Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଖୋର୍ଦ୍ଧା : ସାରୁଆରେ ଭୟାବହ ଅଗ୍ନିକାଣ୍ଡ, ଜଳିଗଲା ଲକ୍ଷାଧିକ ଟଙ୍କାର ସମ୍ପତ୍ତି
  • ||
  • ବାରିପଦା : କୋଭିଡ ନିୟମକୁ ବେଖାତିର, ୫ଟି ଦୋକାନ ସିଲ୍‌
  • ||
  • ସମ୍ବଲପୁର : ଗୋଶାଳା କଲପଡାରେ ଖାଲରେ ଖସିପଡି ୨ ଶିଶୁ ମୃତ
  • ||
  • ଢେଙ୍କାନାଳ : ଭିଜିଲାନ୍ସ ଜାଲରେ ଥାନା ଅଧିକାରୀ, ଯୌତୁକ ମାମଲାରେ ଦଫା କାଟିବାକୁ ନେଉଥିଲେ ୬ହଜାର ଟଙ୍କା
  • ||
  • ନବରଙ୍ଗପୁର : କୁନ୍ଦେଇ ସରପଞ୍ଚ ନିଲମ୍ବିତ, ଭାରତମାଳା ଯୋଜନାକୁ ବିରୋଧ କରିବାରୁ କାର୍ଯ୍ୟାନୁଷ୍ଠାନ
  • ||
  • ୨ ଦିନିଆ କନ୍ଧମାଳ ଗସ୍ତରେ ଶିଶୁ ସୁରକ୍ଷା ଅଧିକାର ଅଧ୍ୟକ୍ଷା
  • ||
  • ବ୍ରହ୍ମପୁର : ବ୍ରହ୍ମପୁର ଫାଷ୍ଟଗେଟ୍ ଅଞ୍ଚଳରୁ ଜଣଙ୍କ ମୃତଦେହ ଠାବ, ହତ୍ୟା ସନ୍ଦେହ
  • ||
  • ନୀଳଗିରି: ହାତୀ ଆତଙ୍କରେ ଅଞ୍ଚଳବାସୀ
  • ||
  • ମାଲକାନଗିରି : ଯବାନ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ, ବିପୁଳ ପରିମାଣର ମାଓ ସାମଗ୍ରୀ ଜବତ
  • ||
  • କେନ୍ଦୁଝର : ବାଇକ୍ ଧକ୍କାରେ ଜଣେ ଗୁରୁତର, ମେଡିକାଲରେ ଭର୍ତ୍ତି
  • ||

ପ୍ରେମୀଯୁଗଳଙ୍କୁ କାଠ ଫାଳିଆରେ ଆକ୍ରମଣ: ପ୍ରେମିକା ଗୁୁରୁତର, ଅଳ୍ପକେ ବର୍ତ୍ତିଲେ ପ୍ରେମିକ

17/07/2020 at 1:49 PM

ଚନ୍ଦ୍ରଶେଖରପୁର,୧୭/୭: ନାଲକୋ ଛକ ଅରଣ୍ୟ ଭବନ ସମ୍ମୁଖରେ ଗତକାଲି ବିଳମ୍ବିତ ରାତିରେ ଏକ ଅଭାବନୀୟ ଘଟଣା ଘଟିଛି । ବାଇକ୍‌ରେ ଫେରୁଥିବା ପ୍ରେମୀଯୁଗଳଙ୍କୁ କାଠ ଫାଳିଆରେ ଅତର୍କିତ ଆକ୍ରମଣ କରିଛି ଜଣେ ମାନସିକ ବିକାରଗ୍ରସ୍ତ ଯୁବକ । ଏଥିରେ ପ୍ରେମିକା ଜଣଙ୍କ ଗୁରୁତର ହୋଇଥିବାବେଳେ ପ୍ରେମିକ ଅଳ୍ପକେ ବର୍ତ୍ତି ଯାଇଛନ୍ତି ।

ଚନ୍ଦ୍ରଶେଖରପୁର ଥାନା ପୁଲିସ ପହଞ୍ଚି ଯୁବତୀଙ୍କୁ ଚିକିତ୍ସା ପାଇଁ ଏକ ଘରୋଇ ହସ୍ପିଟାଲକୁ ପଠାଇବା ସହ ମାନସିକ ବିକାରଗ୍ରସ୍ତ ଯୁବକଙ୍କୁ କାବୁ କରିଥିଲା । ରାତି ୧ଟାରେ ପଟିଆ କାନନ ବିହାରର ଆୟୁଷକାନ୍ତ ମହାନ୍ତି ହସ୍ପିଟାଲରୁ ତାଙ୍କ ବାନ୍ଧବୀ ଛଦ୍ମନାମ(ମଧୁସ୍ମିତା)ଙ୍କ ସହ ବାଇକ୍‌ ଯୋଗେ ଘରକୁ ଫେରୁଥିଲେ । ଉକ୍ତ ରାସ୍ତାରେ ହଠାତ୍‌ କାଠଫାଳିଆ ଧରି ଗାଡ଼ି ଆଗକୁ ଚାଲିଆସିଥିଲେ ଜଣେ ମାନସିକ ବିକାରଗ୍ରସ୍ତ ଯୁବକ । ଆୟୁଷ ତାଙ୍କୁ ଦେଖି ଭୟଭୀତ ହୋଇ ଦ୍ରୁତ ଗତିରେ ପଳାଇବାକୁ ଚେଷ୍ଟା କରିଥିଲେ । ମାତ୍ର ସମ୍ପୃକ୍ତ ଯୁବକ କାଠ ଫାଳିଆଟି ଗାଡ଼ି ଉପରକୁ ଫୋପାଡ଼ିଥିଲା ।

କାଠ ଫାଳିଆଟି ସିଧା ଯାଇ ପଛରେ ବସିଥିବା ମଧୁସ୍ମିତାଙ୍କ ଦେହରେ ବାଜିଥିଲା । କାଠ ଫାଳିଆଟି ଏତେ ଜୋରରେ ବାଜିଥିଲା ଯେ, ଆୟୁଷ ଭାରସାମ୍ୟ ହରାଇ ବାଇକ୍‌କୁ ଡିଭାଇଡରରେ ପିଟି ଦେଇଥିଲେ । ଉଭୟ ତଳେ ପଡ଼ିଯାଇଥିଲେ । ଏଥିରେ ଆୟୁଷ ସାମାନ୍ୟ ଆହତ ହୋଇଥିବାବେଳେ ମଧୁସ୍ମିତାଙ୍କ କାନ୍ଧ ଓ ମୁଣ୍ଡରେ ଆଘାତ ଲାଗିଛି । ଏହା ଦେଖି ମାନସିକ ବିକାରଗ୍ରସ୍ତ ଯୁବକ ଜଣଙ୍କ ସେଠାରୁ ପଳାଇଥିଲା । ସେହି ବାଟ ଦେଇ ଯାଉଥିବା ଜଣେ କାର ଚାଳକ ଏହା ଦେଖି ପିସିଆର ଭ୍ୟାନକୁ ଫୋନ୍‌ କରିଥିଲେ । ପୁଲିସ ପହଞ୍ଚି ମଧୁସ୍ମିତାଙ୍କୁ ଏକ ଘରୋଇ ହସ୍ପିଟାଲକୁ ପଠାଇଥିଲା । ପରେ ସମ୍ପୃକ୍ତ ଯୁବକଙ୍କୁ ପୁଲିସ ଗୋଡାଇ ଗୋଡାଇ କାବୁ କରିଥିଲା । ଆଜି ତାଙ୍କୁ ଖଣ୍ଡଗିରିସ୍ଥିତ ପାଗଳଖାନାକୁ ପଠାଇ ଦିଆଯାଇଛି ।

   Related Posts