Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତ ଆସିବ ପଳାତକ ନିରବ ମୋଦି, ଅନୁମତି ଦେଲେ ବ୍ରିଟେନ୍‌ ଗୃହ ମନ୍ତ୍ରଣାଳୟ
  • ||
  • ଢେଙ୍କାନାଳ : ଶ୍ବଶୁର ଘର ପଛପଟୁ ଜ୍ବାଇଁଙ୍କ ଝୁଲନ୍ତା ମୃତଦେହ ଠାବ, ଆସିଥିଲେ ସ୍ତ୍ରୀଙ୍କୁ ମନାଇବାକୁ
  • ||
  • ବାଲିପାଟଣା : ମାତ୍ର ୮ଶହ ଟଙ୍କା ଉଧାର ପାଇଁ ଗଲା ଜୀବନ, ମହିଳା ମଣ୍ଡଳ ସଭାନେତ୍ରୀଙ୍କ ପୁଅ ମାଡରେ ଜଣଙ୍କର ମୃତ୍ୟୁ
  • ||
  • ପୂର୍ବତନ କେନ୍ଦ୍ରମନ୍ତ୍ରୀ ହରସିମରତ କୌର ବାଦଲ କରୋନା ପଜିଟିଭ୍
  • ||
  • ଭୁବନେଶ୍ବର : ସଂକ୍ରମଣ ଆଗକୁ ଆହୁରି ବଢି ବଢି ଚାଲିବ – ସ୍ବାସ୍ଥ୍ୟ ନିର୍ଦ୍ଦେଶକ
  • ||
  • ଗୀତିକାର ପଣ୍ଡିତ କିରଣ ମିଶ୍ରଙ୍କ ଦେହାନ୍ତ: ୧୫ ଦିନ ପୂର୍ବରୁ ନେଇଥିଲେ ଭ୍ୟାକସିନ୍
  • ||
  • ଦ୍ୱିତୀୟ ଥର ପାଇଁ କରୋନା ସଂକ୍ରମିତ ହେ​‌ଲେ ମୁଖ୍ୟମନ୍ତ୍ରୀ ବି. ଏସ୍‌. ୟେଦିୟୁରପ୍ପା, କିଛି ଦିନ ପୂର୍ବେ ନେଇଥିଲେ ଭ୍ୟାକସିନ୍‌
  • ||
  • ଭୁବନେଶ୍ବର : ଭୁବନେଶ୍ବର UPDରେ ଜାରି ହେବ ୧୪୪ ଧାରା, ୨୭ଟି ସ୍ଥାନରେ ମୁତୟନ ହେବେ ବ୍ୟାପକ ପୋଲିସ
  • ||
  • ଭୁବନେଶ୍ବର : ଦଳବିରୋଧୀ କାର୍ଯ୍ୟ ପାଇଁ ସୁନ୍ଦରଗଡର ୨ ବିଜେଡି ନେତା ନିଲମ୍ବିତ
  • ||
  • ପୁରୀ : ଶ୍ରୀମନ୍ଦିରରେ ବଢିଲା କଟକଣା : ସପ୍ତାହର ୨ଦିନ ଦର୍ଶନ ବନ୍ଦ, ବାହାର ଭକ୍ତଙ୍କ ପାଇଁ RTPCR ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||

IPL-2021 ଲାଇଭ ପ୍ରଡକ୍ସନ ଟିମ୍ ବାୟୋବବଲରେ ପଶିଲା କରୋନା !

5/04/2021 at 3:44 PM

ମୁମ୍ବାଇ ୫।୪: ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ) ଚତୁର୍ଦ୍ଦଶ ସଂସ୍କରଣକୁ ନେଇ କ୍ରିକେଟ୍‌ ପ୍ରେମୀ ଏବେ ବେଶ୍ ଉତ୍ସାହିତ। ତେବେ କୋଭିଡ ଦ୍ୱିତୀୟ ଲହରରେ ଅନୁଷ୍ଠିତ ହେବାକୁ ଯାଉଥିବା ସଂସ୍କରଣ ନେଇ ଆସୁଥିବା ଖବର କିନ୍ତୁ ଏତେ ଉତ୍ସାହଜନକ ନୁହେଁ। କଡା ସତର୍କତା ମଧ୍ୟରେ ଆଇପିଏଲ ଶେଷ କରିବାକୁ ଆୟୋଜକ ସବୁମନ୍ତେ ଉପାୟ କରୁଛନ୍ତି। ହେଲେ କୋରନା ଭାଇରସ ମହମାରୀ ସୁରକ୍ଷାବଳୟ ଭେଦ କରିସାରିଥିବାର ସୂଚନା ମିଳୁଛି। 

ଆଗାମୀ ଆଇପିଏଲର ବିଶ୍ୱ ଟେଲିଭିଜନ ସିଧାପ୍ରସାରଣ ଲାଗି  ବାୟୋବବଲରେ ଥିବା ଷ୍ଟାର ସ୍ପୋର୍ଟସର ପ୍ରଡକ୍ସନ ୟୁନିଟ କୋଭିଡ ପଜିଟିଭ ଚିହ୍ନଟ ହୋଇଥିବାର ଖବର ଆସୁଛି। ଅପୁଷ୍ଟ ଖବରରୁ ବିସିସିଆଇଙ୍କ ପରିଚାଳିତ ବାୟୋ ବବଲରେ ୱାର୍ଲଡ ଲାଇଭର କ୍ରିୟୁମାନେ ଅବସ୍ଥାନ କରୁଥିଲେ। ଏମାନେ ମୁମ୍ବାଇର ‘ଫୋର ସିଜିନ’ ହୋଟେଲରେ ଅବସ୍ଥାନ କରୁଥିବା ବେଳେ ସଂକ୍ରମଣର ଶିକାର ହୋଇଥିବା ନେଇ ସୂଚନା ଆସୁଛି। ଏହି ଟିମ୍‌ରେ ଥିବା କ୍ୟାମେରାମ୍ୟାନ, ପ୍ରଡ୍ୟୁସର୍ସ, ଡାଇରେକ୍ଟର  ଓ ଇଭିଏସ୍ ଅପରେଟରମାନେ ସଂକ୍ରମିତ ହୋଇଛନ୍ତି। ଟିମ୍‌ରେ ମୋଟ ୧୪ ଜଣ ସଦସ୍ୟ ଥିବା ବେଳେ ଏମାନଙ୍କ ଉପରେ ଆଇପିଏଲ୍‌ ମ୍ୟାଚ୍‌ର ଟେଲିଭିଜନ ବିଶ୍ୱ ସିଧାପ୍ରସାରଣ ନିର୍ଭର କରୁଛି।  

ବିସିସିଆଇଙ୍କ ପକ୍ଷରୁ ଷ୍ଟାର ସ୍ପୋର୍ଟସ୍‌ ଆଇପିଏଲ ୨୦୨୧ର ପ୍ରାୟୋଜକ ଅଛନ୍ତି। ତେବେ ଏ ନେଇ ଷ୍ଟାର ସ୍ପୋର୍ଟସ୍‌ ସିଇଓ ସଂଯୋଗ ଗୁପ୍ତାଙ୍କ ସହ ଯୋଗାଯୋଗ କରାଯାଇଥିବା ବେଳେ  ପ୍ରସଙ୍ଗରେ ବିସିସିଆଇଙ୍କ ସହ ଯୋଗୋଯାଗ କରିବାକୁ କହିଛନ୍ତି। କାରଣ ଫୋରସିଜିନ ହୋଟେଲ ବାୟୋବବଲ ଆମ ପରିଚାଳନାରେ ନଥିବା ସେ କହିଛନ୍ତି। ତେବେ ମିଳୁଥିବା ଖବର ଯଦି ସତ୍ୟ ହୋଇଥାଏ ତେବେ ୧୦ ଏପ୍ରିଲ ଉଦଘାଟନୀ ମ୍ୟାଚ୍‌ର ସିଧାପ୍ରସାରଣରେ ବିଭ୍ରାଟ ଉପୁଜିପାରେ ବୋଲି ଆଶଙ୍କା କରାଯାଉଛି।

ଆଇପିଏଲ ଚତୁର୍ଦ୍ଦଶ ସଂସ୍କରଣର ଉଦଘାଟନୀ ମ୍ୟାଚ୍‌ ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ଅନୁଷ୍ଠିତ ହେବ। ଗତ ସଂସ୍କରଣର ଚାମ୍ପିୟନ ଚେନ୍ନାଇ ସୁପର କିଙ୍ଗସକୁ ଦିଲ୍ଲୀ କ୍ୟାପିଟାଲ ଭେଟିବ। ତେବେ ଏ ନେଇ ବିସିସିଆଇ କର୍ଯ୍ୟକାରୀ ମୁଖ୍ୟ କାର୍ଯ୍ୟନିର୍ବାହୀ ହେମାଙ୍ଗ ଅମୀନ୍‌ଙ୍କୁ କେତେକ ଗଣମାଧ୍ୟମ ଭେଟିଥିଲେ ହେଁ ପ୍ରସଙ୍ଗରେ ତାଙ୍କର ଜାବାବ ମିଳିପାରିନି।  

   Related Posts