Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଏସଏଫର ବଡ କାର୍ଯ୍ୟାନୁଷ୍ଠାନ, ବାଂଲାଦେଶ ସୀମାରେ ୮୨ ନକଲି ଡ୍ରାଇଭିଂ ଲାଇସେନ୍ସ ଜବତ
  • ||
  • ୟୁପି ସମର: ଅଖିଳେଶଙ୍କ ପାଇଁ ପ୍ରଚାର କରିବେ ମମତା, ଫେବୃଆରୀ ୮ରେ ଲକ୍ଷ୍ନୌରେ ଭର୍ଚୁଆଲ ରାଲି
  • ||
  • ଆସନ୍ତାକାଲି ପ୍ରଥମ ଦିନିକିଆ: କିଏ କରିବ ଓପନିଂ ? ଖୁଲାସା କଲେ ରାହୁଲ, ୫ ବର୍ଷ ପରେ ଦିନିକିଆକୁ ପ୍ରତ୍ୟାବର୍ତ୍ତନ କରିବେ ଏହି ଖେଳାଳି
  • ||
  • କାରିଗରଙ୍କଠୁ ଲାଞ୍ଚ ନେବା ମହଙ୍ଗା ପଡିଲା, ଭିଜିଲାନ୍ସ ଦ୍ଵାରା ବନ୍ଧା ହେଲେ ହସ୍ତଶିଳ୍ପ ନିଗମର ସହ-ନିର୍ଦ୍ଦେଶକ ଓ କ୍ରାପ୍ଟମ୍ୟାନ୍
  • ||
  • କଲେଜ୍ରେ ନିର୍ବାଚନୀ ସଭା ନେଇ କଠୋର ହେଲେ ଏସଇସି: ଏସଡିପିଓ ଏବଂ ପ୍ରିନ୍ସିପାଲଙ୍କୁ ନିଲମ୍ବନ କରିବାକୁ ଦେଲେ ନିର୍ଦ୍ଦେଶ
  • ||
  • IPL 2022: କେଏଲ ରାହୁଲଙ୍କ ସହ ଏହି ଦୁଇ ଖେଳାଳିଙ୍କୁ ନିଜ ଦଳରେ ସାମିଲ୍ କଲା ଲକ୍ଷ୍ନୌ ଫ୍ରାଞ୍ଚାଇଜି
  • ||
  • ମଙ୍ଗଳବାର ପୃଥିବୀର ନିକଟତର ହେବ ବିରାଟ ଗ୍ରହାଣୁ : ମାଡ ହେଲେ ଘଟାଇବ ବିନାଶ !
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||

ଭାରତୀୟ ବାଦୁଡି ବି ଭୟଙ୍କର ! ଦୁଇ ପ୍ରଜାତିଙ୍କ ଠାରେ କରୋନା ଭାଇରସ୍ ମିଳିଥିବା ଗବେଷକଙ୍କ ଦାବି, କିନ୍ତୁ ଓଡିଶା ପାଇଁ ଆଶ୍ଵସ୍ତି

14/04/2020 at 9:47 PM

ନୂଆଦିଲ୍ଲୀ ଏପ୍ରିଲ ୧୪:  ସମଗ୍ର ଦୁନିଆ ସମେତ ଭାରତରେ ମଧ୍ୟ କରୋନା ପ୍ରକୋପ ଜାରି ରହିଛି। ସଂକ୍ରମିତଙ୍କ ସହିତ ମୃତ୍ୟୁ ସଂଖ୍ୟା ମଧ୍ୟ ବଢିବାରେ ଲାଗିଛି। ସ୍ଥିତିକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୨୧ ଦିନିଆ ଲକ୍‌ଡାଉନ୍‌ ଅବଧିକୁ ମେ ୩ ପର୍ଯ୍ୟନ୍ତ ବୃଦ୍ଧି କରିଛନ୍ତି। ଅନ୍ୟପଟେ ସମଗ୍ର ଦୁନିଆର ବିଶେଷଜ୍ଞ, ବୈଜ୍ଞାନିକ ଓ ଡାକ୍ତର କରୋନା ରୋଗର ଉପଚାର ପାଇଁ ଗବେଷଣା ଚଳାଇଛନ୍ତି। ଏହା ମଧ୍ୟରେ ଭାରତରୁ ଏମିତି ଏକ ଖବର ଆସିଛି ଯାହା ସମସ୍ତଙ୍କୁ ଆଶ୍ଚର୍ଯ୍ୟଚକିତ କରିଛି। ଭାରତରେ ଦୁଇଟି ପ୍ରଜାତିର ବାଦୁଡିଠାରେ କରୋନା ଭାଇରସ୍ ଥିବା ଗବେଷଣାରୁ ଜଣା ପଡିଛି।  ଇଣ୍ଡିଆନ୍‌ କାଉନ୍‌ସିଲ୍‌ ଅଫ୍‌ ମେଡିକାଲ୍‌ ରିସର୍ଚ୍ଚ(ICMR) ଓ ନ୍ୟାସନାଲ୍‌ ଇନଷ୍ଟିଟ୍ୟୁଟ୍‌ ଅଫ୍‌ ଭାଇରୋଲୋଜି(NIV) ପକ୍ଷରୁ କରାଯାଇଥିବା ଏକ ଗବେଷଣାରେ ୨ଟି ପ୍ରଜାତିର ଭାରତୀୟ ବାଦୁଡ଼ିଙ୍କ ନିକଟରୁ (bt-COV) ବା କରୋନା ଭାଇରସ୍‌ ଥିବା ପ୍ରମାଣ ମିଳିଛି ।  

ଇଣ୍ଡିଆନ୍‌ ଜର୍ଣ୍ଣାଲ୍‌ ଅଫ୍‌ ମେଡିକାଲ୍‌ ରିସର୍ଚ୍ଚରେ ଏ ବିଷୟରେ ରିପୋର୍ଟ ପ୍ରକାଶିତ ହୋଇଛି । ଆଇସିଏମଆର ଏବଂ ଏନଆଇଭି. ପୁଣେର ବୈଜ୍ଞାନିକଙ୍କ ପକ୍ଷରୁ ମିଳିତ ଭାବେ କରାଯାଇଥିବା ଏହି ଗବେଷଣାର ସାରକଥା ଇଣ୍ଡିଆନ୍‌ ଜର୍ଣ୍ଣାଲ୍‌ ଅଫ୍‌ ମେଡିକାଲ୍‌ ରିପୋର୍ଟର ସଦ୍ୟତମ ପ୍ରକାଶନରେ ପ୍ରକାଶିତ ହୋଇଛି।

ଆଇସିଏମ୍‌ଆର୍‌ ଓ ଏନ୍‌ଆଇଭିର ଗବେଷକମାନେ ମିଳିତ ଭାବେ କରିଥିବା ଗବେଷଣାରେ ଓଡ଼ିଶା ସମେତ କେରଳ, କର୍ଣ୍ଣାଟକ, ତାମିଲନାଡୁ, ହିମାଚଳପ୍ରଦେଶ, ପଞ୍ଜାବ, ଗୁଜୁରାଟ, ତେଲେଙ୍ଗାନା, ଚଣ୍ଡୀଗଡ ଓ ପୁଡୁଚେରୀର ବାଦୁଡିମାନଙ୍କ ଉପରେ ଗବେଷଣା କରିଥିଲେ । ହେଲେ କେରଳ, ହିମାଚଳ ପ୍ରଦେଶ, ପୁଡୁଚେରୀ ଏବଂ ତାମିଲନାଡୁ ବାଦୁଡିଙ୍କଠାରେ କରୋନା ଭାଇରସ୍ ଠାବ ହୋଇଛି।

ପ୍ରଥମେ ୨୫ଟି ପ୍ରଜାତି ବାଦୁଡିଙ୍କର ସ୍ୱାବ ଟେଷ୍ଟ କରାଯାଇଥିଲା । ପରେ (RT-PCR) ବା ରିଭର୍ସ ଟ୍ରାନସ୍‌କ୍ରିପସନ୍‌ ପଲିମେରାଇଜ୍‌ ଚେନ୍‌ ରିଆକ୍‌ସନ୍‌ ଟେଷ୍ଟ କରାଯାଇଥିଲା । ଗବେଷକମାନେ ୨୦୧୮-୨୦୧୯ ମସିହାରେ ଧରିଥିବା ବାଦୁମାନଙ୍କର ରେକ୍ଟାଲ୍‌ ଓ ନାସାଲ୍ ସ୍ୱାବ ସଂଗ୍ରହ କରିଥିଲେ । ମୋଟ୍‌ ୫୦୮ଟି ନମୁନା ବା ସାମ୍ପଲ୍‌ ସଂଗ୍ରହ କରାଯାଇଥିଲା । ଛୋଟ ବାଦୁଡି ବା Rousettusଙ୍କ ୪ଟି ନମୁନା, ବଡ ବାଦୁଡି ବା Flying Fox ର ୨୧ଟି ନମୁନାରେ (bt-COV) ବା କରୋନା ଭାଇରସ୍‌ ମିଳିଛି ।

ଭାରତୀୟ ବାଦୁଡିଙ୍କର ଦୁଇଟି ପ୍ରଜାତିରେ କରୋନା ଭାଇରସ୍‌ଙ୍କ ସନ୍ଧାନ ମିଳିଛି । କେରଳ, ହିମାଚଳପ୍ରଦେଶ,ପୁଡୁଚେରୀ ଓ ତାମିନାଡୁ ସହ କେତକ ରାଜ୍ୟର ଏହି ୨ଟି ପ୍ରଜାତିର ବାଦୁଡି ଦେଖିବାକୁ ମିଳନ୍ତି । ମାତ୍ର ଏମାନଙ୍କ ଠାରୁ ମଣିଷଙ୍କ ଭୁତାଣୁ ସଂକ୍ରମଣ ହେବାର କୌଣସି ପ୍ରମାଣ ନାହିଁ ବୋଲି ଏଥିରେ ଉଲ୍ଲେଖ କରିଛନ୍ତି । ଏହାପରେ ଆହୁରି ୨ଟି ପ୍ରଜାତି ବାଦୁଡିଙ୍କ ଉପରେ ଏହି ପରୀକ୍ଷଣ କରାଯିବ । ଏହି ପରୀକ୍ଷଣ ବେଳେ ବାଦୁଡିଙ୍କ ରୋଗପ୍ରତିରୋଧକ ପ୍ରଣାଳୀ ଏହି ଭୁତାଣୁକୁ ପ୍ରତିରୋଧ କରିପାରୁଥିବା ଜଣାପଡିଛି ।

ଉଲ୍ଲେଖଯୋଗ୍ୟ କୋଭିଡ୍‌-୧୯ ବା କରୋନା ବଜ୍ରକାପ୍ତା ବା ପାଙ୍ଗୋଲିନ୍‌ ଓ ବାଦୁଡି ବା ବ୍ୟାଟଙ୍କ ଠାରୁ ମଣିଷକୁ ସଂକ୍ରମିତ ହୋଇଥିବା କଥା ପ୍ରଥମେ ଗବେଷଣାରୁ ଜଣା ପଡିଥିଲା । ଚୀନ୍‌ରେ ବାଦୁଡି ଓ ବଜ୍ରକାପ୍ତା ମାଂସ ଖାଉଥିବାରୁ ଏହା ମଣିଷଙ୍କୁ ବ୍ୟାପିଥିବା କଥା ପ୍ରକାଶିତ ହୋଇଥିଲା । ତେବେ ଏହାର କୌଣସି ଠୋସ୍‌ ପ୍ରମାଣ ନଥିବା କଥା ଅନ୍ୟ କେତକ ଗବେଷକ କହିଛନ୍ତି ।

୨୦୧୮ ମସିହାରେ କେରଳରେ ନିପାହା ଭାଇରସ୍‌ ବ୍ୟାପିଥିବା ବେଳେ ଏହା ଫ୍ରୁଟ୍‌ ବ୍ୟାଟ ବା ବାଦୁଡିଙ୍କ ଠାରୁ ବ୍ୟାପିଥିବା ଆଇସିଏମ୍‌ଆର୍‌ ଓ ଏନ୍‌ଆଇଭି ପକ୍ଷରୁ କୁହାଯାଇଥିଲା । ୧୯୯୮-୯୯ରେ ମାଲେସିଆରେ ନିପାହା ମହାମାରୀର ରୂପ ନେଇଥିଲା । ମାଲେସିୟାରେ ଏହା ଘୁଷୁରୀଙ୍କ ଠାରୁ ମଣିଷକୁ ବ୍ୟାପିଥିଲା । ମାଲେସିଆର ଘୁଷୁରୀ ଫାର୍ମମାନଙ୍କର ବାଦୁଡି ଖାଇଥିବା ଫଳ ଖାଇ ଘୁଷୁରୀ ସଂକ୍ରମିତ ହୋଇଥିଲେ । ପରେ ଏହା ସେଠାରେ କାମ କରୁଥିବା ଲୋକଙ୍କୁ ବ୍ୟାପିଥିଲା ।

   Related Posts