Monday, December 9, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

କ୍ରିକେଟର ଶମିଙ୍କ ସହ ତାଙ୍କ ଭାଇଙ୍କୁ କୋର୍ଟରୁ ମିଳିଲା ବଡ ଆଶ୍ବସ୍ତି, ନଭେମ୍ବର ୨ ତାରିଖ ଯାଏଁ ଆତ୍ମସମର୍ପଣ ଉପରେ ରହିତାଦେଶ

କୋଲକାତା୧୦|୯: କ୍ରିକେଟର ମହମ୍ମଦ ଶମି ଓ ତାଙ୍କ ଭାଇ ହସିବ ଅହମଦଙ୍କୁ ଘରୋଇ ହିଂସା ମାମଲାରେ କୋର୍ଟରୁ ମିଳିଲା ଆଶ୍ବସ୍ତି। କୋଲକାତା ଅଦାଲତ ତାଙ୍କୁ ୧୫ ଦିନ ଭିତରେ ଆତ୍ମସମର୍ପଣ କରିବା ପାଇଁ ଆଦେଶ ଦେଇଥିଲେ। ଶମିଙ୍କ ପତ୍ନୀ ଘରୋଇ ହିଂସା ନେଇ କରିଥିବା ପିଟିଶନର ଶୁଣାଣି ପରେ ଉଭୟ ଭାଇଙ୍କୁ କୋର୍ଟ ଆତ୍ମସମର୍ପଣ କରିବା ପାଇଁ ଆଦେଶ ଦେଇଥିଲେ।ତେବେ ଗତ କାଲି ଅଦଲାତ ଦୁଇ ଭାଇଙ୍କୁ ନଭେମ୍ବର ମାସ ଯାଏଁ  ସେମାନଙ୍କ ଆତ୍ମସମର୍ପଣ ଉପରେ ରହିତାଦେଶ ଦେଇଛନ୍ତି।

ଭାରତୀୟ କ୍ରିକେଟ ଟିମ୍‌ର ସଦସ୍ୟ ମହମ୍ମଦ ଶମି ଓ ଥାଙ୍କ ପତ୍ନୀ ହସୀନ ଯହାଁଙ୍କ ମଧ୍ୟରେ ଗତ ବର୍ଷ ମାର୍ଚ୍ଚ ମାସରୁ ବିବାଦ ଚାଲିଛି। ହସୀନ ନିଜ ଝିଅ ଆଇରା ଶମିଙ୍କ ସହ କୋଲକାତାରେ ସ୍ବାମୀଙ୍କଠୁ ଅଲଗା ହୋଇ ରହୁଛନ୍ତି। ସେ ନିଜ ସ୍ବାମୀ ଓ ଶ୍ବଶୁର ଘରର ଲୋକଙ୍କ ବିରୋଧରେ ଯୌତୁକ ନିର୍ଯ୍ୟାତନା ଓ ଦେଢଶୁର ହସିବ ଅହମଦଙ୍କ ବିରୋଧରେ ଦୁଷ୍କର୍ମ ଅଭିଯୋଗ କରିଥିଲେ ।

ତେବେ ଘଟଣାର ପ୍ରାଥମିକ ତଦନ୍ତ ପରେ କୋଲକାତା ପୋଲିସ କେବଳ ମହମ୍ମଦ ଓ ତାଙ୍କ ଭାଇ ବିରୋଧରେ ଚାର୍ଜଶିଟ୍‌ ଦାଖଲ କରିଥିଲା। ଅନ୍ୟ ସମସ୍ତଙ୍କୁ ମାମଲାରୁ ବାଦ ଦେଇଥିଲେ । ମାମଲାର ଶୁଣାଣି ବେଳେ ମହମ୍ମଦ ଶମି ଓ ତାଙ୍କା ଭାଇ ଅଦାଲତରେ ହାଜିର ହଉନଥିଲେ। ସେପଟେମ୍ବର ମାସ ୫ ତାରିଖରେ କୋର୍ଟ ଉଭୟ ଭାଇଙ୍କୁ ୧୫ ଦିନ ଭିତରେ କୋର୍ଟରେ ଆତ୍ମସମର୍ପଣ କରିବା ପାଇଁ ଆଦେଶ ଦେଇଥିଲେ।

ସେହି ସମୟରେ ଶମି ଟିମ୍‌ ସହ ୱେଷ୍ଟିଣ୍ଡିଜରେ ମ୍ୟାଚ ଖେଳୁଥିଲେ। ତେଣୁ ଅଦାଲତଙ୍କ ନିର୍ଦ୍ଦେଶ ଉପରେ ରହିତାଦେଶ ଲାଗି ଶମି ଉଚ୍ଚ ଅଦାଲତରେ ଆବେଦନ କରିଥିଲେ ।  ଗତକାଲି ଆବେଦନ ଉପରେ ଶୁଣାଣୀ କରି କୋର୍ଟ ରହିତାଦେଶ ଜାରୀ କରିଛନ୍ତି। ନଭେମ୍ବର ମାସ ୨ ତାରିଖ ଯାଏଁ ରହିତାଦେଶ ବଳବତ୍ତର ରହିବ ।

384 Views

   ସମ୍ବନ୍ଧିତ ଖବର