Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||
  • ବରଗଡ : ବାଲି ବୋଝେଇ ଟ୍ରାକ୍ଟର ଓ ବାଇକ୍ ମୁହାଁମୁହିଁ ଧକ୍କା, ୨ ଜଣ ମୃତ
  • ||
  • ଭୁବନେଶ୍ବର : ମାଟ୍ରିକ୍ ପରୀକ୍ଷାର୍ଥୀଙ୍କୁ ମିଳିବ ‘ପରୀକ୍ଷା ଦର୍ପଣ’, ପରୀକ୍ଷା ପାଇଁ ହେବ ସହାୟକ
  • ||

OSIC ରେ ଦୁର୍ନୀତିର ଗନ୍ଧ ; ଓଡିଶା କ୍ଷୁଦ୍ର ଶିଳ୍ପ ନିଗମ ବା ଓଏସ୍ଆଇସିରେ ଠିକାଦାରଙ୍କ ମାରଣ ନୀତି

12/07/2018 at 5:46 AM

ଓଡିଶା କ୍ଷୁଦ୍ର ଶିଳ୍ପ ନିଗମ ବା ଓଏସ୍ଆଇସିରେ ମନମାନୀ । ସରକାରଙ୍କ ନୋଟିଫିକେସନର ଖୁଲମଖୁଲା ଉଲ୍ଲଙ୍ଘନ କରାଯାଉଛି । ମିଡିଏମ୍ ଆଣ୍ଡ ସ୍ମଲ ସ୍କେଲ୍ ଇଣ୍ଡଷ୍ଟ୍ରି ଗୁଡିକୁ ପ୍ରୋତ୍ସାହନ ଦେବା ବଦଳରେ କଣ୍ଟ୍ରାକ୍ଟରଙ୍କ ତଣ୍ଟି ଚିପି ଅର୍ଥ ଆଦାୟ କରୁଥିବା ଗୁରୁତର ଅଭିଯୋଗ ଆସିଛି । ନିୟମ ବାହାରେ ଜୋରଜବରଦସ୍ତ ମନଇଛା ଅର୍ଥ ଆଦାୟ କରୁଛି ଓଏସଆଇସି । ଏଥିପାଇଁ ଠିକାଦାରମାନଙ୍କ ବ୍ୟାପକ ଆର୍ଥିକ କ୍ଷତି ହେଉଥିବାରୁ ଆତ୍ମହତ୍ୟା ଭଳି ପନ୍ଥା ବାଛିବେ ବୋଲି ଧମକ ଦେଲେଣି ଅନେକ ଠିକାଦାର ।
ଓଡିଶା କ୍ଷୁଦ୍ର ଶିଳ୍ପ ନିଗମ ବା ଓଏସ୍ଆଇସିରେ ଠିକାଦାର ମାରଣ ନୀତି । କାମକଲା ପରେ ବି ଠିକାଦାର କିମ୍ବା କଂପାନୀ ମାନଙ୍କୁ ମିଳୁନି ପ୍ରାପ୍ୟ । ପ୍ରାପ୍ୟ ମାଗିଲେ ମୁଳୁଛି ଧମକ । କେତେବେଳେ ସେମାନଙ୍କ ଅର୍ଥ କାଟି ଦିଆଯାଉଛି ତ ଆଉ କେତେବେଳେ କାମ ନମିଳିବାର ଦିଆଯାଉଛି ଧମକ । ଏଭଳି ଗୁରୁତର ଅଭିଯୋଗ ଆଣିଛନ୍ତି OSIC ଜରିଆରେ କାମ ପାଉଥିବା ଛୋଟ ଛୋଟ କଂପାନୀ ଓ ଠିକାଦାର । ଓଡିଶା କ୍ଷୁଦ୍ର ଶିଳ୍ପ ନିଗମରେ ଓଡିଶାର ପ୍ରାୟ ଶହେରୁ ଅଧିକ ପଞ୍ଜୀକୃତ ଏମଏସଏମଇ କାମ କରୁଛନ୍ତି । ସେଥିମଧ୍ୟରୁ ୧୫ରୁ ଅଧିକ ବଡ ବଡ ଇଲେକ୍ଟ୍ରିକାଲ କଣ୍ଟ୍ରାକ୍ଟର ରୁରାଲ ଇଲେକ୍ଟ୍ରିଫିକେସନ କାମରେ ନିୟୋଜିତ ଅଛନ୍ତି । ଗ୍ରାମାଞ୍ଚଳରେ ଏମାନେ କୋଟିକୋଟି ଟଙ୍କାର କାମ କରିଥିଲେ ବି ସେମାନଙ୍କୁ OSIC ଅର୍ଥ ପଇଠ କରିନାହିଁ । କାରଣ ଏମାନେ କୁଆଡେ OSIC ଅଧିକାରୀଙ୍କୁ ସେମାନଙ୍କ ମନ ମୁତାବକ ଖୁସି କରାଇ ପାରିନାହାନ୍ତି । ଫଳରେ ସେମାନଙ୍କ ପ୍ରାପ୍ୟ ଦେବାରେ କେତେବେଳେ ଜାଣିଶୁଣି ବିଳମ୍ବ କରାଯାଉଛି ତ ଆଉ କେତେବେଳେ ବେଆଇନ ଭାବେ ମନଇଛା ଅର୍ଥ କାଟି ରଖାଯାଉଥିବା ଅଭିଯୋଗ ହୋଇଛି ।
ମଧ୍ୟମ ଓ କ୍ଷୁଦ୍ର ଶିଳ୍ପ ସଂସ୍ଥାମାନଙ୍କୁ ପ୍ରୋତ୍ସାହନ ଉଦ୍ଦେଶ୍ୟରେ ରାଜ୍ୟ ସରକାର ISIC ଙ୍କ ଦ୍ବାରା ଟେଣ୍ଡର ମାଧ୍ୟମରେ କାମ ଯୋଗାଉଛନ୍ତି । କାମ ସଂପୂର୍ଣ୍ଣ କରିସାରିବା ପରେ MSME କିମ୍ବା ଠିକାଦାରମାନେ ନିର୍ଦ୍ଧାରିତ ବିଲ୍ ଓଡିଶା କ୍ଷୁଦ୍ର ଶିଳ୍ପ ନିଗମକୁ ଦିଅନ୍ତି । OSIC ସଂମ୍ପୃକ୍ତ ବିଲକୁ ବିଭାଗକୁ ପେମେଣ୍ଟ ପାଇଁ ପଠାଇଥାଏ । ପେମେଣ୍ଟ ଆସିଲା ପରେ ସରକାରଙ୍କ ଗେଜେଟ୍ ନୋଟିଫିକେସନ୍ ଅନୁସାରେ OSIC ୧ ପ୍ରତିଶତ କମିଶନ ବାବଦରେ ରଖି ବାକି ବିଲ୍ କମ୍ପାନୀ କିମ୍ବା ଠିକାଦାରଙ୍କୁ ତୁରନ୍ତ ପଇଠ କରିବା କଥା । କିନ୍ତୁ OSIC ଜୋରଜବରଦସ୍ତ ୩ ପ୍ରତିଶତ କିମ୍ବା ତା ଠାରୁ ଅଧିକ ଟଙ୍କା କାଟି ରଖୁଥିବା ଅଭିଯୋଗ ହୋଇଛି । ବେଳେ ବେଳେ ତ ଏହା ବାଦ ବି ପିସି ମଗାଯାଉଛି । ଅନେକ ସମୟରେ MSME ମାନେ ସେମାନଙ୍କ ବିଲ୍ ପଇଠ କଲା ପରେ ସରକାରଙ୍କଠୁ ଟଙ୍କା ଆସି ବର୍ଷ ବର୍ଷ ଧରି OSIC ରେ ପଡି ରହୁଛି । ହେଲେ ଦୁର୍ନୀତିଗ୍ରସ୍ତ କର୍ମଚାରୀ ଓ ଅଧିକାରୀ ସେମାନଙ୍କ ପସନ୍ଦ ମୁତାବକ ପିସି ନମିଳିବା ଯାଏ ବିଲ୍ ଅର୍ଥ ପଇଠ କରୁନାହାନ୍ତି । OSIC ରେ ଏଭଳି ଖୁଲମଖୁଲା ଦୁର୍ନୀତି ଚାଲିଥିବାରୁ ଠିକାଦାର ଓ କ୍ଷୁଦ୍ର ଶିଳ୍ପ ସଂସ୍ଥା ଗୁଡିକ ଏବେ ବୁଡିବାକୁ ବସିଲେଣି । ଧାର କରଜକରି କାମ କରିଥିବା ଠିକାଦାର ଓ ଶିଳ୍ପ ସଂସ୍ଥାର ମାଲିକମାନେ ସେମାନଙ୍କ ପ୍ରାପ୍ୟ ନପାଇଲେ ଆତ୍ମହତ୍ୟା କରିବେ ବୋଲି ଧମକ ଦେଇଛନ୍ତି ।

   Related Posts