ପିଟାଲର ଭଲ ଭାବେ ଯାଞ୍ଚ କରାଯାଇଥିଲା ସେତେବେଳେ ଏହା ପୂରା ଓ୍ବାର୍ଡ଼ର ପ୍ରତ୍ୟେକ କୋଣରେ ବ୍ୟାପିଯାଇଥିଲା।

ହସ୍ପିଟାଲରେ ନିଆଯାଇଥିବା ନମୁନାରେ ୫୦ପ୍ରତିଶତ ଭାଇରସ୍ ମିଳିଥିଲା। ଗବେଷକମାନେ ପ୍ରୟୋଗ ସମୟରେ ଜଣେ ରୋଗୀଙ୍କ ଶ୍ବାସରୁ ନେଇଥିବା କୋଭିଡ-୧୯ ଭାଇରସ୍ ଏବଂ କ୍ରୃତ୍ରିମ ଭାବେ ଗଛକୁ ସଂକ୍ରମିତ କରୁଥିବା ଭାଇରସର ବ୍ୟବହାର କରିଥିଲେ ଯାହା ମନୁଷ୍ୟକୁ ସଂକ୍ରମିତ କରି ପାରୁନଥିଲା। ଏହା ପରେ ପାଣିର ଗୋଟିଏ ବୁନ୍ଦାରେ ଦୁଇଟିକୁ ମିଶାଇ ରେଲିଂରେ ଛାଡ଼ି ଦେଇଥିଲେ।

ଏହା ପରେ ୫ଦିନରେ ଓ୍ବାର୍ଡ଼ର ୪୪ଟି ସ୍ଥାନରେ ଶହ ଶହ ନମୁନା ନିଆ ଯାଇଥିଲା। ୧୦ଘଣ୍ଟା ପରେ ହିଁ ପ୍ରାଥମିକ ନମୁନାରୁ ଜଣା ପଡ଼ିଥିଲା ଯେ ବେଡ ରେଲିଂ,କବାଟର ହ୍ୟାଣ୍ଡଲ୍,ଚେୟାର,ଓ୍ବେଟିଂ ରୁମଠୁ ନେଇ ପିଲାଙ୍କ ଖେଳଣା ଏବଂ ବହିରେ ଭାଇରସ୍ ବ୍ୟାପିଯାଇଥିଲା। ୩ଦିନ ପରେ ଯେତେବେଳେ ପୁଣି ଥରେ ନମୁନା ନିଆଯାଇଥିଲା ସେତେବେଳେ ଜଣା ପଡ଼ିଲା ଯେ ସଂକ୍ରମଣ ୪୧ପ୍ରତିଶତରୁ ବଢ଼ି ୫୯ପ୍ରତିଶତ କ୍ଷେତ୍ର ଯାଏଁ ବ୍ୟାପି ସାରିଛି।

ହସ୍ପିଟାଲର ଷ୍ଟାଫ,ରୋଗୀ ଏବଂ ଆଗନ୍ତୁକଙ୍କ ଜରିଆରେ ଏହି ଭାଇରସ ହସ୍ପିଟାଲରେ ବ୍ୟାପି ଯାଇଥିଲା। ଗବେଷଣାର ତୃତୀୟ ଦିନ ଯାଏଁ ୮୬ପ୍ରତିଶତ ନମୁନାରେ ସଂକ୍ରମଣ ମିଳିଥିଲା। ପଞ୍ଚମ ଦିନ ପରେ ହିଁ ସଂକ୍ରମଣ କମି ଯାଇଥିଲା।

ଗବେଷଣାରୁ ଜଣା ପଡ଼ିଥିଲା ଯେ କିପରି ଚଟାଣ ଭାଇରସର ପ୍ରସାରରେ କାମ କରିଥାଏ ଏବଂ ସ୍ବଚ୍ଛତାରେ ଦାୟିତ୍ବହୀନତା କେତେ ମହଙ୍ଗା ପଡ଼ିପାରେ।

   Related Posts