Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ନବ ଦମ୍ପତ୍ତିଙ୍କ ସନ୍ଦେହଜନକ ମୃତ୍ୟୁ, ଘର ଭିତରୁ ମିଳିଲା ମୃତଦେହ

29/05/2020 at 2:34 PM

ଭୁବନେଶ୍ବର ୨୯।୫: ଭୁବନେଶ୍ବରରେ ଅଭାବନୀୟ ଘଟଣା । ଘର ଭିତରୁ ନବ ଦମ୍ପତ୍ତିଙ୍କ ମୃତଦେହ ଉଦ୍ଧାର ହୋଇଛି । ଲିଙ୍ଗରାଜ ଥାନା କେଉଟସାହିରୁ ମୃତଦେହ ଉଦ୍ଧାର କରିଛି ପୋଲିସ । ଘଟଣାର ଅଧିକ ତଦନ୍ତ ଜାରି ରଖିଛି ଲିଙ୍ଗରାଜ ଥାନା ପୋଲିସ ।

ସୂଚନାଯୋଗ୍ୟ ଯେ, ଭୁବନେଶ୍ବର ଲିଙ୍ଗରାଜ ଥାନା କେଉଟ ସାହିରେ ନବ ଦମ୍ପତ୍ତିଙ୍କ ସନ୍ଦେହଜନକ ଭାବେ ମୃତ୍ୟୁ ହୋଇଛି । ଉଭୟଙ୍କ ମୃତଦେହ ଘର ଭିତରୁ ଉଦ୍ଧାର ହୋଇଛି । ମୃତ ସ୍ବାମୀଙ୍କ ନାଁ ରାକେଶ ରାଉତ ଏବଂ ସ୍ତ୍ରୀଙ୍କ ନାଁ ମୀନାକ୍ଷୀ ରାଉତ ବୋଲି ଜଣାପଡିଛି । ରାକେଶଙ୍କ ମୃତଦେହ ବେକରେ ଶାଢୀ ଗୁଡାଇ ହୋଇଥିବା ଅବସ୍ଥାରେ ଉଦ୍ଧାର ହୋଇଛି ।ମିନାକ୍ଷୀଙ୍କ ମୃତଦେହ ଖଟ ତଳୁ ଉଦ୍ଧାର ହୋଇଛି ।

ଉଭୟ ସ୍ବାମୀ-ସ୍ତ୍ରୀ ମାଉସୀ ଘରେ ରହୁଥିଲେ । ୩ ମାସ ତଳେ ଉବୟଙ୍କ ବିବାହ ହୋଇଥିଲା । ତେବେ ମୃତ୍ୟୁର କାରଣ ଅସ୍ପଷ୍ଟ ରହିଥିବା ବେଳେ ପାରିବାରିକ କଳହ ପାଇଁ ଉଭୟ ଆତ୍ମହତ୍ୟା କରିଥାଇ ପାରନ୍ତି ବୋଲି ସନ୍ଦେହ କରାଯାଉଛି । ଖବର ପାଇ ଲିଙ୍ଗରାଜ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଉଭୟଙ୍କ ମୃତଦେହ ଜବତ କରିଛି । ଶବ ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ଅଧିକ ତଦନ୍ତ ଜାରି ରଖିଛି ।

   Related Posts