Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୧୬୫୨ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୫୧୧ ଡିସଚାର୍ଜ
  • ||
  • ବିଧାୟିକାଙ୍କ ଘର ଆଗରେ ବୋମାମାଡ଼, ଦୁଇ ସମର୍ଥକଙ୍କୁ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ
  • ||
  • ଟୋକିଓ ଅଲିମ୍ପିକ୍ସ : ଭାରତକୁ ମିଳିଲା ଆଉ ଏକ ପଦକ, ୫୭ କେଜି କୁସ୍ତିରେ ରବି ଦାହିୟା ଜିତିଲେ ରୌପ୍ୟ ପଦକ
  • ||
  • ଜଗତସିଂହପୁର : ଶୁକ୍ରବାର ଖୋଲିବ ଝଙ୍କଡ ସ୍ଥିତ ମା’ ଶାରଳାଙ୍କ ମନ୍ଦିର, ଖୋଲିବ ଗୋରେଖନାଥଙ୍କ ପୀଠ
  • ||
  • କଟକ : ସ୍କୁଟି ମିଳିଥିଲା ମଧୁସୂଦନ ସେତୁରୁ, ମୃତଦେହ ମିଳିଲା ଯୋବ୍ରା ଆନିକଟରୁ : ମଙ୍ଗଳବାରଠୁ ଥିଲେ ନିଖୋଜ
  • ||
  • ବଡବିଲ : ରାସ୍ତା କଡକୁ ଓଲଟି ହୁତୁହୁତୁ ହୋଇ ଜଳିଗଲା ହାଇୱା
  • ||
  • ଭୁବନେଶ୍ବର : ରାଜ୍ୟ ମାନବାଧିକାର ଆୟୋଗରେ ଅଗ୍ନିକାଣ୍ଡ, ଏସି ସଟ୍ ସର୍କିଟ୍‌ରୁ ନିଆଁ ଲାଗିଥିବା ସୂଚନା
  • ||
  • ରାଉରକେଲା : ବଡଧରଣର ଜିଏସ୍‌ଟି ଠକେଇ, ବନ୍ଧାହେଲା ୮୦ କୋଟି ଟଙ୍କା ଠକିନେଇଥିବା ଠକ
  • ||
  • ଶେଷ ହେଲା ମାଟ୍ରିକ୍ ଅଫଲାଇନ୍ ପରୀକ୍ଷା, ୧୧ ରୁ ଆରମ୍ଭ ହେବ ମୂଲ୍ୟାୟନ
  • ||
  • କଟକ : ଶେଷ ହେଲା ମାଟ୍ରିକ୍ ଅଫଲାଇନ୍ ପରୀକ୍ଷା, ୧୧ ରୁ ଆରମ୍ଭ ହେବ ମୂଲ୍ୟାୟନ
  • ||

ଝିଅ ବାହାଘରରେ ଷଣ୍ଢ ପୁରାଇଲେ ବାପା : କୋର୍ଟରେ ଯାଇ କହିଲେ ମୋ ଝିଅ କୋଭିଡ-୧୯ ପଜିଟିଭ୍, ଫାଇଲ ବନ୍ଦ କରି ପଳେଇଲେ ଓକିଲ

25/07/2020 at 6:07 PM

ଖାଣ୍ଡୱା ୨୫/୦୭ : ମଧ୍ୟପ୍ରଦେଶ ଖାଣ୍ଡୱାରେ ଏକ ଅଭାବନୀୟ ଘଟଣା ଘଟିଛି | ଜଣେ ୧୯ ବର୍ଷ ବୟସ୍କ ଯୁବତୀ ବିବାହ କରିବାକୁ କୋର୍ଟକୁ ଯାଇଥିବାବେଳେ ତାଙ୍କୁ ସେଠାରୁ ବିଦା କରିଦିଆଯାଇଛି | ଯୁବତୀ ଜଣକ ଜଣେ ଯୁବକଙ୍କ ସହିତ କୋର୍ଟକୁ ଯାଇଥିଲେ ଯାହାକୁ ସେ ବିବାହ କରିବାକୁ ଚାହୁଁଥିଲେ | କିନ୍ତୁ ଠିକ ସମୟରେ ଯୁବତୀଙ୍କ ବାପା ଆସି କହିଥିଲେ ଯେ ତାଙ୍କ ଝିଅ କରୋନା ସଂକ୍ରମିତ | ତେବେ ଯୁବତୀଙ୍କର କରୋନା ରିପୋର୍ଟ ଏବେ ସୁଦ୍ଧା ଆସିନି | କିନ୍ତୁ ସ୍ୱାସ୍ଥ୍ୟ ବିଭାଗ ଅଧିକାରୀଙ୍କ କହିବାନୁଯାୟୀ, ଯୁବତୀ ଜଣକ ୧୪ ଦିନ ହେଲା ହୋମ ଆଇସୋଲେସନରେ ଥିଲେ |

ସୋମବାର ଦିନ ଖାଣ୍ଡୱା ଅନ୍ତର୍ଗତ ଭଲାଇ ଗାଁର ଯୁବକ ଯୁବତୀ ଜିଲ୍ଲା କୋର୍ଟକୁ ବିବାହ ପାଇଁ ଆବେଦନ କରିବାକୁ ଯାଇଥିଲେ | ସେମାନଙ୍କ ସହିତ ତାଙ୍କର ବନ୍ଧୁ ମଧ୍ୟ ଥିଲେ | ଓକିଲ ବୀରେନ୍ଦ୍ର ବର୍ମା ଉଭୟଙ୍କ କାଗଜପତ୍ର ଯାଞ୍ଚ କରିବ ସମୟରେ ହଠାତ ସେଠାରେ ଯୁବତୀଙ୍କ ବାପା ପହଞ୍ଚି ଯାଇଥିଲେ ଏବଂ ଓକିଲଙ୍କୁ ଅଟକାଇ ଦେଇଥିଲେ | ଯୁବତୀଙ୍କ ବାପା ଓକିଲ ବୀରେନ୍ଦ୍ର ବର୍ମାଙ୍କୁ କହିଥିଲେ ଯେ ତାଙ୍କ ଝିଅ କରୋନା ପଜିଟିଭ | ଏତିକି ଶୁଣି ବୀରେନ୍ଦ୍ର ବର୍ମା ଛାନିଆ ହୋଇଯାଇଥିଲେ | ସେ ସଙ୍ଗେ ସଙ୍ଗେ ଯୁବତୀଙ୍କୁ ସେଠାରୁ ଯିବାକୁ କହିଥିଲେ | ଟାଇମ୍ସ ଅଫ ଇଣ୍ଡିଆକୁ ବୀରେନ୍ଦ୍ର ବର୍ମା କହିଛନ୍ତି ଯେ, ଉଭୟ ଯୁବକ ଯୁବତୀଙ୍କ ବାହା ବୟସ ହୋଇଯାଇଛି | ଉଭୟଙ୍କ ମଧ୍ୟରେ କରୋନାର କୌଣସି ଲକ୍ଷଣ ନଥିଲା | ଉଭୟ ସୁସ୍ଥ ଜଣାପଡୁଥିଲେ | କିନ୍ତୁ ଯୁବତୀଙ୍କ ବାପା ଏହି ବାହାଘରରେ ରାଜି ନଥିବା ଭଳି ଜଣାପଡୁଛି | ଯେଉଁଥିପାଇଁ ସେ ଠିକ ସମୟରେ ଆସି କରୋନା ବାହାନାରେ ବାହାଘର ଆବେଦନକୁ ଅଟକାଇ ଦେଇଥିଲେ |

ତେବେ ଓକିଲ ବୀରେନ୍ଦ୍ର ବର୍ମା କହିଛନ୍ତି ଯେ, ଯେହେତୁ ଯୁବତୀଙ୍କ ବାପା ନିଜେ ଆସି ତାଙ୍କ ଝିଅ କରୋନା ସଂକ୍ରମିତ ହୋଇଥିବା କହିଥିଲେ, ସେମାନଙ୍କୁ ଘରକୁ ପଠାଇବା ଛଡା ତାଙ୍କ ପାଖରେ ଆଉ କିଛି ଉପାୟ ନଥିଲା | ଯୁବତୀଙ୍କ ବାପା ତାଙ୍କ ଝିଅ ସଂକ୍ରମିତ ହୋଇଥିବା କହିବା ପରେ କୋର୍ଟରେ ଉପସ୍ଥିତ ଓକିଲ ଓ ଅନ୍ୟ ସବୁ କର୍ମଚାରୀ ନିଜ ଜିନିଷପତ୍ର ଧରି ନିଜ ନିଜ ଘରକୁ ଚାଲି ଯାଇଥିଲେ | ଓକିଲ ବୀରେନ୍ଦ୍ର ବର୍ମା କହିଛନ୍ତି ସେ ଘରକୁ ଯାଇ ତୁରନ୍ତ ଗାଧେଇ ପଡ଼ିଥିଲେ ଏବଂ ସତର୍କତା ପଦକ୍ଷେପ ନେଇ ଗରମ ପାଣି ପିଇଥିଲେ |

   Related Posts