Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁରୀ ସ୍ବର୍ଗ ଦ୍ବାରରୁ ହଟିଲା କଟକଣା, ସଂକ୍ରମଣ କମୁଥିବାରୁ ଜିଲ୍ଲା ପ୍ରଶାସନର ନିଷ୍ପତ୍ତି
  • ||
  • ‘କୁଲଦୀପ ଯାଦବଙ୍କ ପାଇଁ ଚ୍ୟାଲେଞ୍ଜିଂ ହେବ ଓ୍ବେଷ୍ଟଇଣ୍ଡିଜ ସିରିଜ୍, ଟିମ୍‌ ଇଣ୍ଡିଆକୁ ଭରସା ରଖିବାକୁ ହେବ’: ହରଭଜନ ସିଂହ
  • ||
  • ବିଧାନସଭା ନିର୍ବାଚନ ଏବଂ ବଜେଟ୍‌ ଅଧିବେଶନ ପୂର୍ବରୁ କଂଗ୍ରେସ ଡାକିଲା ଗୁରୁତ୍ବପୂର୍ଣ୍ଣ ବୈଠକ, ପ୍ରସ୍ତୁତ ହେବ ରଣନୀତି
  • ||
  • ରାଜ୍ୟରେ ସୁସ୍ଥହେଲେ ଆଉ ୧୧,୧୫୭ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୬୫୩ଜଣ ଡିସଚାର୍ଜ
  • ||
  • ବୈଦେଶିକ ବ୍ୟାପାର ମନ୍ତ୍ରୀ ଏସ.ଜୟଶଙ୍କରଙ୍କୁ କରୋନା, ନିଜକୁ କଲେ ଆଇସୋଲେଟ୍
  • ||
  • ମହାକାଶରେ ନିୟନ୍ତ୍ରଣ ହରାଇଛି ସ୍ପେସଏକ୍ସର ଫାଲକନ-୯, ବିପଦରେ ଭାରତର ଚନ୍ଦ୍ରଯାନ
  • ||
  • ବିଜେପିରେ ସାମିଲ ହେଲେ ଉତ୍ତରାଖଣ୍ଡର ପୂର୍ବତନ କଂଗ୍ରେସ ଅଧ୍ୟକ୍ଷ କିଶୋର ଉପାଧ୍ୟାୟ
  • ||
  • ରାଜ୍ୟରେ ଆଉ ୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୫୦କୁ ବୃଦ୍ଧି
  • ||
  • ରାଜ୍ୟରେ କମିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୯୦୧ କୋଭିଡ୍ ପଜିଟିଭ୍, ୧୨୩୧୧୬୯ରେ ପହଞ୍ଚିଲା ସଂଖ୍ୟା
  • ||
  • ଜିଲ୍ଲା ପରିଷଦ ନିର୍ବାଚନ ଲଢୁଛନ୍ତି ଡାକ୍ତରାଣୀ, ଚର୍ଚ୍ଚାରେ ବିଜେପି ପ୍ରାର୍ଥୀ ମୋନାଲିସା
  • ||

ଦଲାଲଙ୍କୁ ଧରିବା ପରେ ଏବେ ଦୁର୍ନୀତିଗ୍ରସ୍ତ ଅଧିକାରୀଙ୍କ ଉପରେ ହେବ ଆକ୍ସନ, ଦଲାଲଙ୍କ ଜରିଆରେ ହିଁ ଧରା ହେବେ ଆରଟିଓର ଅଭ୍ୟାସଗତ ଲାଞ୍ଚୁଆ ଅଧିକାରୀ ଓ କର୍ମଚାରୀ

28/09/2019 at 6:00 PM

ଭୁବନେଶ୍ବର୨୮|୯; ଦଲାଲଙ୍କୁ ଧରିବା ପରେ ଏବେ ଦୁର୍ନୀତିଗ୍ରସ୍ତ ଅଧିକାରୀଙ୍କ ଉପରେ ହେବ ଆକ୍ସନ । ଦଲାଲଙ୍କ  ଜରିଆରେ ଧରା ହେବେ ଆରଟିଓର ଅଭ୍ୟାସଗତ ଲାଞ୍ଚୁଆ ଅଧିକାରୀ ଓ କର୍ମଚାରୀ ।

ସେହଭଳି ଆରଟିଓ କର୍ମଚାରୀମାନେ ଏଣିକ ହାତରେ ବିଭିନ୍ନ ରଙ୍ଗର ବ୍ୟାଣ୍ଡ୍‌ ପିନ୍ଧିବେ । ଦଲାଲଙ୍କ ଉତ୍ପାତରେ ସମ୍ପର୍କରେ ସାଧାରଣ ଲୋକେ ସିଧା ସଳଖ ଅଭିଯୋଗ କରିବାକୁ ହେଲ୍ପ ଲାଇନ୍‌ ନମ୍ବର ମଧ୍ୟ ଜାରି କରାଯାଇଛି ।

ଦଲାଲଙ୍କ ପରେ ଦୁର୍ନୀତିଗ୍ରସ୍ତ ଅଧିକାରୀଙ୍କ ଉପରେ ନଜର । ଦୁଇ ଦିନ ଧରି ବିଭିନ୍ନ ଆରଟିଓ ଅଫିସରେ ମାଳ ମାଳ ଦଲାଲ ବନ୍ଧା ହେବା ପରେ ସେମାନଙ୍କ ସହ ଆରଟିଓ ଅଧିକାରୀ ଓ କର୍ମଚାରୀଙ୍କ ମଧୂଚନ୍ଦ୍ରିକା ସାମ୍ନାକୁ ଆସିଛି ।

ଅବସ୍ଥା ଅସମ୍ଭାଳ ଦେଖି ଆକ୍ସନକୁ ଆସିଛନ୍ତି ସରକାର । ଧରାପଡ଼ିଥିବା ଦଲାଲଙ୍କ ମାଧ୍ୟମରେ ଅଭ୍ୟାସଗତ ଲାଞ୍ଚୁଆ ଆରଟିଓ ଅଧିକାରୀ ଓ କର୍ମଚାରୀଙ୍କ ଉପରେ ଆକ୍ସନ ନିଆଯିବ ବୋଲି କହିଛନ୍ତି ପରିବହନ ମନ୍ତ୍ରୀ ।

ବର୍ଷ ବର୍ଷ ଧରି ଗୋଟିଏ ଗୋଟିଏ ଯାଗାରେ ଆଡ୍ଡା ଜମାଇ ଧୁମ୍‌ ମାଲ୍‌ କମାଇବାକୁ ସୁଯୋଗ ପାଉଥିବା ଅସାଧୁ ଅଧିକାରୀ ଓ କର୍ମଚାରୀଙ୍କୁ ଅକ୍ଟୋବର ସୁଦ୍ଧା ବଦଳି କରାଯିବ । ବର୍ତ୍ତମାନ ରାଜ୍ୟରେ ୪୦ ପ୍ରତିଶତ ଆରଟିଓ ଇନ୍‌ଚାର୍ଜ ଦାୟିତ୍ବରେ ଅଛନ୍ତି ।

ତେବେ ମଦ୍ୟପଙ୍କୁ ନେଇ ନୂଆ ମୋଟର ଯାନ ଆଇନରେ ଥିବା ନିୟମକୁ କୋହଳ କରାଯିବ ନାହିଁ ସ୍ପଷ୍ଟ କରିଛନ୍ତି ମନ୍ତ୍ରୀ ।

ଆରଟିଓକୁ ଦଲାଲ୍‌ ମୁକ୍ତ କରିବାକୁ ପୂରା ଦମ୍‌ ଲଗାଇଛନ୍ତି ସରକାର । ତେବେ ଲୋକେ କେମିତି ଚିହ୍ନିବେ ଆରଟିଓ କର୍ମଚାରୀ କିଏ ଆଉ ଦଲାଲ୍‌ କିଏ ? ସେ ସମସ୍ୟା ସାମ୍ନାକୁ ଆସିବା ପରେ ଏବେ ସରକାର ଆରଟିଓ କର୍ମଚାରୀଙ୍କ ହାତରେ ବିଭିନ୍ନ ରଙ୍ଗର ବ୍ୟାଣ୍ଡ ପିନ୍ଧାଇବାକୁ ନିଷ୍ପତ୍ତି ନେଇଛନ୍ତି ।

ଆରଟିଓରେ ସର୍ଭିସ୍‌ ପ୍ରୋଭାଇଡର କର୍ମଚାରୀମାନେ ଗ୍ରୀନ୍‌ ବ୍ୟାଣ୍ଡ ପିନ୍ଧିବେ । ସେହିଭଳି ସ୍ମାର୍ଟ ଚିପ୍‌ କାମ କରୁଥିବା କର୍ମଚାରୀ ବାନ୍ଧିବେ ୟେଲୋ ବ୍ୟାଣ୍ଡ ।

ଆରଟିଓ ଅଫିସ ନିକଟରୁ ହଟିବ ସବୁ ଚାଳିଆ ଦୋକାନ । ଅଫିସ ପରିସରକୁ କୌଣସି ମଧ୍ୟସ୍ଥି ପୂରାଇନଦେବାକୁ କଡ଼ା ନିର୍ଦେଶ ଦିଆଯାଇଛି । ଅଫିସରେ କେଉଁଠି କେଉଁ ସୁବିଧା ଉପଲବ୍ଧ ସେନେଇ ବଡ଼ ବୋର୍ଡ଼ ଲଗାଯିବ ।

ଯେଉଁଥିରେ ବିଭିନ୍ନ ଲାଇସେନସ୍‌ ପାଇଁ ଧାର୍ଯ୍ୟ ଫି ବାବଦରେ ସ୍ପଷ୍ଟ ସୂଚନା ରହିବ । ଦଲାଲଙ୍କ ଉତ୍ପାତ ସମ୍ପର୍କରେ ଲୋକମାନେ ସିଧା ସଳଖ ଅଭିଯୋଗ ହେଲ୍ପ ଡେସ୍କ ନମ୍ବର ୧୮୦୦୩୪୫୧୦୭୩ରେ ଜଣାଇପାରିବେ ।

ରାଜ୍ୟରେ ସରକାରୀ ଡାକ୍ତରଖାନା ଏବଂ ଆରଟିଓକୁ ଦଲାଲ୍‌ ମୁକ୍ତ କରିବାକୁ ସରକାରଙ୍କ ନିର୍ଦେଶ ପରେ ଏହି ସବୁ ସ୍ଥାନରେ  ବ୍ୟାପକ ଚଢ଼ାଉ ଓ ଗିରଫଦାରୀ ଆରମ୍ଭ ହୋଇଯାଇଛି । ୨ଦିନ ଭିତରେ ୭୫ଜଣ ଦଲାଲଙ୍କୁ ଗିରଫ କରିଛି ପୋଲିସ ।

ସେପଟେ ସରକାରଙ୍କ ସାନି ନିର୍ଦେଶକୁ ଦେଖି ଦଲାଲଙ୍କୁ ହାତ କରି ମାଲ୍‌ କମାଉଥିବା ଅସାଧୁ ଅଧିକାରୀ ଓ କର୍ମଚାରୀଙ୍କ ଭିତରେ ଛନକା ପଶିଲାଣି ।

   Related Posts