Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ମାନ ରଖିଲା ଭାରତ, ଶେଷ ଦିନିକିଆରେ କଙ୍ଗାରକୁ ୧୩ ରନରେ ଦେଲା ମାତ୍, ୨-୧ରେ ସିରିଜ୍ ଜିତିଲା ଅଷ୍ଟ୍ରେଲିଆ
  • ||
  • ମାଲକାନଗିରି : ଶବ ସତ୍କାର ପାଇଁ ଗାଁ ମଶାଣୀରେ ମିଳୁନି ଜାଗା, ୨୪ ଘଣ୍ଟା ହେଲା ଗାଁ ଦାଣ୍ଡରେ ପଡିଛି ମୃତଦେହ
  • ||
  • ଜୟପୁର : ଆତ୍ମସମର୍ପଣ କଲେ ମହିଳା ମାଓବାଦୀ, ହାର୍ଡକୋର ମାଓବାଦୀ ରାମକ୍ରିଷ୍ଣାର ଥିଲା ଅଙ୍ଗରକ୍ଷୀ
  • ||
  • ଭୁବନେଶ୍ବର : ୧୧୨ ଡାଏଲ କରନ୍ତୁ, ମିଳିବ ସବୁ ଜରୁରୀ ସେବା ଓ ସହାୟତା : ନୂଆ ଏକକ ପୋଲିସ ହେଲ୍ପ ଲାଇନ୍ ନମ୍ବର ଘୋଷଣା କଲେ ମୁଖ୍ୟମନ୍ତ୍ରୀ
  • ||
  • କଟକ : ‘ସ୍କୁଲ ଫି’ ଧାର୍ଯ୍ୟ ପାଇଁ ଆଇନ ନାହିଁ’- ହାଇକୋର୍ଟରେ ଏଭଳି ତଥ୍ୟ ରଖିଲେ ସରକାର
  • ||
  • ୩ ଦିନିଆ ରିମାଣ୍ଡରେ ଯିବେ ଅଭୟକାନ୍ତ ପାଠକ: ସ୍ବତନ୍ତ୍ର ଭିଜିଲାନ୍ସ କୋର୍ଟ ଦେଲେ ଅନୁମତି
  • ||
  • ଭୁବନେଶ୍ୱର : କମିଲା କରୋନା ପରୀକ୍ଷା ଦର, ଏଣିକି ୪ଶହ ଟଙ୍କାରେ ହେବ କୋଭିଡ୍ RT-PCR ଟେଷ୍ଟ
  • ||
  • କଳାହାଣ୍ଡି : ଜମିବାଡ଼ି ବିବାଦକୁ ନେଇ ଗୋଷ୍ଠୀ ସଂଘର୍ଷ, ୪ ଆହତ
  • ||
  • ଜି.ଉଦୟଗିରି : ଭାରସାମ୍ୟ ହରାଇ ବାଇକ୍ ଦୁର୍ଘଟଣା : ଜଣେ ମୃତ, ୨ ଗୁରୁତର
  • ||
  • କଣ୍ଟାବାଞ୍ଝି : ରେଳ ଷ୍ଟେସନରୁ ୭୪ ଜଣ ଦାଦନ ଶ୍ରମିକ ଉଦ୍ଧାର, ସର୍ଦାର ଫେରାର
  • ||

ଦେଶରେ କରୋନା ସଂକ୍ରମିତ ସଂଖ୍ୟା ୬୭୬୧କୁ ବୃଦ୍ଧି, ଗତ ୨୪ ଘଣ୍ଟାରେ ସବୁଠୁ ଅଧିକ କେସ୍, ସବୁଠୁ ଅଧିକ ମୃତ୍ୟୁ

10/04/2020 at 8:34 PM

ନୂଆଦିଲ୍ଲୀ ୧୦।୦୪: ସମଗ୍ର ଦେଶରେ କରୋନା ମାମଲା ଥମିବାର ନାଁ ନେଉନାହିଁ। ଏବେ ସଂକ୍ରମଣ ସଂଖ୍ୟା ବୃଦ୍ଧି ଘଟି ୬୭୬୧ରେ ପହଞ୍ଚିଛି। ଅନ୍ୟପଟେ ୫୧୬ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ଏହି ମହାମାରୀ ଭୂତାଣୁରେ ୨୦୬ ଜଣଙ୍କ ମୃତ୍ୟୁ ଘଟି ସାରିଛି। ଗତ ୨୪ ଘଣ୍ଟାରେ ଦେଶରେ ୮୯୬ଟି ମାମଲା ସାମ୍ନାକୁ ଆସିଥିବା ବେଳେ ୩୭୮ ଜଣଙ୍କ ମୃତ୍ୟୁ ଘଟିଛି। ଯାହା ଗତ ୨୪ ଘଣ୍ଟାରେ ଏ ପର୍ଯ୍ୟନ୍ତ ସବୁଠୁ ଅଧିକ ମୃତ୍ୟୁ ଏବଂ ସଂକ୍ରମଣ ମାମଲା ସାମ୍ନାକୁ ଆସିଛି।

କେନ୍ଦ୍ର ସରକାରଙ୍କ ମିଳିତ ସାମ୍ବାଦିକ ସମ୍ମିଳନୀରେ ସ୍ଵାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସ୍ପଷ୍ଟ କରାଯାଇଛି ଯେ, ଦେଶରେ ଏ ପର୍ଯ୍ୟନ୍ତ କରୋନାର କମ୍ୟୁନିଟି ଟ୍ରାନ୍ସମିଶନ ହୋଇ ନାହିଁ। ଯୁଗ୍ମ ସଚିବ ଲଭ ଅଗ୍ରଓ୍ଵାଲ କହିଛନ୍ତି ଯେବେ ବି କମ୍ୟୁନିଟି ଟ୍ରାନ୍ସମିଶନର ଘଟଣା ଘଟିବ ଆମେ ଆପଣଙ୍କୁ ପ୍ରଥମେ ସୂଚନା ଦେବୁ।

ଗୁରୁବାର ୧୬୦୦୨ ନମୂନାର ଯାଞ୍ଚ କରାଯାଇଛି। କେବଳ ୨ ପ୍ରତିଶତ କୋଭିଡ୍-୧୯ ପଜିଟିଭ୍ ଚିହ୍ନଟ ହୋଇଛି। ଏକତ୍ର କରାଯାଇଥିବା ନମୂନା ଆଧାରରେ ଏହା କୁହାଯାଇ ପାରିବ ଯେ, ସଂକ୍ରମଣର ହାର ବହୁତ ଅଧିକ ନୁହଁ। ସ୍ଵାସ୍ଥ୍ୟ ମନ୍ତ୍ରଣାଳୟର ଯୁଗ୍ମ ସଚିବ ଲଭ ଅଗ୍ରଓ୍ଵାଲ ଶୁକ୍ରବାର ନିଜର ଦୈନିକ ସାମ୍ବାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି।

ସେ କହିଛନ୍ତି ଯେ, ସରକାର କରୋନା ଭାଇରସ୍ ମୁକାବିଲା ଲାଗି ୧୫ ହଜାର କୋଟି ଟଙ୍କାର ପ୍ୟାକେଜ୍ ଘୋଷଣା କରିଛନ୍ତି। ଭାରତରେ ୧ କୋଟି ହାଇଡ୍ରୋକ୍ସି କ୍ଲୋରୋକୁଇନ ବଟୀକାର ଘରୋଇ ଆବଶ୍ୟକତା ରହିଥିବା ବେଳେ ଆମ ପାଖରେ ସଂପ୍ରତି ୩.୨୮ କୋଟି ହାଇଡ୍ରୋକ୍ସି କ୍ଲୋରୋକୁଇନ ଟ୍ୟାବଲେଟ୍ ଉପଲବ୍ଧ ରହିଛି। ସେ କହିଛନ୍ତି ଯେ, ଦେଶରେ ଆବଶ୍ୟକତା ମୁତାବକ ଏନ-୯୫ ମାସ୍କ ମହଜୁଦ ରହିଛି। ରାଜ୍ୟରେ ୨ ମାସରେ ୨୦ ଲକ୍ଷ ମାସ୍କ ଦିଆଯାଇଛି।

ସେ କହିଛନ୍ତି ଯେ, ଡାକ୍ତର ଓ ସ୍ଵାସ୍ଥ୍ୟ କର୍ମଚାରୀଙ୍କ ସହିତ ଦୁର୍ବ୍ୟବହାର ଘଟଣାର ନିନ୍ଦା କରି ଅଗ୍ରଓ୍ଵାଲ  କହିଛନ୍ତି ଯେ, କରୋନା ଭାଇରସ୍ ସଂଗ୍ରାମରେ ପ୍ରକୃତ ସଂଘର୍ଷ ଆମର ସ୍ଵାସ୍ଥ୍ୟ କର୍ମଚାରୀ କରୁଛନ୍ତି। ତାଙ୍କ ସହିତ ଦୁର୍ବ୍ୟବହାରର କୌଣସି ବି ଘଟଣା ଆମ ପାଇଁ ଚିନ୍ତାଜନକ। ଏହି ପରି ଘଟଣାରେ ସେମାନଙ୍କର ନୈତିକ ମନୋବଳ ହ୍ରାସ ହେବ।

ମହତ୍ଵପୂର୍ଣ୍ଣ କଥା ଏହା ଯେ, ବୈଦେଶିକ ମନ୍ତ୍ରଣାଳୟ ସମଗ୍ର ଦୁନିଆରେ ଥିବା ଭାରତୀୟଙ୍କ ସହିତ କ୍ରମାଗତ ଯୋଗାଯୋଗରେ ଅଛନ୍ତି ଏବଂ ସମସ୍ତଙ୍କୁ ଆବଶ୍ୟକ ସାହାଯ୍ୟ ଉପଲବ୍ଧ କରାଯାଉଛି। ଗୃହ ମନ୍ତ୍ରଣାଳୟର ଯୁଗ୍ମ ସଚିବ ପୁଣ୍ୟ ସଳିତା ଶ୍ରୀବାସ୍ତବ କହିଛନ୍ତି, କେନ୍ଦ୍ର ଗୃହ ମନ୍ତ୍ରୀ ଅମିତ୍ ଶାହା ସୀମା ସୁରକ୍ଷା ବଳ(ବିଏସଏଫ)କୁ ପାକିସ୍ତାନ ଓ ବାଂଲାଦେଶ ସୀମାରେ ସତର୍କତା ବଢାଇବାକୁ କହିଛନ୍ତି।

   Related Posts