ସମ୍ବଲପୁର, ୨୫|୦୮: ସମ୍ବଲପୁର ପୋଲିସକୁ ବଡ ସଫଳତା । ଜବତ ହେଲା ବିପୁଳ ପରିମାଣର କଫ୍ ସିରପ୍ । ଟାଉନଥାନା ପୋଲିସ ସମ୍ବଲପୁର ସମେତ ବରଗଡର ଅତାବିରା ଅଂଚଳରେ ଚଢାଉ କରି ବିପୁଳ କଫ୍ ସିରପ୍ ଜବତ କରିଛି ।
ଏହି ଘଟଣାରେ ଜଣେ ଯୁବତୀଙ୍କ ସହ ୪ ଜଣଙ୍କୁ ଗିରଫ କରାଯାଇଛି । ଏହାସହ ୨ଟି କାର୍ ଜବତ କରାଯାଇଛି ।ଏହି ଚଢାଉରେ ୧୬୦୦ ବୋତଲର ମେକ୍ସ କଫ୍ ସିରପ୍ ଭର୍ତ୍ତି ହୋଇଥିବା ୧୦ଟି ପେଟି ଓ ୧୬୮୦ଟି ବୋତଲର ଏକ୍ସ କଫ୍ ସିରପର ୧୪ଟି ପେଟି ଜବତ ହୋଇଛି । ଏହା ସହ ଗୋଟିଏ ଓ୍ବାଗନର ଓ ଟାଟା ମ୍ୟାଜିକ ଗାଡି ମଧ୍ୟ ଜବତ କରାଯାଇଛି ।
ଗିରଫ ଅଭିଯୁକ୍ତମାନେ ହେଲେ ଟାଉନଥାନା ସାହୁ କଲୋନୀର ସନ୍ତୋଷ ବେହେରା, ସାହୁ କଲୋନୀର ପ୍ରହଲ୍ଲାଦ ବେହେରା । ସେହିପରି ବରଗଡ ଅତାବିରା ରେଙ୍ଗାଲି କ୍ୟାମ୍ପର ଶ୍ୟାମ ମେହେର ଓ ଦୀପିକା ମେହେର(ଛଦ୍ମନାମ)ଙ୍କୁ ମଧ୍ୟ ଗିରଫ କରାଯାଇଛି । ଏମାନଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।
