Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଟୋକୁ ଧକ୍କା ଦେଲା କାର୍, ଜଣେ ମୃତ, ୪ ଗୁରୁତର
  • ||
  • ବାଇକ୍ ସହ ଧକ୍କା ହୋଇ ରାସ୍ତା କଡକୁ ଖସିଲା ବସ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ସେନେଗଲ୍‌ ଉପକୂଳ ସମୁଦ୍ରରେ ବୁଡ଼ିଗଲା ଶରଣାର୍ଥୀଙ୍କ ଡଙ୍ଗା: ୧୪୦ ଜଣଙ୍କ ମୃତ୍ୟୁ, ବଞ୍ଚିଗଲେ ୬୦
  • ||
  • ରାଜଧାନୀରୁ ଆଉ ୮୭ କରୋନା ଆକ୍ରାନ୍ତ ଚିହ୍ନଟ, ସୁସ୍ଥ ହେଲେ ୨୩୭
  • ||
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||
  • ରାଉରକେଲା : ସ୍କର୍ପିଓ ଜାଳିଦେଲେ ଦୁର୍ବୃତ୍ତ, ଗାଡିରେ ଥିବା ୩ ଜଣଙ୍କୁ ନିସ୍ତୁକ ମାଡ
  • ||
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ଝାଡ଼ଖଣ୍ଡ ଜନାଦେଶ : ବିଧାନସଭା ନିର୍ବାଚନ ପାଇଁ ଭୋଟ ଗଣତି ଜାରି, ସୁରକ୍ଷା ବ୍ୟବସ୍ଥା କଡାକଡି

23/12/2019 at 7:58 AM

ରାଞ୍ଚି ୨୩।୧୨: ଆଜି ପ୍ରକାଶ ପାଇବ ଝାଡ଼ଖଣ୍ଡ ବିଧାନସଭା ନିର୍ବାଚନ ଫଳ । ସକାଳ ୮ଟାରୁ ମତଗଣନା ଜାରି ରହିଛି । ୮୧ ସିଟ୍  ବିଶିଷ୍ଟ ବିଧାନସଭା ପାଇଁ ନଭେମ୍ବର ୩୦ରୁ ଡିସେମ୍ବର ୨୦ ମଧ୍ୟରେ ୫ଟି ପର୍ଯ୍ୟାୟରେ ମତଦାନ ହୋଇଛି ।  ଝାଡ଼ଖଣ୍ଡରେ ମହାଁମୁହିଁ ହୋଇଛନ୍ତି ବିଜେପି ଓ ଝାଡ଼ଖଣ୍ଡ ମୁକ୍ତିମୋର୍ଚ୍ଚା । ଭୋଟ ଗଣତିକୁ ନଜର ରଖି ସୁରକ୍ଷା ବ୍ୟବସ୍ଥା କଡାକଡି କରାଯାଇଛି ।

ଜେଏମ୍‌ଏମ୍‌ ୪୩ଟି ଆସନ ପାଇଁ ପ୍ରାର୍ଥ ପତ୍ର ଦାଖଲ କରିଥିବା ବେଳେ କଂଗ୍ରେସ ଓ ଆରଜେଡି ୩୧ ଆସନ ପାଇଁ ଲଢ଼ୁଥିଲେ । ସେହିପରି ବିଜେପି ୭୯ଟି ଆସନ ପାଇଁ ପ୍ରାର୍ଥୀ  ଦେଇଥିଲା । ଗତ ଲୋକସଭା ନିର୍ବାଚନରେ ୧୪ଟି ଆସନ ମଧ୍ୟରୁ ବିଜେପି ୧୧ଟି ଦଖଲ କରିଛି । ତେବେ ଫଳାଫଳ ପୂର୍ବରୁ ଏକଜିଟ ପୋଲ ରିପୋର୍ଟ କିନ୍ତୁ ବିଜେପି ବିପକ୍ଷରେ ଯାଉଥିବା ଜଣାପଡ଼ିଛି ।

ଏବିପି-ସି ଭୋଟର ତଥ୍ୟ ସର୍ଭେ ଅନୁସାରେ ଜେଏମ୍ଏମ୍‌ କଂଗ୍ରେସ ଓ ଆରଜେଡି ମେଣ୍ଟକୁ ୩୫ଟି ସିଟ ମିଳିବ । ବିଜେପି ଖାତାକୁ ଯିବ ୩୨ ଓ ଏଜେଏସୟୁ ପାଇବ ୫ଟି ଆସନ । ସେହିପରି ଇଣ୍ଡିଆ ଟୁଡେ ପକ୍ଷରୁ କରାଯାଇଥିବା ସର୍ଭେ ରିପୋର୍ଟ ବିଜେପି ବିପକ୍ଷରେ ଯାଉଛି । ବିରୋଧୀଙ୍କୁ ୩୮ରୁ ୫୦ଟି ଆସନ ଏହି ସର୍ଭେରେ ମିଳିଥିବା ବେଳେ ବିଜେପିକୁ ୨୨ରୁ ୩୨ଟି ସିଟ୍‌ ମିଳିବା ଅନୁମାନ କରାଯାଉଛି ।

୨୦୧୪ରେ ହୋଇଥିବା ନିର୍ବାଚନରେ ବିଜେପି ୩୭ଆସନରେ ବିଜୟୀ ସହ ସହଯୋଗୀ AJSU ପାର୍ଟିର ୫ସିଟ୍ ସହାୟତାରେ ସରକାର ଗଠନ କରିଥିଲେ । ସେହିପରି JMM କୁ ୧୯, କଂଗ୍ରେସକୁ ୬ ଓ ବାବୁଲାଲ ମାରାଣ୍ଡିଙ୍କ ପାର୍ଟି ଝାଡଖଣ୍ଡ ବିକାଶ ମୋର୍ଚ୍ଚା ବା JVMକୁ ୮ଟି ଆସନ ମିଳିଥିଲା, ପରେ JVMର ୬ଜଣ ବିଧାୟକ ଦଳ ବଦଳାଇ ବିଜେପିକୁ ସମର୍ଥନ ଦେଇଥିଲେ । ସେହିପରି ୨୦୧୪ ନିର୍ବାଚନରେ ଅନ୍ୟଦଳମାନଙ୍କୁ ୬ଟି ଆସନ ମିଳିଥିଲା ।  ଗତ ଥର ଝାଡ଼ଖଣ୍ଡରେ ବିଜେପି ନେତୃତ୍ବାଧିନ ସରକାର ଥିବା ବେଳେ ୨୦୧୪ରେ ୬୬.୫୩% ମତଦାନ ହୋଇଥିବା ବେଳେ ଚଳିତ ଥର ହାରାହାରି ୬୫.୧୭ ପ୍ରତିଶତ ମତଦାନ ହୋଇଛି ।

   Related Posts