ମୁମ୍ୱାଇ୯/୪: ଆମେରିକାରେ ଭାରତୀୟ ଦମ୍ପତ୍ତିଙ୍କୁ ହତ୍ୟା ଅଭିଯୋଗ । ଆପାର୍ଟମେଣ୍ଟରୁ ଉଦ୍ଧାର ହୋଇଛି ମୃତଦେହ । ଗତ ବୁଧବାର ଘଟିଛି ଏହି ଘଟଣା । ବାଲକୋନିରେ କୁନି ଝିଅ କାନ୍ଦୁଥିବା ଦେଖି ପଡୋଶୀମାନେ ଘଟଣା ବିଷୟରେ ପୋଲିସ ଓ ପରିବାର ଲୋକଙ୍କୁ ଜଣାଇଥିଲେ ।
ଆମେରିକା ଗଣମାଧ୍ୟମରୁ ପ୍ରକାଶ ଯେ, ଗତ ବୁଧବାର ଦକ୍ଷିଣ ଆର୍ଲିଙ୍ଗଟନ ଆପାର୍ଟମେଣ୍ଟରେ ବାଲାଜୀ ଭାରତ ରୁଦ୍ୱଓ୍ୱାର ଓ ଆରତୀ ବାଲାଜୀ ରୁଦ୍ରଓ୍ୱାର ନାମକ ଦମ୍ପତ୍ତି ଘର ଭଡା ନେଇ ରହୁଥିଲେ । ଏଠାରେ ପାଖାପାଖି ୧୫୦୦ ଲୋକ ରହୁଥିଲେ । ତାଙ୍କର ଗୋଟିଏ ୪ ବର୍ଷର ଝିଅ ଅଛି । ତେବେ ହଠାତ୍ ବୁଧବାର ବାଲକୋନିରେ ୪ ବର୍ଷର ଝିଅ କାନ୍ଦୁଥିବା ପଡୋଶୀ ଦେଖିବାକୁ ପାଇଥିଲେ । ଘର ଖୋଲି ଦେଖିବାରୁ ବାଲାଜୀ ଦମ୍ପତ୍ତିଙ୍କ ମୃତଦେହ ପଡିଥିଲା । ପରେ ସେମାନେ ପୋଲିସ ଓ ପରିବାରକୁ ଖବର ଦେଇଥିଲେ । ପୋଲିସ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇବା ସହ ତଦନ୍ତ କରୁଛି ।
ତେବେ ପ୍ରାଥମିକ ତଦନ୍ତରୁ ଦମ୍ପତ୍ତିଙ୍କୁ କେହି ହତ୍ୟା କରିଥିବା ପୋଲିସ ଅନୁମାନ କରୁଛି । ମୃତ ଭାରତ ବାଲାଜୀଙ୍କ ବାପାଙ୍କ କହିବା କଥା ମୋ ପୁଅ ବୋହୁଙ୍କ ମଧ୍ୟରେ ବହୁତ ଭଲ ବୁଝାମଣା ଥିଲା । ଆମେ ଆଉ କିଛିଦିନ ପରେ ଆମେ ପୁଅ ବୋହୁଙ୍କ ପାଖରେ ଯାଇ ଆମେରିକାରେ ରହିବାର ଥିଲା । ଏପରିକି ମୋ ବୋହୁ ୭ ମାସର ଅନ୍ତସତ୍ତ୍ୱା ବି ଥିଲା । ହେଲେ କଣ ପାଇଁ ଏମିତି ହେଲା, ଏମାନଙ୍କୁ କେହି ହତ୍ୟା କରିଥାଇପାରେ ବୋଲି ସେ ଅଭିଯୋଗ କରିଛନ୍ତି । ବର୍ତ୍ତମାନ ଆମ ନାତୁଣୀ ପୁଅର ସାଙ୍ଗ ଘରେ ରହୁଛି । ଆହୁରି ୮ରୁ ୧୦ ଦିନ ଲାଗିପାରେ ପୁଅର ମୃତଦେହ ଭାରତ ଆସିବାକୁ । ତୋବେ ପୋଲିସ ତଦନ୍ତ ପରେ ସବୁକିଛି ସ୍ପଷ୍ଟ ହେବ ।
