Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ସନ୍ଧ୍ୟାରେ ଦିଲ୍ଲୀ ପହଞ୍ଚିବ ସିଡିଏସ୍ ବିପିନ ରାୱତଙ୍କ ମରଶରୀର, ମୋଦୀଙ୍କ ସହ ପ୍ରତିରକ୍ଷା ମନ୍ତ୍ରୀ ଦେବେ ଶ୍ରଦ୍ଧାଞ୍ଜଳୀ
  • ||
  • ଭଞ୍ଜନଗର : ମାଇକ୍ରୋ କଣ୍ଟେନମେଣ୍ଟ ଜୋନ୍ ହେଲା ଲାଲସିଙ୍ଗି ପଞ୍ଚାୟତର କିଛି ଅଞ୍ଚଳ, କୋଭିଡ୍ ପଜିଟିଭ୍ ଚିହ୍ନଟ ପରେ ପଦକ୍ଷେପ
  • ||
  • ଭୁବନେଶ୍ବର : ବିଧାନସଭା ପରେ ସମସ୍ତଙ୍କର ହେବ RTPCR ଟେଷ୍ଟ : ବାଚସ୍ପତି
  • ||
  • ଭୁବନେଶ୍ବର : ମହାନଦୀରେ କମିଛି ଜଳ ପ୍ରବାହ, ୫୧୬ ଚେକ୍ ଡ୍ୟାମ୍ କରିଛି ଛତିଶଗଡ : ଜଳସମ୍ପଦ ମନ୍ତ୍ରୀ
  • ||
  • ଭୁବନେଶ୍ବର : ମମିତାକୁ ନ୍ୟାୟ ଦେବାକୁ ବିଜେପିର ଦାବି : ବ୍ୟାରିକେଟ୍ ଭାଙ୍ଗି ବିଧାନସଭା ଘେରାଉ ଉଦ୍ୟମ ବେଳେ ଧସ୍ତାଧସ୍ତି, ପୋଲିସର ଲାଠିଚାର୍ଜ
  • ||
  • ଜୟପୁର : ଜୟପୁର ଏସଡିଜେଏମ୍ କୋର୍ଟରେ NIAର ୨ ଜଣିଆ ଟିମ୍, ମାଓ ନେତା ଦୁବାସୀ ଶଙ୍କରକୁ ପଚରାଉଚରା ପାଇଁ ଲୋଡିଲେ ଅନୁମତି
  • ||
  • ଭୁବନେଶ୍ବର : ବିଜେଡି ଓ ବିଜେପି ବିକ୍ଷୋଭ ପ୍ରସଙ୍ଗ : କଂଗ୍ରେସ ବିଧାୟକ ମହମ୍ମଦ ମୋକିମ କହିଲେ- ଗୋଟିଏ ମୁଦ୍ରାର ଦୁଇ ପାର୍ଶ୍ବ
  • ||
  • ଟାଙ୍ଗୀ : କେନ୍ଦୁଆ ଜଙ୍ଗଲରୁ ମିଳିଲା ଅଜଣା ଯୁବକଙ୍କ ମୃତଦେହ, ମୃତ୍ୟୁର କାରଣ ଅସ୍ପଷ୍ଟ
  • ||
  • ବଡବିଲ : ଶନି ମନ୍ଦିରରୁ ଲୁଟ୍, ଦାନ ବାକ୍ସ ଉଠାଇନେଲେ ଦୁର୍ବୃତ୍ତ
  • ||
  • ନିଶ୍ଚିନ୍ତକୋଇଲି : ଛେଳି ଚୋରକୁ ଛେଚିଲେ ଗାଁ ଲୋକେ, ପୋଲିସର ଜିମାଦେଲେ
  • ||

ସନ୍ତାନ ସ୍ନେହଠୁ ଦାୟିତ୍ୱ ବଡ଼ : କୁନି ଝିଅକୁ ଘରେ ଛାଡି ଲକ୍‌ଡାଉନ୍‌ ବେଳେ ଜରୁରୀ ସେବାରେ ମା’-ବାପା

30/04/2020 at 12:32 PM

ନୂଆପଡା ୩୦।୦୪: କରୋନା ପାଇଁ ସାରାଦେଶରେ ଲକ୍‌ଡାଉନ୍ ଜାରି ରହିଛି । ଏହି ଲକ୍‌ଡାଉନ୍‌ ସମୟରେ ସମସ୍ତଙ୍କ ଆବଶ୍ୟକ ନଥିଲେ ଘରୁ ନବାହାରିବାକୁ ପରାମର୍ଶ ଦେଇଛନ୍ତି ସରକାର । ତେବେ ଏହି କରୋନା ଯୁଦ୍ଧରେ ଜଣେ ଜଣେ ସାରଥୀ ସାଜିଛନ୍ତି ପୋଲିସ ବାହିନୀ । କିଏ କେଉଁଠି ନିଜର ଘର ବା ପାରିବାରିକ କାମ ଛାଡି କର୍ତ୍ତବ୍ୟ କରୁଛି ତେ, ଆଉ କେଉଁଠି କିଏ ନିଜ ବହୁ ଅସୁବିଧା ଥାଇ ମଧ୍ୟ ଲୋକମାନଙ୍କ ସେବାରେ ଲାଗିପଡିଛନ୍ତି । ଏବଂ ସମାଜର ଜାଗ୍ରତ ପ୍ରହରୀ ପରି ଜଗିରହିଛନ୍ତି ।

ଯେଉଁଦିନ ଠାରୁ କରୋନା ଭୟ ଦେଖା ଦେଇଛି ସେହିଦିନ ଠାରୁ ପୋଲିସ କର୍ମଚାରୀ ମାନଙ୍କ ପାଇଁ ସୁରକ୍ଷାକୁ ନେଇ ଦାୟିତ୍ୱ ବଢି ଯାଇଛି । କିଏ ସୀମାନ୍ତବର୍ତ୍ତି ଅଞ୍ଚଳରେ ଦିନରାତି ଖଟୁଛି ତ ଆଉ କିଏ ସାଧାରଣ ଜନତାଙ୍କ ସୁରକ୍ଷା ପାଇଁ ନିଜ ବ୍ୟକ୍ତିଗତ ସମସ୍ୟାକୁ ଜଳାଞ୍ଜଳି ଦେଉଛି । ଅନେକଙ୍କ ଭିତରେ ଆଜିର ଖବର କିନ୍ତୁ ସମ୍ପୂର୍ଣ୍ଣ ଅଲଗା । ଏକ ସାତ ବର୍ଷର କୁନି ଝିଅକୁ ଘରେ ତାଲା ବନ୍ଦ କରି  ଡ୍ୟୁଟିରେ ଚାଲି ଯାଉଛନ୍ତି କନଷ୍ଟେବଳ ଦମ୍ପତ୍ତି । ସ୍କୁଲ ଚାଲିଥିବା ବେଳେ ସ୍କୁଲ ପଠାଇ ଆରାମରେ ନିଜର କର୍ତ୍ତବ୍ୟ କରି ପାରୁଥିଲେ ହେଲେ ଲକ୍ ଡାଉନ ପରେ ସ୍କୁଲ ବନ୍ଦ ହୋଇଗଲା । ଏହାସହ ବାପା, ମା ହେଉ କି ଶାଶୁ,ଶ୍ୱଶୁର କେହି ନା କେହି ଆସି କିଛିଦିନ ରହି ନାତୁଣିର ଦେଖାରେଖା ମଧ୍ୟ କରୁଥିଲେ । କିନ୍ତୁ ଏବେ ଲକ୍ ଡାଉନ ପାଇଁ କେହି ଆସି ପାରୁ ନାହାନ୍ତି ।

ସ୍ୱାମି ଶେଷଦେବ ବିଶି ରିଜର୍ଭ ପୋଲିସରେ କାମ କରୁଥିବା ବେଳେ ସକାଳ ଆଠଟାରୁ ଅଫିସକୁ ଚାଲି ଯାଉଛନ୍ତି । ମାଆ ରଶ୍ମିତା ନାଏକ ସକାଳୁ ଉଠି ରନ୍ଧାବଢା କରି ସମସ୍ତଙ୍କୁ ଦେବା ସହ ଝିଅକୁ ଖୁଆଇ କ୍ଷୀର ସହ ଆବଶ୍ୟକୀୟ ସାମଗ୍ରୀ ଦେଇ ଥାନାକୁ ଡ୍ୟୁଟିରେ ଚାଲିଯାଆନ୍ତି । ଡ୍ୟୁଟି ଭିତରେ ଝିଅକୁ ଭୟ ଲାଗିଲେ ତା ପଟୁ ଫୋନ୍‌ କରେ ନଚେତ ଡ୍ୟୁଟିରୁ ସମୟ ବାହାର କରି ଦୁଇ ଦମ୍ପତ୍ତି ଝିଅ ଆୟୁଶିକୁ ଭିଡିଓ କଲ୍ ମାଧ୍ୟମରେ ସାହାସ ଦିଅନ୍ତି । ଆଉ କିଛି ସମୟ ପରେ ଆସିଯିବୁ ବୋଲି ବୁଝେଇ ଦିଅନ୍ତି । ପ୍ରଥମେ ପ୍ରଥମେ କାନ୍ଦୁଥିଲା ହେଲେ ଏବେ ସ୍ମାର୍ଟ ଫୋନ ତା ପାଇଁ ଏକ ପ୍ରକାର ସାହାରା ପାଲଟିଛି । ମୋବାଇଲରେ କିଛି ସମୟ କାଟି ଦେଉଛି ହେଲେ ମନେ ପଡିଲେ ପୂଣି କାନ୍ଦିବା ଆରମ୍ଭ କରି ଦେଉଛି । ତା ବାହାରେ ବିଦ୍ୟାଳୟ ବନ୍ଦ ହେତୁ ହୋମୱାର୍କ ଦେଇ ଦୁଇ ଦମ୍ପତ୍ତି ତାର ମାଇଣ୍ଡ ଡାଇଭର୍ଟ କରିବା ପାଇଁ ଚେଷ୍ଟା କରନ୍ତି ।

 ଏଭଳି ପରିସ୍ଥିତିରେ ମଧ୍ୟ ଦୁଇ ଦମ୍ପତ୍ତି ନିଜ କର୍ତ୍ତବ୍ୟ ପ୍ରତି କେବେ ଅବହେଳା କରି ନାହାନ୍ତି । ରାତି ହେଉ କି ଦିନ ଯେତେବେଳେ ଥାନାରୁ ଫୋନ ଆସିଲେ ରଶ୍ମିତା ହାଜିର ହୋଇ ଯାଆନ୍ତି । ରାତିରେ ଚଢାଉ ସହ ଯେଉଁଭଳି କାମ କହିବା ମାତ୍ରେ ନାଁ କହିବାର ପ୍ରଶ୍ନ ଉଠେନି ନିଷ୍ଠାପର ଦାୟିତ୍ୱ ଏବଂ କର୍ତ୍ତବ୍ୟ ପାଇଁ ନୂଆପଡା ଏସ୍‌ପି ବିନିତ ଆଗ୍ରୱାଲ ଟ୍ବିଟ କରି ପ୍ରଶଂସା ଜଣାଇଛନ୍ତି । ଯାହାପାଇଁ ନିସ୍ବାର୍ଥପର ସେବା ମନୋଭାବ ଏବଂ କାର୍ଯ୍ୟଦକ୍ଷତା ପାଇଁ ବିଭିନ୍ନ ସଂଗଠନ ପକ୍ଷରୁ ପୂରସ୍କୃତ ମଧ୍ୟ ହୋଇଛନ୍ତି ।

   Related Posts