Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନକଲି ଘିଅ କାରଖାନାରେ ରେଡ୍‌, ମାଲିକ ଫେରାର
  • ||
  • ବିଧାନସଭା ଆଗରେ ମାଆ ଓ ପୁଅଙ୍କ ଆତ୍ମାହୁତି ଉଦ୍ୟମ ଘଟଣା: ସ୍ପଷ୍ଟୀକରଣ ରଖିଲା ଜଗତସିଂହପୁର ପୋଲିସ
  • ||
  • ଲିଭର ପ୍ରତ୍ୟାରୋପଣ ପାଇଁ ସମ୍‌ ହସ୍ପିଟାଲ ଓ ଏସିଆନ ଇନ୍‌ଷ୍ଟିଚ୍ୟୁଟ୍‌ ଅଫ ଗ୍ୟାଷ୍ଟ୍ରୋଏନଟେରୋଲୋଜି (ଏଆଇଜି ) ମଧ୍ୟରେ ବୁଝାମଣା ସ୍ଵାକ୍ଷରିତ
  • ||
  • ଆନ୍ଦୋଳନରତ କୃଷକଙ୍କୁ ଗୃହ ମନ୍ତ୍ରୀ ଶାହାଙ୍କ ସନ୍ଦେଶ, ସରକାର ଆପଣଙ୍କ ଦାବି ଓ ସମସ୍ୟା ଉପରେ ଆଲୋଚନା କରିବାକୁ ପ୍ରସ୍ତୁତ
  • ||
  • ଡିସେମ୍ବର ମାସ ପାଇଁ ଗାଇଡ୍‌ ଲାଇନ୍ ଜାରି କଲେ ରାଜ୍ୟ ସରକାର
  • ||
  • ଭାଇ ହେଲା ଭଗାରୀ: ଜମିବାଡି ଲୋଭରେ ନିଜ ରକ୍ତ ସଂପର୍କର ଭାଇ-ପୁତୁରାକୁ ଦେଲା ହାଣି
  • ||
  • ଅଭୟକାନ୍ତଙ୍କ ଲିଙ୍କ୍‌ର ଖୋଳତାଡ଼: ସମସ୍ତଙ୍କୁ ଯିବ ନୋଟିସ୍, କିଏ ବଫାଦାର- କିଏ ଗଡ଼ ଫାଦର?
  • ||
  • ପରୀ ହତ୍ୟା ମାମଲା: ଅରୁଣ ବୋଥ୍ରାଙ୍କ ନେତୃତ୍ବରେ ୫ ଜଣିଆ ଏସ୍‌ଆଇଟି ଟିମ୍‌ ଗଠିତ, ହାଇକୋର୍ଟଙ୍କୁ ଅବଗତ କଲେ ସରକାର
  • ||
  • ସୋର : ବେଙ୍ଗାଲୁରୁରୁ ଲୁଟ୍ ହୋଇଥିବା ୪ଲକ୍ଷ ଟଙ୍କା ମିଳିଲା ଚାଉଳ ଡବାରୁ
  • ||
  • ତେଲକୋଇ : ମଞ୍ଚାରେ ଶୋଇଥିବା ବେଳେ ଲାଗିଗଲା ନିଆଁ, ପୋଡି ହୋଇ ମହିଳା ଗୁରୁତର
  • ||

ଉତ୍ତର କୋରିଆରୁ ଦକ୍ଷିଣ କୋରିଆକୁ ପଳାଇ ଯିବାବେଳେ ଧରାପଡିଗଲେ ଦମ୍ପତ୍ତି, କିମ୍ ଜୋଙ୍ଗ ଉନ୍‌ ଦେଲେ ମୃତ୍ୟୁଦଣ୍ଡ

27/05/2020 at 1:36 PM

ପ୍ୟୋଙ୍ଗୟାଙ୍ଗ ୨୭।୫: ଉତ୍ତର କୋରିଆର ଏକଛତ୍ରବାଦୀ ଶାସକ କିମ୍ ଜୋଙ୍ଗ ଉନ୍ ତାଙ୍କ ଦେଶର ନାଗରିକଙ୍କ କୌଣସି ଅପରାଧ ପାଇଁ ମୃତ୍ୟୁଦଣ୍ଡ ଘୋଷଣା କରି ରଖିଛନ୍ତି । ଅପରାଧ ଯାହା ବି ହେଉ ନା କାହିଁକି । ବର୍ତ୍ତମାନ ଉତ୍ତର କୋରିଆରେ ଏହିପରି ଏକ ଘଟଣା ସାମ୍ନାକୁ ଆସିଛି ।

ଏଠାରେ ଏକ ଦମ୍ପତ୍ତି ପୁତୁରାଙ୍କ ଅନ୍ୟ ଏକ ସ୍ଥାନକୁ ଯିବା ପାଇଁ ସୀମା ପାର କରିବାକୁ ଚେଷ୍ଟା କରୁଥିଲେ । ଏହି ସମୟ ମଧ୍ୟରେ ସୀମାରେ ଉପସ୍ଥିତ ସେନାମାନେ ସେମାନଙ୍କୁ ଧରିଥିଲେ ଏବଂ ପରେ ସେମାନଙ୍କୁ ସିଧାସଳଖ ଗୁଳି କରାଯାଇଥିଲା । ଏହି ଦମ୍ପତିଙ୍କ ସହ ଥିବା ନାବାଳକ ପୁରୁତାଙ୍କୁ ମୁକ୍ତ କରାଯାଇଥିଲା ।

କୁହାଯାଉଛି ଯେ ଦେଶର ରୟାଙ୍ଗଗେଙ୍ଗ ପ୍ରଦେଶରେ ଚୀନ୍‌ର ସୀମା ପାର ହୋଇ ପଳାଇବାକୁ ଚେଷ୍ଟା କରୁଥିବାବେଳେ ସ୍ବାମୀ-ସ୍ତ୍ରୀ ଧରାପଡିଥିଲେ । ତାଙ୍କ ସହ ତାଙ୍କ ପୁତୁରା ଥିଲେ । ଯିଏ ନାବାଳକ ହୋଇଥିବାରୁ ମୃତ୍ୟୁଦଣ୍ଡରୁ ରକ୍ଷା ପାଇଥିଲେ । ସେ ଗୁପ୍ତ ଭାବରେ ଚୀନ୍ ଦେଇ ଯାଇ ତାପରେ ଦକ୍ଷିଣ କୋରିଆରେ ଥିବା ପରିବାର ସଦସ୍ୟଙ୍କ ଭେଟିବାକୁ ଚାହୁଁଥିଲେ।

ଦି ଏକ୍ସପ୍ରେସ ଡଟ୍ ୟୁକେର ରିପୋର୍ଟ ଅନୁଯାୟୀ, ରିୟାଙ୍ଗଗେଙ୍ଗ ପ୍ରଦେଶର ଏକ ସୂତ୍ର ଏନକ୍ରିପ୍ଟ ଚ୍ୟାନେଲ ମାଧ୍ୟମରେ ରେଡିଓ ଫ୍ରି ଏସିଆ କୋରିଆ ସେବାକୁ ଖବର ଦେବାରେ ସଫଳ ହୋଇଥିଲା । ସୂତ୍ରରୁ ପ୍ରକାଶ ଯେ ପ୍ରାୟ ୫୦ ବର୍ଷ ବୟସର ଦମ୍ପତ୍ତି ଏବଂ ତାଙ୍କ ସହ ୧୪ ବର୍ଷର ପୁରୁତା ଥିଲେ । ପୁଅଟି ହେଉଛି ପତ୍ନୀଙ୍କ ସାନ ଭାଇର ପୁଅ । ଏହି ତିନିଜଣ ଏକାଠି ଖସିଯିବାକୁ ଚେଷ୍ଟା କରୁଥିବା ବେଳେ ସୀମାରେ ଥିବା ସେନା ବାହିନୀ ସେମାନଙ୍କୁ ଧରିଥିଲେ ।

ଏଜେନ୍ସୀ ତରଫରୁ ଜଣାପଡିଛି ଯେ, ଦମ୍ପତ୍ତିଙ୍କୁ ପ୍ରାଦେଶିକ ସୁରକ୍ଷା ବିଭାଗ ଗିରଫ କରିଛି । ଦକ୍ଷିଣ କୋରିଆରେ ଥିବା ତାଙ୍କ ଭାଇଙ୍କ ସହ ସଂପର୍କ କରିବା ପରେ ସେମାନେ ପୁତୁରାଙ୍କ ସହ ଫେରାର ହେବାକୁ ଚେଷ୍ଟା କରିଥିବା ସ୍ବୀକାର କରିଛନ୍ତି ।  

ଯେତେବେଳେ ଦମ୍ପତ୍ତିଙ୍କୁ ପଚରାଗଲା ସେମାନେ କାହିଁକି ପଳାଇବାକୁ ଚେଷ୍ଟା କଲେ, ସେମାନେ କହିଥିଲେ ଯେ ସେମାନେ ନିଜ ପୁତୁରାକୁ ଦକ୍ଷିଣ କୋରିଆରେ ତାଙ୍କ ବାପାଙ୍କ ନିକଟରେ ପହଞ୍ଚାଇବାକୁ ଚାହୁଁଥିଲେ । ଏବେ ସେମାନଙ୍କର ମୃତ୍ୟୁ ହୋଇଛି । ଏହି ୩ ଜଣଙ୍କୁ ଉତ୍ତର କୋରିଆରେ ବନ୍ଦୀ କରାଯାଇଥିଲା । ତାଙ୍କ ବାପାଙ୍କୁ ଦକ୍ଷିଣ କୋରିଆରେ ଏପର୍ଯ୍ୟନ୍ତ ଯୋଗାଯୋଗ କରାଯାଇ ନାହିଁ । ଉତ୍ତର କୋରିଆର ସୈନିକମାନେ ସ୍ବାମୀ-ସ୍ତ୍ରୀଙ୍କୁ ଗୁଳି କରି ହତ୍ୟା କରିଥିଲେ ।

ସୂତ୍ରରୁ ପ୍ରକାଶ ଯେ, ସୀମା ପାର ହୋଇ ଦକ୍ଷିଣ କୋରିଆ ଯିବାକୁ ଚେଷ୍ଟା କରିଥିବାରୁ ତାଙ୍କ ବିରୋଧରେ ଦେଶଦ୍ରୋହ ଅଭିଯୋଗ ଲଗାଯାଇଥିଲା । ପରେ ସେମାନଙ୍କୁ ଗୁଳି ମରାଯାଇଥିଲା । ବାସ୍ତବରେ, କରୋନା ଭାଇରସ୍ ମହାମାରୀ ହେତୁ ଚୀନ୍ ଏବଂ ଉତ୍ତର କୋରିଆ ମଧ୍ୟରେ ସୀମା ଅଞ୍ଚଳରେ ଆଜିକାଲି ଅଧିକ ସତର୍କ ଦୃଷ୍ଟି ରଖାଯାଇଛି । ଏହି କାରଣରୁ ଦୁଇ ଦେଶ ମଧ୍ୟରେ ସହଜରେ ଯାତାୟତ ହୋଇପାରୁନାହିଁ ।

ଏହି ସମୟରେ, ଏହି ଦମ୍ପତ୍ତି ସୀମା ପାର ହେବା ବିଷୟରେ ଚିନ୍ତା କରିବା ଉଚିତ୍ ନଥିଲା । କାରଣ ଏଠାକୁ ଆସୁଥିବା ସମସ୍ତ ଲୋକଙ୍କୁ କ୍ବାରେଣ୍ଟାଇନ୍ କରି ଦିଆଯାଉଛି । ସୁରକ୍ଷା ଅତ୍ୟନ୍ତ କଠୋର, ଏପରି ଭାବରେ ଯଦି କେହି ଏହିପରି ଧରାପଡନ୍ତି, ତେବେ ସେମାନଙ୍କୁ କିପରି ବ୍ୟବହାର କରାଯିବ ସେ ବିଷୟରେ ଚିନ୍ତା କରାଯାଇପାରେ ।

ଅନ୍ୟପକ୍ଷରେ ଏକଛତ୍ରବାଦୀ ଶାସକ କିମ୍ ଜୋଙ୍ଗ ଉନ୍ ନିର୍ଦ୍ଦେଶ ଦେଇଛନ୍ତି ଯେ, ଯେଉଁମାନେ ଜରୁରୀକାଳୀନ ସମୟରେ ଦେଶ ଛାଡି ପଳାଇବାକୁ ଚେଷ୍ଟା କରୁଛନ୍ତି ସେମାନଙ୍କୁ କଠୋର ଦଣ୍ଡ ଦିଆଯିବା ଉଚିତ୍ । ଏକଛତ୍ରବାଦୀ ଶାସକଙ୍କ ଏହି ଆଦେଶକୁ ଫାୟାରିଂ ସ୍କ୍ବାର୍ଡ ତୁରନ୍ତ ପାଳନ କରିଥାନ୍ତି ଏବଂ ସେମାନେ ଏପରି କୌଣସି ବ୍ୟକ୍ତିଙ୍କୁ ଛାଡନ୍ତି ନାହିଁ । କାରଣ ଯଦି ସେମାନେ ସେଠାରେ ନରମତା ଦେଖାନ୍ତି, ତେବେ ଅନ୍ୟ ସାଥୀମାନେ ମଧ୍ୟ ତାଙ୍କୁ ଗୁଳି ଚଳାଇବାକୁ ପଛକୁ ହଟିବେନାହିଁ । ଏହି ଦମ୍ପତ୍ତିଙ୍କ ସୀମା ପାର ହୋଇ ସୀମାରେ ଧରାପଡିବାର କାହାଣୀ ବର୍ତ୍ତମାନ ରେୟାଙ୍ଗଗେଙ୍ଗ ପ୍ରଦେଶର ଲୋକଙ୍କ ମଧ୍ୟରେ ବ୍ୟାପିବାରେ ଲାଗିଛି ।

   Related Posts