Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତୀୟ ବାୟୁସେନାର ବଢିବ ଶକ୍ତି, ଚାନ୍ଦୀପୁର ଘାଟିରୁ ‘ବ୍ରହ୍ମୋସ’ର ସଫଳ ପରୀକ୍ଷଣ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୬କୁ ବୃଦ୍ଧି
  • ||
  • ଭୁବନେଶ୍ବର : ୪ ଦିନିଆ ରିମାଣ୍ଡରେ ଯିବେ ୨ କଣ୍ଟ୍ରାକ୍ଟ କିଲର, ଏସଡିଜେଏମ୍ କୋର୍ଟ ଦେଲେ ଅନୁମତି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୧୯୫ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୫୫ କରୋନା ସଂକ୍ରମିତ, ୧୦୫୦୭୬୦ରେ ପହଞ୍ଚିଲା ସଂଖ୍ୟା
  • ||
  • ସୁନ୍ଦରଗଡ : ସ୍ୱାମୀ ସାଜିଲା ସୈତାନ୍, କୁରାଢି ଚୋଟରେ ନେଇଗଲା ସ୍ତ୍ରୀର ଜୀବନ
  • ||
  • ୬ ଦିନିଆ ରିମାଣ୍ଡରେ ଆସିବ ଠକ ପ୍ରଜ୍ଞା, ଅନୁମତି ଦେଲେ ଭୁବନେଶ୍ୱର ଏସ୍‌ଡିଜେଏମ୍‌ କୋର୍ଟ
  • ||
  • ଘୋଷଣା ହେଲା ଜ୍ଞାନପୀଠ ପୁରସ୍କାର : ୨୦୨୧ ପାଇଁ ନୀଳମଣି ଫୁକନ, ୨୦୨୨ ପାଇଁ କୌଙ୍କଣୀ ସାହିତ୍ୟିକ ଦାମୋଦେର ମୌଜଙ୍କୁ ସମ୍ମାନ
  • ||

ଦୁର୍ନୀତି ମାମଲାରେ ତିନି ପୂର୍ବତନ ମୁଖ୍ୟଙ୍କ ବିରୋଧରେ କ’ଣ କରିଛ ଆକ୍ସନ ? ସିବିଆଇକୁ ପ୍ରଶ୍ନ କଲେ କୋର୍ଟ

28/09/2020 at 2:45 PM

ନୂଆଦିଲ୍ଲୀ, ୨୮|୦୯  :  ସିବିଆଇକୁ ପ୍ରଶ୍ନ କଲେ ଦିଲ୍ଲୀର ଏକ କୋର୍ଟ । ୨୦୧୭ରେ ଲାଞ୍ଚ ମାମଲାରେ ସିବିଆଇର ପୂର୍ବତନ ନିର୍ଦ୍ଦେଶକ ରଂଜିତ ସିହ୍ନା, ଏପି ସିଂ ଓ ଆଲୋକ ବର୍ମାଙ୍କୁ କଣ ପାଇଁ ଜେରା କଲା ନାହିଁ ବୋଲି କୋର୍ଟ ପ୍ରଶ୍ନ କରିଛନ୍ତି ।

ସୂଚନାନୁସାରେ, ସିବିଆଇର ପୂର୍ବତନ ନିର୍ଦ୍ଦେଶକ ରଂଜିତ ସିହ୍ନା, ଏପି ସିଂ ଓ ଆଲୋକ ବର୍ମାଙ୍କ ବିରୋଧରେ ଲାଞ୍ଚ ମାମଲା ରୁଜୁ ହୋଇଥିଲା । ସେମାନେ ମାଂସ ବ୍ୟବସାୟୀ ମୋଇନ କ୍ୟୁରେସୀଙ୍କଠୁ ଲାଞ୍ଚ ନେଇଥିବା ଅଭିଯୋଗ ହୋଇଥିଲା । ଏହାସହ ଆହୁରି ଅଭିଯୋଗ ହୋଇଥିଲା ଯେ, କ୍ୟୁରେସୀ ଏପି ସିଂଙ୍କୁ ସାହାଯ୍ୟ କରିଥିଲେ, ଯିଏ କି ୨୦୧୨ରେ ସିବିଆଇ ନିର୍ଦ୍ଦେଶକ ଭାବେ ଅବସର ନେଇଥିଲେ ।

ସିବିଆଇର ସ୍ୱତନ୍ତ୍ର କୋର୍ଟର ଜଜ୍ ସଞ୍ଜୀବ ଅଗ୍ରଓ୍ୱାଲ ତଦନ୍ତକାରୀ ସଂସ୍ଥାକୁ  ଅନେକ ପ୍ରଶ୍ନ ପଚାରିଥିଲେ । କୋର୍ଟ କହିଥିଲେ ଯେ, ସିବିଆଇ ନିଜର ପୂର୍ବତନ ନିର୍ଦ୍ଦେଶକଙ୍କୁ ଅନୁକମ୍ପା ଦେଖାଇଛି । ସେମାନଙ୍କ ମାମଲାକୁ ଲୁଚାଉଛି । ତଦନ୍ତକୁ ଆଗକୁ ବଢାଇବା ପାଇଁ ଇଚ୍ଛୁକ ନଥିବା ଭଳି ଲାଗୁଛି । ଏପି ସିଂ ଓ ରଂଜିତ ସିହ୍ନାଙ୍କ ଭୂମିକା ସନ୍ଦେହଜନକ ରହିଛି । ସେମାନଙ୍କୁ ତଦନ୍ତ ପରିସରଭୁକ୍ତ କରାଯିବା ଆବଶ୍ୟକ । ସ୍ୱଚ୍ଛ ତଦନ୍ତର ଆବଶ୍ୟକତା ରହିଛି । କୋର୍ଟ ଆହୁରି କହିଥିଲେ ଯେ, ସିବିଆଇକୁ ତାର ପୂର୍ବ ଛବି ଫେରାଇ ଆଣିବାକୁ ହେବ । ଏକ ସମୟରେ ଦୁଇ ପୂର୍ବତନ ନିର୍ଦ୍ଦେଶକଙ୍କ ଜେରା କରି ସିବିଆଇ ସଚ୍ଚୋଟତା ପ୍ରମାଣ କରୁ । ଏହାସହ ପୂର୍ବତନ ନିର୍ଦ୍ଦେଶକଙ୍କ ଜେରା, ପଚରା ଉଚରା କଣ ପାଇଁ ହୋଇନାହିଁ ବୋଲି କୋର୍ଟ ପ୍ରଶ୍ନ କରିଥିଲେ । ତଦନ୍ତକୁ ବନ୍ଦ କରିବା ପାଇଁ ଆଲୋକ ବର୍ମାଙ୍କ ଭୂମିକାକୁ ଯାଞ୍ଚ୍ କରାଯାଇଛି ନା ନାହିଁ ବୋଲି ମଧ୍ୟ କୋର୍ଟ ପ୍ରଶ୍ନ କରିଛନ୍ତି ।

ଏହାର ଉତ୍ତର ଦେଇ ଗତ ୨୬ ତାରିଖରେ ସିବିଆଇ କୋର୍ଟରେ କହିଥିଲା ଯେ, ଏବେସୁଦ୍ଧା ୫୪୪ଟି ଦସ୍ତାବିଜକୁ ଏକାଠି କରାଯାଇଛି । ୬୩ଜଣ ସାକ୍ଷୀଙ୍କୁ ଯାଞ୍ଚ୍ କରାଯାଇଛି । ଏହାସହ ତଦନ୍ତକାରୀ ଅଫିସର ଦବିନ୍ଦର କୁମାର ମୋଇନ କ୍ୟୁରେସୀ, ପ୍ରଦୀପ କୋନେର, ଆଦିତ୍ୟ ଶର୍ମା ଓ ସତିଶ ବାବୁଙ୍କୁ ଗିରଫ କରିବାକୁ ପ୍ରସ୍ତାବ ଦିଆଯାଇଛି । ପୂର୍ବତନ ଯୁଗ୍ମ ନିର୍ଦ୍ଦେଶକ ରାକେଶ ଆସ୍ଥାନାଙ୍କ ବିରୋଧରେ ମାମଲା ରୁଜୁ ହୋଇଥିଲା । କିନ୍ତୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ପାରିବ ନାହିଁ । ଏବେବି ଅନେକ ସାକ୍ଷୀଙ୍କ ବୟାନ ରେକର୍ଡ ବାକି ଅଛି । ଏହି ମାମଲାର ଶୁଣାଣି ଏବେ ଅକ୍ଟୋବର ୨୭ରେ ହେବ ।

   Related Posts