Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫୁଟବଲର ଡିଏଗୋ ମାରାଡୋନାଙ୍କ ପରଲୋକ, ୩ ଦିନ ପୂର୍ବେ ପାଳିଥିଲେ ୬୦ତମ ଜୟନ୍ତୀ
  • ||
  • ଦୈନିକ ଆକ୍ରାନ୍ତ ତୂଳନାରେ ଆଜି କମିଲା ସୁସ୍ଥ ସଂଖ୍ୟା, ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୭୨୮
  • ||
  • ଯୋଡାମୁଣ୍ଡ ଶିଶୁ କାଳିଆର ମୃତ୍ୟୁ, ଏସସିବିରେ ଦୀର୍ଘ ଦିନ ଧରି ଥିଲେ ଚିକିତ୍ସାଧୀନ, ସୁସ୍ଥ ଅଛି ଜଗା
  • ||
  • ପରିବାର ପାଇଁ ଏତିକି ସମ୍ପତ୍ତି ଛାଡି ଯାଇଛନ୍ତି କଂଗ୍ରେସର ଚାଣକ୍ୟ ଅହମଦ ପଟେଲ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୬ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୮୭ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୭୩୦ କରୋନା ସଂକ୍ରମିତ, ୩୧୬୦୦୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଦ୍ୱିତୀୟ AIIMS ପ୍ରତିଷ୍ଠା ପାଇଁ ପ୍ରସ୍ତାବ, କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ମୁଖ୍ୟ ଶାସନ ସଚିବ
  • ||
  • ପୁରୀ : ବାହାର ଭକ୍ତଙ୍କୁ ପୁରୀ ମନା, ନାଗାର୍ଜୁନ ବେଶ ପାଇଁ ଜିଲ୍ଲା ପ୍ରଶାସନର କଟକଣା
  • ||
  • ଭିଜିଲାନ୍ସ ଜାଲରେ ଓଡିଶା ବନୀକରଣ ଅତିରିକ୍ତ ପିସିସିଏଫ୍, ଭୁବନେଶ୍ବରର ୫ଟି ଓ ମୁମ୍ବାଇ ଏବଂ ପୁନେର ୭ଟି ସ୍ଥାନରେ ଚଢାଉ
  • ||
  • କଂଗ୍ରେସର ବରିଷ୍ଠ ନେତା ଅହମଦ ପଟେଲଙ୍କ ପରଲୋକ : କରୋନାରେ ସଂକ୍ରମିତ ହୋଇ ଚାଲିଥିଲା ଚିକିତ୍ସା
  • ||

ରୁଷ ପରେ ଆଉ କିଛି ମାସରେ ପ୍ରସ୍ତୁତ ହୋଇଯିବ ଅକ୍ସଫୋର୍ଡର ଭରସାଯୋଗ୍ୟ ଭାକସିନ, ଏହି ଲୋକଙ୍କୁ ମିଳିବ ପ୍ରଥମେ

17/08/2020 at 6:09 PM

ନୂଆଦିଲ୍ଲୀ ୧୭।୦୮: ଅନେକ ଆଶା ଆଶଙ୍କା ଓ ପ୍ରଶ୍ନ ମଧ୍ୟରେ ରୁଷ ନିଜର କରୋନା ଭାଇରସ୍ ଭାକସିନ ସ୍ପୁଟୋନିକ-ଭିର ଘୋଷଣା କରି ସାରିଛି। ଏହାକୁ ନେଇ ଲୋକେ ଆଶ୍ଵସ୍ତ ମଧ୍ୟ ନାହାନ୍ତି। ଏବେ ଆଉ ଦୁଇଟି ଭାକସିନ ବର୍ଷର ଶେଷ ସୁଦ୍ଧା ଉପଲବ୍ଧ ହେବାର ଆଶା ରହିଛି। ଅକ୍ସଫୋର୍ଡ ଭାକସିନ ଟାସ୍କଫୋର୍ସର ପ୍ରମୁଖ କେଟ୍ ବିଙ୍ଘମ କହିଛନ୍ତି ଚଳିତ ବର୍ଷ ଶେଷ ସୁଦ୍ଧା ଅକ୍ସଫୋର୍ଡ ୟୁନିଭର୍ସିଟି ଓ ଜର୍ମାନୀର କରୋନା ଭାକସିନ  ପ୍ରସ୍ତୁତ ହୋଇପାରେ।

କେଟ୍ ବିଙ୍ଘମ କହିଛନ୍ତି ବ୍ରିଟେନ୍‌ରେ ପ୍ରାୟ ଏକ ଲକ୍ଷ  ଲୋକ ପରୀକ୍ଷଣରେ ସାମିଲ ହେବା ପାଇଁ ଆଗକୁ ଆସିଛନ୍ତି। କିନ୍ତୁ କେଟ୍‌ ସ୍କାଇ ନ୍ୟୁଜ୍ ସହ କଥାବାର୍ତ୍ତା ବେଳେ ଅଧିକ ସ୍ଵେଚ୍ଛାସେବୀଙ୍କୁ ପରୀକ୍ଷଣରେ ସାମିଲ ହେବାକୁ ଅପିଲ୍ କରିଛନ୍ତି।

କେଟ୍ ବିଙ୍ଘମ କହିଛନ୍ତି ମୁଁ ଆଶା କରୁଛି ଚଳିତ ବର୍ଷ ଶେଷ ସୁଦ୍ଧା ଭାକସିନ ପ୍ରସ୍ତୁତ ହୋଇ ଯାଇପାରେ। ସେ କହିଛନ୍ତି ଦୁଇ ଭାକସିନ କାଣ୍ଡେଡେଟ୍‌ରେ କ୍ଷମତା ରହିଛି, ଗୋଟିଏ ଅକ୍ସଫୋର୍ଡ ୟୁନିଭର୍ସିଟିରେ ପ୍ରସ୍ତୁତ ହେଉଥିବା ବେଳେ ଦ୍ଵିତୀୟ ଭାକସିନ ଜର୍ମାନୀର କମ୍ପାନୀ ବାୟୋନଟେକ୍‌ ପ୍ରସ୍ତୁତ କରୁଛି। କେଟ୍ କହିଛନ୍ତି ଯଦି ସବୁକିଛି ଠିକ୍ ରହେ ତେବେ ଦୁଇ ଭାକସିନକୁ ଚଳିତ ବର୍ଷ ପଞ୍ଜିକୃତ କରାଯାଇପାରେ ଏବଂ ଚଳିତ ବର୍ଷ ଏହାର ଯୋଗାଣ ମଧ୍ୟ ଆରମ୍ଭ ହୋଇପାରେ।

ବିଙ୍ଘମ ଏହା ମଧ୍ୟ କହିଛନ୍ତି ବୃଦ୍ଧ ଲୋକଙ୍କୁ ଯୁବକଙ୍କଠୁ ଅଲଗା ଭାକସିନ ଦିଆଯିବାର ସମ୍ଭାବନା ରହିଛି। କାରଣ ବୃଦ୍ଧ ବ୍ୟକ୍ତିଙ୍କ ରୋଗପ୍ରତିରୋଧକ ଶକ୍ତି ଦୁର୍ବଳ ହୋଇଥାଏ। ତେଣୁ ଭାକସିନ ଦେବା  ବେଳେ ପ୍ରଥମେ ୬୫ ବର୍ଷ ବୟସର ଲୋକଙ୍କୁ ପ୍ରାଥମିକତା ଦିଆଯିବ। ଏହା ସହିତ ଅନ୍ୟ ରୋଗରେ ପୀଡିତ, କରୋନା ଯୋଦ୍ଧା ଓ ସାମାଜିକ କାର୍ଯ୍ୟକର୍ତ୍ତାଙ୍କୁ ମଧ୍ୟ ଭାକସିନ ପ୍ରଥମେ ଦିଆଯିବ।

ଅନ୍ୟପକ୍ଷେ ଆମେରିକା ଔଷଧ କମ୍ପାନୀ ମଧ୍ୟ ଅନେକ ଭାକସିନ ଉପର ଦ୍ରୁତ ଗତିରେ କାମ କରୁଛି। ଆମେରିକା କମ୍ପାନୀ ନୋଭାକ୍ସା ଘୋଷଣା କରିଛି ସେ ଦକ୍ଷିଣ ଆଫ୍ରିକାରେ ନିଜର ଭାକସିନର ପରୀକ୍ଷଣ ଆରମ୍ଭ କରୁଛି। NVX-CoV2373 ଭାକସିନର ଫେଜ୍-୨ବି ପରୀକ୍ଷଣ ପ୍ରାୟ ୨୬୬୫ ସୁସ୍ଥ ଲୋକଙ୍କ ଉପରେ କରାଯିବ।

ଅପରପକ୍ଷେ ଚୀନର CanSino Biologics Inc କମ୍ପାନୀର କରୋନା ଭାକସିନର ପେଟେଣ୍ଟ ମଞ୍ଜୁର କରିଛି। ଏହି କମ୍ପାନୀ ରୁଷ, ବ୍ରାଜିଲ, ମେକ୍ସିକୋ, ସାଉଦି ଆରବ ସହିତ ଅନେକ ଦେଶରେ ପରୀକ୍ଷଣ ଆରମ୍ଭ କରିବାକୁ ଯାଉଛି।

   Related Posts