Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ବିଧାନସଭା ଆଗରେ ପୁଣି ଆତ୍ମାହୂତୀ ଉଦ୍ୟମ, ମୃତ ପୁଅକୁ ନ୍ୟାୟ ଦେବା ପାଇଁ ମା’-ପୁଅଙ୍କ ଏଭଳି ପଦକ୍ଷେପ

28/11/2020 at 1:01 PM

ଭୁବନେଶ୍ୱର ୨୮।୧୧: ବିଧାନସଭା ଆଗରେ ପୁଣି ଆତ୍ମାହୂତୀ ଉଦ୍ୟମ । ଜଗତସିଂହପୁର ଜିଲ୍ଲା କୁଜଙ୍ଗ ଅଞ୍ଚଲର ମାଆ ଓ ପୁଅ ବିଧାନସଭା ଆଗରେ ଆତ୍ମାହୂତୀ ଉଦ୍ୟମ କରିଛନ୍ତି । ନିଜ ପୁଅ ଓ ଭାଇର ହତ୍ୟା ମାମଲାରେ ନ୍ୟାୟ ନମିଳିବାରୁ ବାଧ୍ୟ ହୋଇ ଆତ୍ମାହୂତୀ ଉଦ୍ୟମ କରିଛନ୍ତି ଉଭୟ ମାଆ ଓ ପୁଅ । ଘଟଣାସ୍ଥଳରୁ ଉଭୟ ମାଆ ଓ ପୁଅଙ୍କୁ ଆତ୍ମାହୂତୀ ଉଦ୍ୟମ କରୁଥିବା ବେଳେ କାବୁ କରିଛି ପୋଲିସ । ତାଙ୍କ ପୁଅକୁ ହତ୍ୟା କରାଯାଇଥିବା ନେଇ ଅଭିଯୋଗ ଆଣିଥିଲେ ମାଆ । ଏକ ବର୍ଷ ତଳର ଘଟଣା ବୋଲି ସୂଚନା ରହିଛି । ଅଭିଯୋଗ ପରେ ବି କୌଣସି କାର୍ଯ୍ୟାନୁଷ୍ଠାନ ନିଆଯାନାହିଁ , ଶେଷରେ ବାଧ୍ୟ ହୋଇ ଆତ୍ମାହୂତୀ ଉଦ୍ୟମ କରିଛନ୍ତି ।

ସୂଚନାଯୋଗ୍ୟ ଯେ, ବିଧାନସଭା ସମ୍ମୁଖରେ ଗତ କିଛି ଦିନ ତଳେ ନୟାଗଡ଼ରେ ଏକ ଦମ୍ପତ୍ତି ନିଜ ଦେହରେ କିରୋସିନି ଢାଳି ଆତ୍ମାହୁତି ଉଦ୍ୟମ କରିଥିଲେ । ଠିକଣା ସମୟରେ ସେଠାରେ ଉପସ୍ଥିତ ଥିବା ସୁରକ୍ଷାକର୍ମୀ ସେମାନଙ୍କୁ କାବୁ କରିନେଇଥିଲେ । ତେବେ ଆତ୍ମାହୁତି ଉଦ୍ୟମ କରୁଥିବା ଦମ୍ପତ୍ତିଙ୍କ ଅଭିଯୋଗ ଯେ, ତାଙ୍କ ନାବାଳିକା ଝିଅକୁ ହତ୍ୟା କରାଯାଇଛି । ତାଙ୍କୁ ନ୍ୟାୟ ନମିଳିବାରୁ , ଶେଷରେ ସେ ଏହି ପନ୍ଥା ଆପଣାଇଥିଲେ । ଯାହାପରେ ରାଜ୍ୟ ସରକାର ଘଟଣାକୁ ଗୁରୁତ୍ୱ ସହ ନେଇ କ୍ରାଇମବ୍ରାଞ୍ଚ ତଦନ୍ତ ପରେ ନାବାଳିକା ହତ୍ୟା ମାମଲାର ଏସଆଇଟି ତଦନ୍ତ କରିବାକୁ ନିର୍ଦ୍ଦେଶ ଦିଆଯାଇଛି । ଦୋଷୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନିଆଯିବ ବୋଲି ସରକାର ଘୋଷଣା କରିଛନ୍ତି । ସେପଟେ ନାବାଳିକାଙ୍କ ମୃତ୍ୟୁ ଘଟଣାକୁ ନେଇ ବିଧାନସଭାରେ ହଇଚଇ ସୃଷ୍ଟି ହୋଇଛି । ପ୍ରତିଦିନ ବିରୋଧୀ ଦଳ ଓ ଶାସକ ଦଳ ସେହି ପ୍ରସଙ୍ଗ ନେଇ ମୁହାଁମୁହାଁ ହେଉଛନ୍ତି ।  

   Related Posts