Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ ଖସୁନି କରୋନା ଗ୍ରାଫ୍, ଆଉ ୬ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ସରିଲା ହାସ୍ୟ ଅଭିନେତା ପ୍ରଜ୍ଞାଙ୍କ ନିର୍ବନ୍ଧ, ସୋସିଆଲ ମିଡିଆରେ ରିଙ୍ଗ୍ ସେରିମନି ଫଟୋ ଭାଇରାଲ
  • ||
  • ଗାଡି ପାର୍ଟସ ଦୋକାନରୁ ଲୁଟ୍, ବନ୍ଧୁକ ଦେଖାଇ ନେଇଗଲେ ଟଙ୍କା
  • ||
  • ଅଜଗରକୁ ଗିଳିଲା ଅହିରାଜ, ସାତକୋଶିଆରେ ବିରଳ ଘଟଣା !
  • ||
  • ଭାରସାମ୍ୟ ହରାଇ ବାଇକ ଦୁର୍ଘଟଣାଗ୍ରସ୍ତ, ୨ ଆରୋହୀ ମୃତ
  • ||
  • ଜାନୁଆରୀ ୨୦ରୁ ହଜିଯିବ ଶୀତ, ୨୩ରୁ ବର୍ଷା !
  • ||

ବିଜେଡି ଲିଗାଲ ଫ୍ରଣ୍ଟର ଆନ୍ଦୋଳନରୁ ଅପସରି ଯିବାପରେ ବି ସ୍ବଭାବିକ ହେଲାନି କୋର୍ଟ, କାଲି ଜଣାପଡିବ ଓକିଲ ଆନ୍ଦୋଳନର ରୂପରେଖ

29/10/2018 at 7:07 PM

କଟକ ୨୯|୧୦:  କଟକରେ ଜଣେ ଆଇନଜୀବୀଙ୍କୁ ପୋଲିସର ମାଡ଼ ଅଭିଯୋଗରେ ଦୀର୍ଘ ଦୁଇମାସ ଧରି ଚାଲିଥିବା ଓକିଲ ଆନ୍ଦୋଳନ ଏବେ ଭିନ୍ନ ମୋଡ଼ ନେଇଛି । ପୂର୍ବଘୋଷଣା ମୁତାବକ ଆନ୍ଦୋଳନରୁ ଓହରି ଯାଇଥିବା ବିଜେଡି ଲିଗାଲ ଫ୍ରଣ୍ଟର ଆଇନଜୀବୀମାନେ ଆଜି କୋର୍ଟ କାର୍ଯ୍ୟରେ ଯୋଗ ଦେବାକୁ ଯିବା ବେଳେ ପ୍ରବଳ ବିରୋଧର ସମ୍ମୁଖୀନ ହୋଇଥିଲେ । ଆନ୍ଦୋଳନରତ ଓକିଲ ଓ ବିଜେଡି ଲିଗାଲ ଫ୍ରଣ୍ଟର ଓକିଲମାନଙ୍କ ଭିତରେ ଧସ୍ତାଧସ୍ତି ପରିସ୍ଥିତି ସୃଷ୍ଟି ହୋଇଥିଲା । ଫଳରେ ବିଜେଡି ଲିଗାଲ ଫ୍ରଣ୍ଟର ଆଇନଜୀବୀମାନେ କାର୍ଯ୍ୟରେ ଯୋଗନଦେଇ ଫେରି ଆସିଥିଲେ ।

ବିବାଦୀୟ ମୋଡ଼ ନେଲା ଆଇନଜୀବୀଙ୍କ ଆନ୍ଦୋଳନ । ଦୁଇ ମାସ ଧରି ଚାଲିଥିବା ଓକିଲ ଆନ୍ଦୋଳନ ସୋମବାର ଅଧିକ ଜଟିଳ ରୂପ ଧାରଣ କରିଥିଲା । ବିଜେଡି ଲିଗାଲ ଫ୍ରଣ୍ଟ ଆନ୍ଦୋଳନରୁ ଓହରିଯିବା କଥା ଘୋଷଣା କରିବା ପରେ ଏଭଳି ବିବାଦୀୟ ପରିସ୍ଥିତି ଉପୁଜିବ ବୋଲି ଅନୁମାନ କରାଯାଉଥିଲା । ଏମିତିକି ହାଇକୋର୍ଟ ନିକଟରେ ବଡ଼ ଧରଣର ଗଣ୍ଡଗୋଳ ଆଶଙ୍କା କରି ପ୍ରାୟ ୨୮ ପ୍ଲାଟୁନ ପୋଲିସ ଫୋର୍ସ ମଧ୍ୟ ମୁତୟନ କରାଯାଇଥିଲା । ତଥାପି ଆନ୍ଦୋଳନରୁ ଓହରିଥିବା ଓକିଲ ଗୋଷ୍ଠୀ ଏବଂ ଆନ୍ଦୋଳନରତ ଓକିଲ ଗୋଷ୍ଠୀଙ୍କ ଭିତରେ ଉତ୍ତେଜନା ପରିସ୍ଥିତି ସୃଷ୍ଟି ହୋଇଥିଲା । ପୂର୍ବ ଘୋଷଣା ମୁତାବକ ବିଜେଡି ଲିଗାଲ ଫ୍ରଣ୍ଟ ସୋମବାର କାର୍ଯ୍ୟରେ ଯୋଗଦେବାକୁ କୋର୍ଟ ପରିସରରେ ପହଞ୍ଚିବା ବେଳକୁ ସେମାନଙ୍କୁ ବିରୋଧ କରିଥିଲେ ଆନ୍ଦୋଳନରତ ଓକିଲମାନେ । ଫଳରେ କାର୍ଯ୍ୟରେ ଯୋଗ ଦେଇ ନପାରି ବିଜେଡି ଲିଗାଲ୍‌ ଫ୍ରଣ୍ଟର ଓକିଲମାନଙ୍କୁ ଫେରିବାକୁ ପଡ଼ିଥିଲା । ତେବେ ଏନେଇ ଆପୋଷ ବୁଝାମଣା ହେବ ବୋଲି କହିଛନ୍ତି ବିଜେଡି ଲିଗାଲ ଫ୍ରଣ୍ଟ ଉପଦେଷ୍ଟା ତଥା ବରିଷ୍ଠ ଆଇନଜୀବୀ ଅସୀମ ଅମିତାଭ ଦାସ ।

ସେପଟେ ଆନ୍ଦୋଳନରତ ଓକିଲମାନେ କୌଣସି ପରିସ୍ଥିତିରେ ବି ଆନ୍ଦୋଳନରୁ ଓହରିବେ ନାହିଁ ବୋଲି ସ୍ପଷ୍ଟ କରିଛନ୍ତି । ତେବେ ଏଭଳି ଘଟଣାକୁ ଦୁର୍ଭାଗ୍ୟଜନକ ବୋଲି କହିଛନ୍ତି ହାଇକୋର୍ଟ ବାର ଆସୋସିଏସନ ସମ୍ପାଦକ ।
ଏଭଳି ଗଣ୍ଡଗୋଳିଆ ପରିସ୍ଥିତିକୁ ନେଇ ହାଇକୋର୍ଟ ବାର୍‌ ଆସୋସିଏସନ ବୈଠକ ବସିଥିଲା । ତେବେ ଆଗକୁ ଆନ୍ଦୋଳନର ରୂପରେଖ କିଭଳି ରହିବ ଓ ବିଜେଡି ଫ୍ରଣ୍ଟର ଆଭିମୁଖ୍ୟ ଆସନ୍ତାକାଲି କ’ଣ ରହିବ ସେ ନେଇ କୌଣସି ସ୍ପଷ୍ଟ ଚିତ୍ର ମିଳିପାରିନାହିଁ । ସେପେଟେ ଆଜି ମଧ୍ୟ କୋର୍ଟ କାର୍ଯ୍ୟ ସ୍ବାଭାବିକ ହୋଇପାରିନାହିଁ ।

   Related Posts