Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜଧାନୀ ଦିଲ୍ଲୀରେ ‘ଓମିକ୍ରନ’ ଆତଙ୍କ ! ବିଦେଶ ଫେରନ୍ତା ୧୨ ରୋଗୀ LNJPରେ ଭର୍ତ୍ତି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

୪୦ ସେକେଣ୍ଡରେ କରୋନା ପରୀକ୍ଷା: ଫୁଙ୍କି ଦିଅନ୍ତୁ ଏବଂ ଫଟାଫଟ୍‌ ଜାଣନ୍ତୁ କୋଭିଡ୍‌ ଭାଇରସ୍‌ ଆପଶଙ୍କୁ ସଂକ୍ରମିତ କରିଛି କି ନା…

9/10/2020 at 5:08 PM

ନୂଆଦିଲ୍ଲୀ ୦୯/୧୦: ଦେଶରେ କରୋନା ଟେଷ୍ଟିଂ ବୃଦ୍ଧି ପାଇଥିବା ବେଳେ ସଂକ୍ରମିତଙ୍କ ସଂଖ୍ୟା ବଢ଼ୁଛି। ଟେଷ୍ଟିଂ ଅଧିକ ହୋଇପାରୁଥିବାରୁ ସଂକ୍ରମିତ ଚିହ୍ନଟ ସହଜ ହେଉଛି। ତେବେ​‌ ଟେଷ୍ଟିଂ ପ୍ରକ୍ରିୟା ଆହୁରି ସହଜ ହୋଇପାରିଲେ ସଂକ୍ରମିତ ଚିହ୍ନଟ ପ୍ରକ୍ରିୟା ତ୍ବରାନ୍ବିତ ହୋଇପାରିବ। ତେଣୁ ଇସ୍ରାଏଲ୍‌ ଓ ଭାରତର ମିଳିତ ଉଦ୍ୟମରେ ଏଭଳି ଏକ ​‌ଉପାୟର ସଫଳ ରୂପାୟନ ହୋଇପାରିଛି।

ଚୁଟ୍‌କିରେ କରୋନା ଟେଷ୍ଟ କରି ଫଳାଫଳ ଜାଣିବା ପାଇଁ ଆସିଛି ନୂଆ ଟେକ୍ନୋଲୋଜି। ଏହି ମେସିନ୍‌ ତିଆରି ପ୍ରକ୍ରିୟା ଶେଷ ପର୍ଯ୍ୟାୟରେ ପହଞ୍ଚିଥିବା ଜଣାପଡ଼ିଛି। ବାସ ଆଉ କିଛି ଦିନର ଅପେକ୍ଷା ତାପରେ ଏହି ଟେକ୍ନୋଲୋଜି ଦ୍ବାରା ଲୋକଙ୍କ କରୋନା ଟେଷ୍ଟ ହୋଇପାରିବ। ଏଥିରେ ଏକ ମିନିଟ୍‌ରୁ କମ୍‌ ସମୟ ମଧ୍ୟ​ରେ ଫଳାଫଳ ଜାଣିହେବ। ତେବେ ଏନେଇ ଭାରତରେ ଇସ୍ରାଏଲ୍‌ ରାଷ୍ଟ୍ରଦୂତ ରୋନ ମାଲ୍କା ସୂଚନା ଦେଇଛନ୍ତି। ଆଗାମୀ ଦିନରେ ଇସ୍ରାଏଲ୍‌ ଓ ଭାରତର ଭଲ ତାଳମେଳ ପାଇଁ ସ୍ବାସ୍ଥ୍ୟସେବା କ୍ଷେତ୍ରରେ ବ୍ୟାପକ ପରିବର୍ତ୍ତନ ଆସିବ ବୋଲି ସେ କହିଛନ୍ତି।

କେମିତି କାର୍ଯ୍ୟ କରିବ ରାପିଡ୍‌ ଟେଷ୍ଟ ଟେକ୍ନୋଲୋଜି
ଭାରତ ଓ ଇସ୍ରାଏଲ୍‌ର ମିଳିତ ଉଦ୍ୟମରେ ପ୍ରସ୍ତୁତ ହେବାକୁ ଯାଉଥିବା ରାପିଡ୍‌ ଟେଷ୍ଟ ଟେକ୍ନୋଲୋଜି ଦ୍ବାରା  ୧ ମିନିଟ୍‌ରୁ କମ ସମୟ ମଧ୍ୟରେ ଜାଣି ହେବ ଜଣେ କରୋନା ପଜିଟିଭ୍‌ କି ନୁହେଁ। କେବଳ ଏକ ଟ୍ୟୁବ୍‌ରେ ଫୁଙ୍କି ଦେଲେ ଜଣାପଡ଼ିବ ଫଳାଫଳ। ୩୦,୪୦ କିମ୍ବା ୫୦ ସେକଣ୍ଡରେ ଫଳାଫଳ ମିଳିପାରିବ। ବିଶ୍ବ ପାଇଁ ଏହା ଏକ ଖୁସି ଖବର। ଏହାକୁ ଏୟାରପୋର୍ଟରେ ବି ବ୍ୟବହାର କରାଯାଇପାରିବ। ଏହି ପ୍ରଯୁକ୍ତିବିଦ୍ୟାର ବ୍ୟବହାର ବ୍ୟୟ ସାପେକ୍ଷ ହେବ। କାରଣ ସାମ୍ପଲ୍‌ କୌଣସି ଲ୍ୟାବ୍‌କୁ ପଠାଇବାର ଆବଶ୍ୟକତା ନାହିଁ ବୋଲି କହିଛନ୍ତି ରୋନ୍‌ ମାଲ୍କା।

ଶବ୍ଦ ଦ୍ବାରା କରୋନା ଟେଷ୍ଟର ଟ୍ରାଏଲ୍‌
ଭାରତ ଓ ଇସ୍ରାଏଲ୍‌ର ମିଳିତ ଉଦ୍ୟମରେ ମୋଟ ୪ଟି ଟେଷ୍ଟ ଟେକ୍ନୋଲୋଜିର ଟ୍ରାଏଲ୍‌ ହୋଇଛି। ଭାରତରେ ଏଥିପାଇଁ ବହୁ ପରିମାଣରେ ସାମ୍ପଲ୍‌ ମଧ୍ୟ ସଂଗ୍ରହ କରାଯାଇଛି। ଏହି ଟେକ୍‌ନିକ୍‌ରେ ବ୍ରେଥ୍‌ ଆନାଲାଇଜର୍‌ ଓ ଭଏସ୍‌ ଟେଷ୍ଟ ମଧ୍ୟ ସାମିଲ ରହିଛି। ଏହା ସାହାଯ୍ୟରେ କରୋନା ଟେଷ୍ଟିଂ ସହଜ ହୋଇପାରିବ ବୋଲି କୁହାଯାଉଛି।

   Related Posts