Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଆତ୍ମହତ୍ୟା ପାଇଁ ଦୁହେଁ ନିଷ୍ପତ୍ତି ନେଲେ, ଏକାଠି ପାଣିକୁ ଡେଇଁଲେ, କିନ୍ତୁ ପ୍ରେମିକ ପହଁରି ପହଁରି କୂଳକୁ ଚାଲି ଆସିଲା, ବଞ୍ଚିଲାନି ପ୍ରେମିକା

17/08/2020 at 5:59 PM

ଆଜମଗଡ, ୧୭|୦୮:   ପ୍ରେମକୁ ଗ୍ରହଣ କରୁନଥିଲେ ପରିବାର ଲୋକେ । ଅଲଗା ହେବାକୁ ଧମକ ମଧ୍ୟ ଦେଉଥିଲେ । ଶେଷରେ ଆତ୍ମହତ୍ୟା କରିବାକୁ ବିଚାର କଲେ ପ୍ରେମୀଯୁଗଳ । ଜୀବନ ହାରିବାକୁ ପୋଖରୀକୁ ଡେଇଁଲେ । ତେବେ ପ୍ରେମିକ ପୋଖରୀରୁ ପହଁରି ଫେରାର ହୋଇଗଲା । କିନ୍ତୁ ଜୀବନ ହାରିଲା ପ୍ରେମିକା । ଏପରି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଉତ୍ତରପ୍ରଦେଶର ଆଜମଗଡରେ ।

ସୂଚନାନୁସାରେ, ଆଜମଗଡର ମୁବାରକପୁରରେ କପ୍ତାନଗଞ୍ଜରେ ଯୁବକଙ୍କ ଘର । ସେ ଘରଠୁ କିଛି ଦୂରରେ ରହୁଥିବା ଜଣେ ଯୁବତୀଙ୍କୁ ପ୍ରେମ କରୁଥିଲେ । ତେବେ ପରିବାର ଲୋକେ ଏହା ଜାଣିବା ପରେ ଉଭୟଙ୍କୁ ବିରୋଧ କରିଥିଲେ । ଏପରିକି ପରିବାର ଲୋକେ ଉଭୟଙ୍କୁ ଏକଦା ଧରି ମାଡ ମଧ୍ୟ ମାରିଥିଲେ । ଶନିବାର ରାତିରେ ଉଭୟ ଘରୁ ନିଖୋଜ ହୋଇଯାଇତିଲେ । ସେମାନେ ଆତ୍ମହତ୍ୟା କରିବେବୋଲି ନିର୍ଣ୍ଣୟ ନେଇଥିଲେ । ଗାଁ ସ୍କୁଲ ନିକଟରେ ଥିବା ଏକ ପୋଖରୀରେ ଡେଇଁ ସେମାନେ ଆତ୍ମହତ୍ୟା କରିବାକୁ ଉଦ୍ୟମ କରିଥିଲେ । ତେବେ ପାଣିକୁ ଡେଇଁବା ପରେ ଯୁବକଜଣଙ୍କ ମନ ପରିବର୍ତ୍ତନ କରି ବାହାରକୁ ଆସିଯାଇଥିଲେ । ଏପରିକି ଯୁବତୀଙ୍କୁ ଉଦ୍ଧାର କରିବାକୁ ମଧ୍ୟ ଚେଷ୍ଟା କରୁଥିଲେ । କିନ୍ତୁ ସଫଳ ହୋଇନଥିଲେ ।

ପୋଖରୀରୁ ବାହାରି ଯୁବକ ନିଜ ଘରକୁ ଚାଲିଯାଇଥିଲେ । ଯୁବତୀଙ୍କ ପରିବାର ଲୋକେ ବହୁ ଖୋଜାଖୋଜି ପରେ ପୋଲିସରେ ଅଭିଯୋଗ କରିଥିଲେ । ପୋଲିସ ଯୁବକଙ୍କ ଘରେ ପହଁଚି ତାଙ୍କୁ ପଚରାଉଚୁରା କରିଥିଲା । ଏହାପରେ ପୋଖରୀରେ ଖୋଜାଖୋଜି କରାଯାଇଥିଲେ ମଧ୍ୟ ଯୁବତୀଙ୍କ ମୃତଦେହ ମିଲିନଥିଲା ।

ସୋମବାର ସକାଳେ ଯୁବତୀଙ୍କ ମୃତଦେହ ପୋଖରୀରେ ଭାସୁଥିବା କିଛି ଲୋକ ଦେଖିଥିଲେ । ଏନେଇ ପୋଲିସକୁ ଖବର ଦିଆଯାଇଥିଲା । ପୋଲିସ ଯୁବକଙ୍କୁ ଅଟକ ରଖି ପଚରାଉଚୁରା କରୁଛି ।

   Related Posts