Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ପର ଘରେ ବିତୁଛି ଜୀବନ, ସରକାରୀ ଯୋଜନା ପାଲଟିଛି ସାତସପନ

4/03/2021 at 12:58 PM

ନୀଳଗିରି ୪।୩: ସରକାରୀ ଯୋଜନା ପାଲଟିଛି ସାତ ସପନ । ଘରକୁ ଦେଖିଲେ କେହି ବିଶ୍ବାସ କରିବେ ନାହିଁ ମଣିଷ ଏଠି ମଣିଷ ରହି ପାରିବ । ତଥାପି ମୁଁଣ୍ଡ ଗୁଞ୍ଜିବାକୁ ବାଧ୍ୟ ହେଉଛନ୍ତି ଏହି ଦମ୍ପତ୍ତି । ଆଉ ବର୍ଷା ହେଲେ ବାଧ୍ୟ ହୋଇ ପର ଘରେ ମୁଣ୍ଡ ଗୁଞ୍ଜିବାକୁ ପଡୁଛି । ଏଭଳି ଦୃଶ୍ୟ ବାଲେଶ୍ଵର ଜିଲ୍ଲା ନୀଳଗିରି ବ୍ଲକ ଅନ୍ତର୍ଗତ ଅଯୋଧ୍ୟା ଗ୍ରାମରେ ଦେଖିବାକୁ ମିଳିଛି ।

ଗାଁର ୧୦ ନମ୍ବର ୱାର୍ଡର ଚିତ୍ତରଞ୍ଜନ ବେହେରା ଓ ତାଙ୍କ ସ୍ତ୍ରୀ ସନ୍ଧ୍ୟାରାଣୀ ଉଭୟ ଦମ୍ପତ୍ତି ଏକ ଟାଇଲ ଛପର ଘରେ ରହୁଥିଲେ । ତାଙ୍କର ୮ ବର୍ଷର ଝିଅଟି ଅଛି । ଚିତ୍ତରଞ୍ଜନ ଦିନ ମଜୁରିଆ ଭାବେ କାର୍ଯ୍ୟ କରନ୍ତି । ଯାହା କିଛି ରୋଜଗାର କରନ୍ତି ପେଟ ପୁରାଇବା କଷ୍ଟ ହୋଇପଡେ । ଆର୍ଥିକ ଅନଟନରେ ସବୁବେଳେ ରହୁଥିବା ପରିବାରର ରକ୍ଷଣାବେକ୍ଷଣ ଅଭାବରୁ ଟାଇଲ ଛପରଟି ଅଧା ଭୁଶୁଡି ପଡିଥିବା ଦେଖାଯାଇଛି । ଟିକିଏ ବର୍ଷା ହେଲେ ଘର ଭିତରେ ଆଣ୍ଠୁଏ ପାଣି ଲହଡି ମାରିଥାଏ । ଶୀତ କାକରରେ କୁନି ଝିଅ ସହିତ ସମୟ କଟିଥାଏ । ଆଉ ବର୍ଷା ଦିନରେ ଘର ଭିତରେ ରହିବା ସୁରକ୍ଷିତ ନମଣି ପର ପିଣ୍ଢାରେ ଦିନ କଟିଥାଏ ।

ସରକାରୀ ଯୋଜନାରେ ପ୍ରଧାନମନ୍ତ୍ରୀ ଆବାସ ଯୋଜନାରେ ଘରଟିଏ ପାଇବାକୁ ବାରମ୍ବାର ଆବେଦନ ପରେ ତାଙ୍କୁ ନିରାଶ ହେବାକୁ ପଡିଥିବା କୁହାଯାଇଛି । ସ୍ବାମୀ ଅସୁସ୍ଥ ହେବା ସତ୍ତ୍ବେ ଶ୍ରମିକ ଭାବେ କାର୍ଯ୍ୟରତ ଥିବାବେଳେ ଘରଟିଏ କରିବାକୁ ତାଙ୍କର ସକ୍ଷମ ନଥିବାରୁ ସରକାରୀ ଯୋଜନାରେ ଘରଟିଏ ଯୋଗାଇ ଦେବାକୁ ସାଧାରଣରେ ସେ ଆକୁଳ ନିବେଦନ କରିଛନ୍ତି ।

   Related Posts